Ֆիլտրացված սուրճ
![](http://upload.wikimedia.org/wikipedia/commons/thumb/a/ae/Kaffeefilter.jpg/220px-Kaffeefilter.jpg)
Ֆիլտրացված սուրճ[1], սուրճ, որը պատրաստվում է ֆիլտրի վրա աղացած սուրճին տաք ջուր լցնելու (մեկ անգամ) մեթոդով։ Ֆիլտրը թույլ է տալիս, որ ջուրն անցնի աղացած սուրճի միջով, և զտում է սուրճի մասնիկներն այնպես, որ դրանք չհայտնվեն պատրաստի ըմպելիքի մեջ։ Ջուրը լցվում է ձեռքով կամ կաթիլային սրճեփն ինքն ավտոմատ ապահովում է այդ գործընթացը։
Սուրճի պատրաստման գրեթե բոլոր եղանակների ժամանակ (բացառությամբ ջազվեի և էլի մի քանի դեպքերում) օգտագործվում է ֆիլտր, բայց ֆիլտրացված սուրճը մնացած բոլորից տարբերվում է նրանով, որ ջուրն ինքնահոս կերպով է հոսում՝ զուտ ծանրության ուժի ազդեցությամբ[1]։
Պատմություն
[խմբագրել | խմբագրել կոդը]Սուրճի ֆիլտրը թղթե սկավառակի (կլոր թղթի) տեսքով, որը տեղադրվում է ալյումինե[1] բաժակի մեջ, հորինել է Դրեզդենից 35-ամյա տնային տնտեսուհի Մելիտա Բենցը, որը փորձել է որպես ֆիլտր իր որդու տետրի ծծան թուղթը։ 1908 թվականի հունիսի 20-ին նա ստացել է արտոնագիր սուրճի ֆիլտրի[2] օգտակար մոդելի համար։ 73 պֆենիգ մեկնարկային կապիտալով, Մելիտան ամուսնու՝ Ուգոյի հետ միասին հիմնել է սուրճի ֆիլտրեր արտադրող Melitta ընկերությունը։ Մելիտա Բենցի գյուտից առաջ սուրճի նստվածքը զտելու համար կային մետաղական և կերամիկական սարքեր, ինչպես նաև օգտագործում էինկտավը որպես ֆիլտր։
![](http://upload.wikimedia.org/wikipedia/commons/thumb/f/f5/Filtre-pour-une-tasse-cafe.jpg/220px-Filtre-pour-une-tasse-cafe.jpg)
Ֆիլտրեր և սարքեր
[խմբագրել | խմբագրել կոդը]Արտադրության նյութեր. թուղթ, գործվածք, ոչ գործվածքային նյութեր, պլաստիկ, մետաղ, կերամիկա։ Ֆիլտրերը լինում են միանգամյա օգտագործման (օրինակ՝ թղթե) և բազմակի օգտագործման (մաղի նման կամ անցքեր ունեցող դիսկի՝ պլաստիկից, մետաղից, կերամիկայից)։ Ըստ անցքերի չափի՝ բարակ (թղթե, անտեսանելի ծակոտիներով), միջին (ցանցի տեսքով) և կոպիտ (անցքերով թիթեղի տեսքով)։
-
Melitta ֆիրմայի սրճեփ ձագարով (առանց ֆիլտրի), մոդել 102, 1960-ական թթ
-
Պուրովեր (ձագար)
-
Կեմեկս
-
Կաթիլային սրճեփ
-
Վիետնամական մետաղական ֆիլտր[1], որը տեղադրվում է գավաթի վրա
-
Հարավհնդկական ֆիլտր (աջ կողմում) գավաթի հետ (ձախ կողմում)
-
Կերամիկական ֆիլտրով սրճեփ
-
Նեապոլիտանական շրջվող սրճեփ
Սուրճի պատրաստում
[խմբագրել | խմբագրել կոդը]Աղացած սուրճը դրվում է ֆիլտրի վրա, ապա ավելացվում է ջուրը (դանդաղ կամ միանգամից)։ Ջուրն ինքնահոս անցնում է սուրճի միջով և վերցնում է նրանից բոլոր լուծվող նյութերը։ Պատրաստի ըմպելիքը հոսում է ցած և լցվում ամանի մեջ։ Միանգամյա ֆիլտրը սուրճի նստվածքով դեն է նետվում, իսկ բազմակի օգտագործման ֆիլտրը մաքրվում է սուրճից և լվացվում։
Պայմաններ | Չափեր |
---|---|
Աղացվածք | Միջին[3], միջինից խոշոր[4] |
Համամասնություն | 6-10գ սուրճ 200մլ պատրաստի ըմպելիքին |
Ջրի ջերմաստիճան | 92-96 °C[4] |
Պատրաստ լինելու ժամանակը | 6-8ր[4] |
Ծանոթագրություններ
[խմբագրել | խմբագրել կոդը]Գրականություն
[խմբագրել | խմբագրել կոդը]- Стивенсон Т. Большая книга кофе = The curious barista's guide to coffee (2015) / Пер. с англ. З. Тимофеевой. — М.: Э (Эксмо), 2017. — С. 150—161. — 223 с.
- Кофе: рецепты, коктейли, советы, мастер-классы / Сост. Денисов Д.И., Цыро С.В.. — М.: Ресторанные ведомости, 2014. — С. 59—60. — 176 с.
![]() | Վիքիպահեստն ունի նյութեր, որոնք վերաբերում են «Ֆիլտրացված սուրճ» հոդվածին։ |