Statos Federate de Micronesia
Statos Federate de Micronesia | |||
|
|||
Hymno: Patriots of Micronesia | |||
![]() |
|||
Nomine native | Federated States of Micronesia, Mikronesia | ||
---|---|---|---|
Classe | stato soveran[*], stato insular, pais | ||
Pais | Micronesia | ||
Capital | Palikir[*], Kolonia[*] | ||
Population | 105 544 | ||
Area | 702 km² ![]() |
||
Coordinatas | 6°55'N, 158°11'E | ||
Linguas official | anglese | ||
Citates gemine | Konan[*] | ||
Fuso horari | UTC+10:00[*], UTC+11:00[*] | ||
Codice telephonic | +691 | ||
Valuta | dollar statounitese | ||
Dominio de Internet | .fm[*] | ||
ISO 3166-1 alpha-2 | FM | ||
ISO 3166-1 alpha-3 | FSM | ||
ISO 3166-1 numeric | 583 | ||
Codice IOC | FSM | ||
Geonames ID | 2081918 | ||
Sito web: http://www.fsmgov.org/ | |||
Wikimedia Commons Category Federated States of Micronesia |
Le Statos Federate de Micronesia es un pais archipelagic in le Oceano Pacific del nord. Le forma curte del stato pote esser «Micronesia», ma isto ha propriemente un significato plus large, e il es preferibile usar le acronymo SFM. Le pais es composite de quatro statos, a saper Yap, Chuuk, Pohnpei e Kosrae. Approximativemente le medietate del population habita Chuuk, ma le citate capital es Palikir in Pohnpei. Le archipelago esseva previemente cognite como le Insulas Carolin. Le zono economic exclusive del SFM avicina cellos de Palau, Guam, le Insulas Marshall, Nauru e Papua Nove Guinea.
![](http://upload.wikimedia.org/wikipedia/commons/thumb/4/4d/Koloniasokehs.jpg/220px-Koloniasokehs.jpg)
Le SFM es independente desde 1986, ma le ancian poter tutelari—le Statos Unite—continua a garantir le defensa del pais secundo un Compacto de libere association. Ante passar sub un tutela del ONU administrate per le marina statounitese (con Palau e le Insulas Marshall), le SFM esseva un possession japonese. Japon lo habeva conquirite del germanos durante le Prime Guerra Mundial. Ante le breve periodo de colonisation german, le insulas esseva un appanage del Philippinas espaniol.
Le population es largemente de ascendentia micronesian, con parve communitates de philippinos, statouniteses, chineses, polynesianos, etc. Un proportion del population indigena descende in parte de colonos japonese.
Cata stato possede su proprie lingua local—yapese, chuukese, pohnpeiano e kosraeano—e le linguas ulithian e woleaian son currente in le insulas de Ulithi e Woleai (parte del stato de Yap). Istes son omnes linguas official con le lingua anglese, que predomina in le uso governamental e le education secundari e tertiari.
Christianismo es le religion dominante in tote le quatro statos. Il existe parve numeros de bahá'ís, buddhistas, e alteres.
Le economia del SFM es basate in le agricultura e pisca de subsistentia. Le sol ressources mineral de importantia economic son depositos de phosphato de alte grado.