Փեգի Էշքրոֆթ

Փեգի Էշքրոֆթ
Ծննդյան թիվ՝	դեկտեմբերի 22, 1907(1907-12-22)[…]
Ծննդավայր՝	Սըրրի, Անգլիա, Մեծ Բրիտանիայի և Իռլանդիայի միացյալ թագավորություն
Վախճանի թիվ՝	հունիսի 14, 1991(1991-06-14)[…] (83 տարեկան)
Վախճանի վայր՝	Լոնդոն, Միացյալ Թագավորություն
Քաղաքացիություն՝	Միացյալ Թագավորություն  Մեծ Բրիտանիայի և Իռլանդիայի միացյալ թագավորություն
Մասնագիտություն՝	թատրոնի դերասանուհի, կինոդերասանուհի և դերասանուհի
Պարգևներ՝	Վաստակի համար թագավորական ոսկե մեդալ Laurence Olivier Award for Actress of the Year in a New Play? British Academy Television Award for Best Actress? British Academy Television Award for Best Actress? Վոլպի գավաթ կնոջ լավագույն դերակատարման համար Society of London Theatre Special Award? BAFTA մրցանակ կնոջ լավագույն դերակատարման համար և Evening Standard Theatre Award for Best Actress?
IMDb։	ID 0001919

Փեգի Էշքրոֆթ (անգլ.՝ Peggy Ashcroft, դեկտեմբերի 22, 1907(1907-12-22)^[…], Սըրրի, Անգլիա, Մեծ Բրիտանիայի և Իռլանդիայի միացյալ թագավորություն - հունիսի 14, 1991(1991-06-14)^[…], Լոնդոն, Միացյալ Թագավորություն), բրիտանացի դերասանուհի, 1985 թվականին արժանացել է «Օսկար» մրցանակի երկրորդ պլանի լավագույն դերասանուհու համար։

Կենսագրություն

Գործունեություն

Էդիտ Մարգարետ Էմիլի Էշքրոֆթը ծնվել է 1907 թվականի դեկտեմբերի 22-ին Անգլիայի հարավում գտնվող Կրոյդեն քաղաքում։ Սովորել է տեղի միջնակարգ դպրոցում, այնուհետև՝ Լոնդոնի խոսքի և դրամայի կենտրոնական դպրոցում՝ Ջոն Ֆոգերտիի մոտ։ Դպրոցն ավարտելուց հետո Էշքրոֆըը իր հասակակից Լորեն Օլիվիեի հետ բաժանել են լավագույն ուսանողի և ուսանողուհու մրցանակները։ 1926 թվականին դերասանուհին Բիրմինգհեմի ռեպերտուարային թատրոնում կատարել է իր առաջնելույթը։ Իր առաջին հաջողությանը Էշքրոֆըը հասել է Պաուլ Կորնֆիլդի «Հրեա Զյուս» (1929) և Շեքսպիրի «Օթելլո» (1931) պիեսների հիման վրա ներկայացումների դերերում։ Էշքրոֆըը իրական ժողովրդականություն է վայելել 1934 թվականին, երբ, Ռոմեո և Ջուլիետ բեմադրությունում մարմնավորել է Ջուլիետին (Լորենս Օլիվիեի և Ջոն Գիլգուդի հետ միասին, ովքեր կատարել են Ռոմեոյի և Մերկուցիոյի դերերը հերթափոխով)։ 1928-1933, 1940, 1950-1951 թվականներին ելույթ է ունեցել «Օլդ Վիկ» թատրոնում։ 1960 թվականին Ստրատֆորդե-նա-Էյվոնեում Փիթեր Հոլլը հիմնադրել է Շեքսպիրյան թագավորական թատրոնը, որի գլխավոր դերասանուհին եղել է Էշքրոֆթը։

1951 թվականին Էշքրոֆթին շնորհվել է Բրիտանական կայսրության Կամանդորի կոչում, իսկ 1956 թվականին ներկայացվել է Տիկին Կամանդորի կարգի։

Էշքրոֆթի հեռուստատեսային և կինոյի դերեը հազվադեպ էին, բայց հիշարժան։ Նրա մասնակցությամբ առաջին ֆիլմերից մեկը եղել է 1939 թվականին «39 աստիճաններ» ֆիլմը։ 1984 թվականին նրա դերն առավել հայտնի է դարձել «Ուղևորություն դեպի Հնդկաստան» ֆիլմում։ Տիկին Մուրի կատարման համար դերասանուհին արժանացել է «Օսկար» մրցանակի երկրորդ պլանի լավագույն դերասանուհու համար՝ դառնալով այդ մրցանակին արժանացած ամենատարեց դերասանուհին՝ Էշքրոֆթը այդ ժամանակ 77 տարեկան էր։ Էշքրոֆթն անձամբ չի ներկայացել մրցանակաբաշխությանը և «Օսկարը» նրա անունից ընդունել է Անջելա Լենսբերի։ Այդ նույն դերի շնորհիվ նա արժանացել է «Ոսկե գլոբուս» և BAFTA մրցանակներին։

Հեռուստատեսությունում հայտնի է դարձել նրա «Թագի հարստությունները» բրիտանական մինի-սերիալի դերը, ինչի շնորհիվ դերասանուհին արժանացել է «BAFTA» մրցանակի, որպես «Լավագույն հեռուստատեսային դերասանուհի»։

Անձնական կյանք

Էշքրոֆթն ամսունացել է երեք անգամ։ Նրա առաջին ամուսնիը եղել է Ռուպերտ Հարտ Դեվիսը (1929—1933), երկրորդը՝ ռեժիսոր Ֆյոդոր Կամիսարժեվսկին (1934), իսկ երրորդը՝ Ջերեմի Խատչինսոնը (1940—1965), որից ունեցել է երկու երեխա։

Փեգի Էշքրոֆթը մահացել է Լոնդոնում 1991 թվականի հունիսի 14-ին 83 տարեկան հասակում՝ կաթվածի պատճառով։ Նրա անունը հավերժացվել է Վեստմինստերյան աբբայության հուշատախտակի վրա։

Ընտրված Ֆիլմագրություն

• 1988՝ «Մադամ Սուզացկա» (ռուս.՝ Мадам Сузацка), Օրիորդ Էմիլի
• 1986՝ «Սպանություն ըստ գրքի» (ռուս.՝ Убийство по книге) Ագաթա Քրիստի (ТВ)
• 1984՝ «Ուղևորություն դեպի Հնդկաստան» (ռուս.՝ Поездка в Индию) Տիկին Մուր
• 1977՝ «Ջոզեֆ Էնդրյուս» (ռուս.՝ ) Օրիորդ Տատլ
• 1973՝ «Անցորդ» (ռուս.՝ Пешеход) Օրիորդ Գրեյ
• 1971՝ «Կիրակի, անիծյալ կիրակի» (ռուս.՝ Воскресенье, проклятое воскресенье) Տիկին Գրեվիլ
• 1969՝ «Երեքը չի վերածվում երկուսի» (ռուս.՝ Три не превращается в два) Բելլա
• 1968՝ «Գաղտնի արարողություն» (ռուս.՝ Тайная церемония) Հաննա
• 1959՝ «Միանձնուհու պատմությունը» (ռուս.՝ История монахини) Մաթիլդայի մայրը
• 1935՝ «39 աստիճաններ» (ռուս.՝ Тридцать девять ступеней) Մարգարետ Կրոֆտե

Թատերական աշխատանքներ

• Նաեմի, Պ․ Կորնֆիլդ «Հրեա Զյուսը» (1929)
• Դեզդեմոնա, «Օթելլո» (Սավոյ թատրոն, 1930․ Պոլ Ռոբսոնը Օթելլոյի դերում)
• Իմոգենա, «Ցիմբելին» (Օլդ Վիկ, 1932․ Ստրատֆորդ ըփոն Էյվոն, 1957)
• Ջուլիետ «Ռոմեո և Ջուլիետ» (Օլդ Վիկ, 1932. Նյու-թատրոն, 1934․ Ջոն Գիլգուդի և Բրոնսոն Օլբերիի (վերսկսում)․ Ռոմեոյի և Մերկուցիոյի դերերում՝ Լոուրենս Օլիվիեն և Ջոն Գիլգուդը (դերերը փոխվել են ներկայացման ընթացքում), Կորմիլիցա՝ Էվանդ Էդիտը)
• Պորցիա, «Վենետիկի վաճառականը» (Նորին Մեծության Թատրոն, 1935․ Ստրատֆորդ ըփոն Էյվոն, 1953)
• «Երեք քույր» Անտոն Չեխով (1937)
• Բիոլա, «Տասներկուերորդ գիշեր» («Ֆենիկս» թատրոն, 1938; Օլդ Վիկ, 1950)
• Օֆելյա, «Համլետ» («Հեյմարկետ», 1944․ Համլետի դերում՝ Ջոն Գիլգուդը)
• «Ժառանգուհի» (1949)
• Բեատրիչե, «Շատ աղմուկ ոչնչից» (1950․ այս և հաջորդող բոլոր դերերը Ստրատֆորդ ըփոն Էյվոնում)
• Կորդելիա, «Լիր արքա» (1950)
• Կլեոպատրա, «Անտոնիոս և Կլեոպատրա» (1953․ Անտոնիոսի դերում՝ Մ․ Ռեդգրեյվը)
• Ռոզալինդա, «Ինչպես կցանկանաք» (1957)
• Կատարինա, «Անսանձ կնոջ սանձահարումը» (1960)
• Պաուլինա, «Ձմեռային հեքիաթ» (1960)
• Մարգարիտա Անժույսկայա, «Վարդերի պատերազմ» (շեսքսպիրյան ողբերգությունների շարք, 1963․ ռեժիսոր Փիթեր Հոլլ)
• Եկատերինա թագուհի (1969)
• Ռուսսիլոնսկայա կոմսուհի, «Լավ է այն, ինչ լավ է ավարտվում» (1981)

Մրցանակներ

• Ոսկե գլոբուս 1985՝ «Երկրորդ պլանի լավագույն դերասանուհի» («Ուղևորություն դեպի Հնդկաստան»)
• Օսկար 1985՝ «Երկրորդ պլանի լավագույն դերասանուհի» («Ուղևորություն դեպի Հնդկաստան»)
• BAFTA 1986՝ «Լավագույն դերասանուհի» («Ուղևորություն դեպի Հնդկաստան»)
• BAFTA 1985՝ «Լավագույն հեռուստատեսային դերասանուհի» («Թագի հարստությունները»)
• BAFTA 1981՝ «Լավագույն հեռուստատեսային դերասանուհի» («Կրեմ իմ սուճի մեջ»)

Արտաքին հղումներ

• Փեգի Էշքրոֆթի կենսագրությունը BFI Screenonline կայքում(անգլ.)
• Փեգի Էշքրոֆթը Find A Grave կայքում