Gris

Gris
instantia de: literary trope[*]
subclasse de: alleged extraterrestrial being[*], humanoid[*]
parte de: ufology[*]
Commons: Gray aliens

Le grises es le typologia de esseres alien intelligente definite con plus frequentia in le contexto del ufologia, del moderne theorias del conspiration e per le testes de supposite sequestros alien. Illos sole esser describite como humanoides de basse talie, svelte, completemente calve e de pelle gris (ab hic su nomine), con le capite grosse, grande oculos amandolate coperte per un membrana nigre, aures minuscule sin pavilion aural e bucca parve disproviste de labios. Lor constitution phyisic ha essite comparate a vices con illo de un essere human adulte con characteristicas infantil. In le classification de supposite racias alien elaborate in le annos 1980 per le ufologo statunitense Brad Steiger, le grises pertine al nominate typo Alpha.

Le psychiatro american John Mack, qui ha investigate le consequentias psychologic e comportamental super patientes qui assecura haber habite experientias de sequestro extraterrestre, affirma que multe ex illes ha narrate incontros proxime con esseres cuje characteristicas physic coincide con le typologia del grises.

David Jacobs, professor de historia in le Universitate de Temple, affirma que inter le pretense racias alien describite, le typo somatic del grises es le sol que on pote considerar credibile facie al resto.

Totevia, como in le caso del resto de typos extraterrestre definite per le adherentes e defensores del ufologia, il ha nulle prova contrastabile de lor existentia real.