Handle System
Ti Handle System ket ti propriedad a rehistro a mangikeddeng kadagiti napinget a panagilasin ti Corporation for National Research Initiatives, wenno dagiti handle, kadagiti rekurso ti pakaammo, ken para iti panagsolbar "para kaagiti a handle kadagiti nasken a pakaammo tapno makabiruk, makaserrek, ken intono kuan makausar kadagita a rekurso".[1]
Kas met kadagiti handle a maus-usar kadagiti sabali a lugar iti komputado, nalibeg dagiti handle ti Handle System, ken saan a mangikodigo iti pakaammo a manipanggep iti maibagbaga a rekurso, maipasidong laeng iti metadata a maipanggep iti rekurso. Iti mapasamak, dagiti handle ket saanda a maiparuar nga imbalido babaen kadagiti panagbaliw iti metadata. Pinadur-as ti sistema babaen ni Bob Kahn iti Corporation for National Research Initiatives (CNRI). Pinunduan ti kasisigud nga obra babaen ti Defense Advanced Research Projects Agency (DARPA) idi pagbaetan ti 1992 ken 1996, kas parte ti nalawlawa a batayan para kadagiti naiwarwaras a serbisio ti dihital a banag,[2] ken isu idi nga agiddan nga adda iti nasapa a pannakailuas ti World Wide Web, nga agraman met kadagiti agpada a gandat.
Immuna a naisayangkat ti Handle System idi panagsusuldong ti 1994, ken inadministro ken pinataray idi babaen ti CNRI aginggana idi Disiembre 2015, ken idi naipaammo ti maysa a baro a moda ti panagpataray iti "multi-primary administrator" (MPA). Ti Pundasion ti DONA[3] ket administruenna itan ti sistema ti Global Handle Registry ken gupitanna dagiti MPA, a mairaman ti CNRI ken ti Internasional a Pundasion ti DOI.[4] Agdama a mangipaay ti sistema ti batayan nga impraestruktura para kadagiti kasta a sistema a naibatay iti handle kas dagiti Digital Object Identifier ken DSpace, a nangrunada a maus-usar tapno makaipaay ti panagserrek a maipapan iti eskolar, kadagiti dokumento ti propesional ken gobierno ken dagiti pay sabali a rekurso ti pakaammo.
Ti CNRI ket mangipaay kadagiti espesipikasion ken ti kodigo ti taudan para kadagiti pannagisayangkat ti reperensia para kadagiti server ken kadagiti maus-usar a protokol iti sistema babaen ti maysa nga awan bayad a "Lisensia ti Publiko", ken kapada daytoy ti lisensia ti maysa a silulukat a taudan.[5]
Rinibo dagiti agdama nga agtartaray a serbisio ti handle. Sumurok kadagitoy a 1000 ket mabirukan kadagiti unibersidad ken dagiti biblioteka, ngem maipatpataray pay dagitoy kadagiti nailian a laboratorio, dagiti grupo ti agsuksukisok, dagiti ahensia ti gobierno, ken dagiti komersial a negosio, nga umaw-awat kadagiti panagkiddaw ti sumurok a 200 a riwriw iti tunggal maysa a bulan.
Dagiti nagibasaran
[urnosen | urnosen ti taudan]- ^ "RFC 3650: Handle System Overview" (iti Ingles).
- ^ "Kahn/Wilensky Architecture" (iti Ingles). CNRI. 1995-05-13. Naala idi 2013-03-13.
- ^ "DONA Foundation". dona.net.
- ^ "Digital Object Identifier System". doi.org (iti Ingles).
- ^ "Redirect to Current Handle.Net web site content". handle.net (iti Ingles). Naala idi 15 Marso 2018.
Dagiti akinruar a silpo
[urnosen | urnosen ti taudan]- Opisial a website
- Proyekto dagiti Persistent identifier iti Paradigm Naiyarkibo 2016-01-27 iti Wayback Machine