Holocausto
![](http://upload.wikimedia.org/wikipedia/commons/thumb/2/26/Bundesarchiv_B_285_Bild-04413%2C_KZ_Auschwitz%2C_Einfahrt.jpg/300px-Bundesarchiv_B_285_Bild-04413%2C_KZ_Auschwitz%2C_Einfahrt.jpg)
Le Holocausto europee[1] (in hebreo: השואה ha Shoah; in jidisch: דער חורבן אייראָפּע der Churben Eyrope, e in le linguas tsigan: Porajmós /poɽaiˈmos/) es le nomine pro le planificate genocidio de milliones de innocente personas in Europa inter 1941 e 1945 durante le Secunde Guerra Mundial, exterminate per le autoritates german sub le commando del dictator Adolf Hitler. Ille genocidio deveniva un del major objectivos strategic de Hitler durante su guerra pro subjugar Europa. Le prime victimas era judeos e tsiganos, ma etiam altere gruppos distinctive (como opponentes e dissidentes politic e religiose, homines homosexual, personas mental- e physicamente handicapate etc.) suffreva durmente durante le Holocausto.
Termino
[modificar | modificar fonte]Le termino holocausto es derivate del adjectivo grec ὁλόκαυστος (holókaustos) que es un sacrificio in que un animal es ardite completemente. Un altere nomine frequentemente usate es Shoah (in hebreo: השואה, HaShoah, "le catastrophe"). Le nazis usava le termino "Endlösung der Judenfrage" (solution final del question judee).
Genocidio
[modificar | modificar fonte]Duo elementos distingue le Holocausto de altere casos de genocidio:
- Le ideologia nazi, le qual es multe nationalista, e divide le mundo in quatro categorias: aryanos, alteres, impuros e judeos.
- Le realisation de assassinatos massive.
Campos de extermination
[modificar | modificar fonte]Le majoritate de campos construite pro exequer le holocausto esseva locate in Germania e Polonia.