Վենեսուելայի դաշնային տիրույթներ

Վենեսուելայի դաշնային տիրույթներ
Դրոշ
Երկիր	Վենեսուելա
Մասն է	Փոքր Անտիլյան կղզիներ և Leeward Antilles?
Կարգավիճակ	Վենեսուելայի վարչական բաժանում, federal district? և Վենեսուելայի նահանգ
Մտնում է	Վենեսուելա
Բնակչություն	2155 մարդ (2011)
Տարածք	342,25 կմ²
Հիմնադրված է	1945 թ.
ISO 3166-2 կոդ	VE-W
Վենեսուելայի դաշնային տիրույթներ Վիքիպահեստում

Դաշնային տիրույթներ (իսպ.՝ Dependencias Federales), Վենեսուելայի դաշնային տիրույթներ, երբեմն սխալմամբ՝ Դաշնային տիրույթ (Վենեսուելայի դաշնային սեփականություն), Նահանգ դաշնային սեփականություն (իսպ.՝ Estado Dependencias Federales), Վենեսուելայի առանձին վարչատարածքային միավոր, որը միավորում է իրեն պատկանող կղզիների մեծ մասը (12 կղզիների խմբեր, ընդհանուր թվով 311 կղզիներ և կղզյակներ) Կարիբյան ծովում և Վենեսուելայի ծոցում։ Տարածաշրջանի զարգացման նպատակով նախատեսվում է Դաշնային ունեցվածքին Վենեսուելայի դաշնային տարածքի կարգավիճակ տալ։ 2011 թվականի օգոստոսի 3-ին՝ Ազգային դրոշի օրը, Վենեսուելայի նախագահ Ուգո Չավեսը հայտարարեց այն մասին, որ Վենեսուելայի դաշնային տիրույթներն այժմ կոչվելու են Իսպանիայի գաղութային լծից Վենեսուելայի անկախության համար ականավոր մարտիկ Ֆրանսիսկո Միրանդայի պատվին, Սակայն նախագահը չի հստակեցրել՝ կպահպանի արդյոք Միրանդան իր ներկայիս կարգավիճակը, թե կդառնա դաշնային տարածք կամ երկրի նոր նահանգ։ Հաշվի առնելով այն հանգամանքը, որ Վենեսուելան արդեն ունի Միրանդա նահանգ, ինչպես նաև կղզիների չափազանց ցածր բնակչություն, վերջին տարբերակը քիչ հավանական է։ Չավեսի որոշումից բացի դաշնային կալվածքների վերանվանման մասին ոչ մի պաշտոնական փաստաթուղթ չի ստորագրվել։

Տարածքը 342 կմ² է, բնակչությունը՝ 2 155 մարդ (2011)։ Դաշնային տիրույթը կառավարվում է Կարակասից, թեև երբեմն որպես վարչական կենտրոն նշվում է Լոս Ռոկես արշիպելագը։

Տարածքով Վենեսուելայի ամենափոքր նահանգն է։

Կղզիների աշխարհագրական պարամետրերը

Դաշնային տիրույթը բաժանված է 12 արշիպելագների։

Վենեսուելայի դաշնային տիրույթների վարչական և քաղաքական քարտեզ
№	Կղզիների խմբեր	Տարածք, կմ²	բնակչություն (2011)	Աշխարհագրական կոորդինատներ
1	Լոս Մոնխես արշիպելագ	0,20	—	12°21′ հս․ լ. 70°55′ ամ. ե.
2	Լա Տորտուգա կղզի	156,60	—	10°55′ հս․ լ. 80°31′ ամ. ե.
3	Լա Սոլա կղզի	0,01	—	11°18′ հս․ լ. 63°34′ ամ. ե.
4	Լոս Տեստիգոս արշիպելագ	6,53	172	11°22′ հս․ լ. 63°06′ ամ. ե.
5	Լոս Ֆրիլես արշիպելագ	1,92	—	11°12′ հս․ լ. 63°44′ ամ. ե.
6	Պաթոս կղզի (Արևել․)	0,60	—	10°38′ հս․ լ. 61°52′ ամ. ե.
7	Լոս Ռոք արշիպելագ	40,61	1471	11°51′ հս․ լ. 66°45′ ամ. ե.
8	Բլանկիլա կղզի	64,53	—	11°50′ հս․ լ. 64°35′ ամ. ե.
9	Լոս Էրմանոս արշիպելագ	2,14	—	11°45′ հս․ լ. 64°25′ ամ. ե.
10	Օրչիլա կղզի	40	—	11°47′ հս․ լ. 66°10′ ամ. ե.
11	Լաս Ավես արշիպելագ	3,35	—	12°00′ հս․ լ. 67°40′ ամ. ե.
12	Ավես կղզի (Հյուսիս.)	0,045	—	15°40′ հս․ լ. 67°37′ ամ. ե.
	Ընդհանուր	342,25	2155

Լրացուցիչ՝ ևս 512 մարդ ապրում է Չիմանաս կղզու Մոչիմա ազգային պարկում։

Արտաքին հղումներ

• Навигационные карты побережья Венесуэлы
• Карта Федеральных владений