Uniform Resource Locator
Uniform Resource Locator |
---|
instantia de: technical standard[*] |
subclasse de: Uniform Resource Identifier[*] |
|
sito web official: https://url.spec.whatwg.org/ |
Commons: Uniform Resource Locator |
Un adresse URL (le acronymo anglese significa Uniform Resource Locator) es un sequentia de characteres conforme a un formato standard, qui es usate pro referer a ressources, como documentos e imagines in Internet, per lor location.
Le adresse URL esseva un innovation fundamental in le historia del Internet. Illo esseva create per Tim Berners-Lee in 1991 pro permitter que le autores de documentos establi hyperligamines in le World Wide Web. Depost 1994, in le standards del Internet, le concepto del URL ha essite incorporate in le concepto plus general del URI (Uniform Resource Identifier), sed le termino URL continua a esser in uso general.
In le practica, totevia, quasi tote le URIs anque es URLs, e le terminos es quasi synonyme. Iste discussion es applicabile a ambe conceptos.
Schema de URL
[modificar | modificar fonte]Un URL es classificate per su schema, qui normalmente indica le protocollo de rete usate pro obtener un representation del ressource in question super un rete computatorial. Un adresse URL comencia con le nomine de su schema, sequite per un signo de duo punctos (:), sequite per un parte specific al schema.
Alcun exemplos de schemas de URL:
- http - ressources HTTP
- https - HTTP super SSL
- ftp - File Transfer Protocol
- mailto - adresse de E-mail
- ldap - consulta de Lightweight Directory Access Protocol
- file - ressources disponibile in le computator local o super un rete local pro excambiar files
- news - un gruppo de novas de Usenet
- gopher - le protocollo Gopher
- telnet - le protocollo Telnet