Bagi ti danum
![](http://upload.wikimedia.org/wikipedia/commons/thumb/c/ca/Lysefjorden_fjord.jpg/250px-Lysefjorden_fjord.jpg)
Ti bagi ti danum ket ti signipikante nga umnong ti danum, a kadawyan iti rabaw ti planeta. Ti termino ket kadawyan a mangibagbaga kadagiti taaw, baybay, ken danaw, ngem mangiraman pay daytoy kadagiti babbabassit nga umnong ti danum a kas dagiti alog, kalugnakan, wenno iti ad-adu a karkarna, dagiti lugnak. Ti maysa bagi ti danum ket saan a nasken a natalna wenno nalas-udan; dagiti karayan, waig, kanal, ken dagiti dadduma a heograpikal a langa a dagiti danum ket agayus manipud iti maysa a lugar iti sabali ket naikeddengda pay a kas dagiti bagi ti danum.[1]
Kaaduan kadagitoy ket dagiti heograpiko a langa a masna a rimsua, ngem adda met dagiti artipisial. Adda dagiti kita a mabalin a masna wenno artipisial. Kas pagarigan, kaaduan dagiti reservoir ket pinartuat babaen ti panaginhinniero kadagiti penned, ngem adda met dagiti masna a danaw nga inus-usar a kas dagiti reservoir. Iti pay maipada, kaaduan dagiti pagsangladan ket dagiti masna a rimsua a luek, ngem adda met dagiti pagsangladan a napartuat babaen ti kontruksion.
Dagiti bagi ti danum a malayag ket ammo a kas dagiti dalan ti danum. Adda dagiti bagi ti danum nga agurnos ti danum ken mangiyakar iti danum, kas dagiti karayan ken dagiti waig, ken dagiti dadduma ket nangrunada nga agtengngel iti danum, kas dagiti danaw ken dagiti taaw.
Ti termino a bagi ti danum ket mabalin pay a mangbaga iti reservoir ti danum a tinengngel babaen ti maysa a mula, a teknikal nga ammo a kas pitotelma.
Dagiti bagi ti danum ket maapektaran babaen ti grabidad a mangpartuat kadagiti apekto dagiti atab ken ugot iti Daga.[2]
Dagiti kita
[urnosen | urnosen ti taudan]- Baybay – ti maysa a dakkel a gay-at iti naapgad a danum a maikapet iti taaw, wenno ti maysa a dakkel, kadawyan a naapgad, a danaw nga awanan iti masna a rummuaran a kas ti Baybay Kaspio ken ti Baybay Natay. Iti kadawyan a panagusar, masansan a maipada iti taaw.
- Danaw – ti maysa a bagi ti danum a kadawyan a nasadiwa a danum , iti relatibo a dakkel a nailaon iti maysa bagi ti daga.
- Karayan – ti maysa a masna a dalan ti danum a kadawyan a binukel babaen ti danum a naala manipud iti presipitasion wenno natunaw a danum iti glasier manipud iti nangatngato a lugar a mapan iti nababbaba a lugar.
- Luek – ti maysa a lugar ti danum a beddengan babaen ti daga kadagiti tallo a bangir, kapada ngem bassbasit ngem ti maysa a golpo.
- Taaw – ti maysa a nangruna a naapgad a bagi ti danum nga iti kadagupan, ket sakupenna ti agarup a 71% iti rabaw ti daga.
Dagiti nagibasaran
[urnosen | urnosen ti taudan]Dagiti taudan
[urnosen | urnosen ti taudan]- Mitsch, W.J. and J.G. Gosselink. 2007. Wetlands, 4th ed., John Wiley & Sons, Inc., New York, 582 pp.[3]
Dagiti dakamat
[urnosen | urnosen ti taudan]- ^ Langbein, W.B.; Iseri, Kathleen T. (1995). "Hydrologic Definitions: Stream". Manual of Hydrology: Part 1. General Surface-Water Techniques (Water Supply Paper 1541-A). Reston, VA: USGS..
- ^ "What causes high tide and low tide? Why are there two tides each day?". HowStuffWorks (iti Ingles). 2009-05-21. Naala idi 2017-12-10.
- ^ The first edition of Wetlands by Mitsch and Gosselink was published in 1986 by Van Nostrand Reinhold. Second, third, and fourth (current) editions were published in 1993, 2000, and 2007 respectively by John Wiley & Sons. "Wetlands, 4th Edition". Naiyarkibo manipud iti kasisigud idi 2012-07-03. Naala idi 2012-07-10.
Dagiti akinruar a silpo
[urnosen | urnosen ti taudan] Dagiti midia a mainaig iti Bagi ti danum iti Wikimedia Commons