Ludovic Orban
Ludovic Orban | |
---|---|
![]() | |
Land | ![]() |
Nascentie | 25-im May 1963 in Brașov |
Partise | PNL |
Oficies | |
Prim-ministre de Rumania | |
Quande | 4-im de novembre 2019 til 7-im de decembre 2020 |
Antecessor | Viorica Dăncilă |
Successor | Florin Cîțu |
Presidente del PNL | |
Quande | 17-im de junio 2017 til 25-im de septembre 2021 |
Antecessor | Raluca Turcan |
Successor | Florin Cîțu |
Ludovic Orban es un politico de Rumania. Il nascet li 25-im de may 1963 e esset inter li 4-im de novembre 2019 e li 7-im de decembre 2020 li prim-ministre de Rumania. Ludovic Orban esset inter 17-im de junio 2017 til 25-im de septembre 2021 li presidente del National Liberal Partise de Rumania. In li novembre 2021 il esset ejectet ex li National Liberal Partise de Rumania e il fundat li nov partise Fortie del Dextri e devenit li presidente de ti partise in li decembre 2021.
Personal e professional vive
[modificar | redacter fonte]Ludovic Orban es li filio de un etnic hungarian patre e un etnic rumanian matre. Il studiat construction de machines in Brașov e laborat quam ingeniero e in li annus 1991/1992 quam redactor de un diale.
Ludovic Orban es maritat e have un filio. Su seniori fratre Leonard Orban esset ministre por europan aferes e inter 2007 e 2010 membre del Europan Comission por lingual aferes e multi-lingualisme.
Political cariera
[modificar | redacter fonte]Desde li annu 1993 Ludovic Orban es activ por li National Liberal Partise de Rumania.
- 2004-2007 Vice-borgomastro de Bucarest
- 2007-2008 Ministre por transporte.
- 2008 Orban esset electat quam membre del parlament de Rumania.
- 2017 Ludovic Orban devenit presidente del National Liberal Partise de Rumania.
- 2017-2021 Ludovic Orban esset inter 17-im de junio 2017 til 25-im de septembre 2021 li presidente del National Liberal Partise de Rumania.
- 2019 Ludovic Orban devenit li 4-im de novembre 2019 prim-ministre de Rumania.
- 2019-2020 Ludovic Orban esset inter li 4-im de novembre 2019 e li 7-im de decembre 2020 li prim-ministre de Rumania.
- 2020-2021 Ludovic Orban esset presidente del chambre del deputates in li parlament de Rumania.
- 2021 Ludovic Orban esset ejectet ex li National Liberal Partise in li novembre 2021 e il fundat li nov partise Fortie del Dextri e devenit li presidente de to partise.