Jean Moulin
![](http://upload.wikimedia.org/wikipedia/commons/thumb/8/89/Jean_Moulin._Monument.jpg/129px-Jean_Moulin._Monument.jpg)
Jean Moulin es un heroe del historia europee qui se ha opponite al feroce occupation continental per le totalitarismo nazi.[1]
Vita e pragmas
[modificar | modificar fonte]Iste milite e partisano occitan nasce in 1899 a Béziers e deveni prefecto (capite de un departimento francese) del Departimento Herault a 37 annos de etate.
In 1940 arriva le secunde guerra mondial etiam in Francia, le partito nationalsocialista controla tote Germania e decide invader Paris. Le Stato francese collabora, e le prefecto Jean Moulin debe obedir al germanes, sed ille vole ante toto proteger le populo qui lo ha liberemente elegite. Un nocte le nazis accusa milites del Republica Francese venite ab colonias african de haber massacrate gente, e vole que Jean les denunciarea. Sed essente isto solo un expediente racista pro incriminar le africanes innocente, Jean Moulin decide non mentir e plus tosto tenta le suicidio taliante se le gorga. Miraculosemente ille supervive, e gratias a su cognoscientias politic attinge adir in secreto alie resistentes al occupation militar e ideologic, de facto disobediente al ordines e al leges del nove regime de oppression su pais.
Le resistentia cela personas in periculo, bloca vias ferrate, stratas, e convios, et occide nazistas damnose al causa de libertate civil.
In Grande Britannia le General exiliate Charles de Gaulle annuncia per radio que le Francia Libere existe ancora, il es le Francia del resistentes, e ille es su duce. Ille resulta incontrar Jean Moulin clandestinemente in 1941 e le incarga reunir omne resistente possibile pro organisar le actiones, le pecunia, e le armas pro le liberation.
Jean se face paracader de nocte retro in le Continente, e post varie successos a damno del totalitarismo que suffoca le populo, le 21 de junio 1943 ille es signalate per anonymos, e le nazis le prende e le tortura die e nocte pro obtener informationes utile, declarante le finalmente morte le 8 de julio sur le traino Paris-Berlin verso le campos de concentration. Ille non revelara jammais qui son su companios e qual son le planos del resistentia.
![](http://upload.wikimedia.org/wikipedia/commons/thumb/9/9f/Monument_Jean_Moulin_%C3%A0_Chartres.jpg/190px-Monument_Jean_Moulin_%C3%A0_Chartres.jpg)
Hereditate
[modificar | modificar fonte]Pro su corage ille ha devenite un heroe e un symbolo europee del ideal de libertate del populo e del individuo, e il es dunque interrate al Pantheon de Paris cum le grande personalitates de su nation, a sempiterne memoria de su gestos hardite, lassante retro se un importante hereditate re le demanda ethic de que es le disobedientia civil, e como illo pote esser applicate al vita real.
![](http://upload.wikimedia.org/wikipedia/commons/thumb/1/1e/Jean_Moulin_tombe.jpg/165px-Jean_Moulin_tombe.jpg)
- ↑ Le Disobedientia pro le Libertate: Jean Moulin, per OMNE: https://omnelingua.wordpress.com/2020/04/08/jean-moulin/