Dominic Raab
Dominic Rennie Raab es un politico del Reyatu Unit. Il nascet li 25-im de februar 1974 in Buckinghamshire e esset inter li 24-im de julí 2019 e li 15-im de septembre 2021 ministre por externi aferes del Reyatu Unit. Raab esset inter li 15-im de septembre 2021 til 6-im de septembre 2022 e inter li 25-im de octobre 2022 til 21-im de april 2023 vice-prim-ministre, Lord High Chancellor e ministre por justicie del Reyatu Unit. Il es membre del Conservativ Partise.
Personal e professionell vive
[modificar | redacter fonte]Dominic Raab es li filio e un ex li Tchecoslovakia fuginta judéo e un anglesi matre. Il studiat jurisprudentie in Oxford e Cambridge. Pos su studies Raab laborat quam avocate e diplomat.
Dominic Raab es maritat con Erika Rey qui origina de Brasil e li cuple have infantes e habita in Thames Ditton.
Political cariera
[modificar | redacter fonte]- 2010 Dominic Raab es electet in li parlament del Reyatu Unit por li Conservativ Partise.
- 2018 Ministre por li Brexit in li guvernament del Theresa May.
- 2019-2021 Dominic Raab devenit ministre por externi aferes del Reyatu Unit in li guvernament de Boris Johnson.
- 2021-2022 Dominic Raab esset vice-prim-ministre, Lord High Chancellor e ministre por justicie del Reyatu Unit inter li 15-im de septembre 2021 til 6-im de septembre 2022.
- 2022-2023 Dominic Raab esset denov vice-prim-ministre, Lord High Chancellor e ministre por justicie del Reyatu Unit inter li 25-im de octobre 2022 til 21-im de april 2023.