Ռիչարդ Ջոնս (աճպարար)
| Ռիչարդ Ջոնս անգլ.՝ Richard Jones | |
|---|---|
| Ծնվել է | սեպտեմբերի 21, 1990 (34 տարեկան) |
| Ծննդավայր | Լեյթոնսթոուն, Լոնդոն, Մեծ Բրիտանիա |
| Քաղաքացիություն | .svg){kind=small} Մեծ Բրիտանիա |
| Ազգություն | բրիտանացի |
| Կրթություն | West Hatch High School? |
| Մասնագիտություն | ձեռնածու-աճպարար |
| Աշխատանք | աճպարար, զինվորական |
| Գործունեություն | 2016- մինչ օրս |
Ռիչարդ Ջոնս (անգլ.՝ Richard Jones, սեպտեմբերի 21, 1990, Լոնդոն, Միացյալ Թագավորություն), բրիտանացի աճպարար և բրիտանական զինված ուժերի զինծառայող։ Առավել հայտնի է դարձել՝ հաղթելով «Բրիտանիան փնտրում է տաղանդների» հեռուստամրցույթի 10-րդ եթերաշրջանը հաղթելու համար[1]։
Կենսագրություն
[խմբագրել | խմբագրել կոդը]Ջոնսը ծնվել է Լեյթոնսթոնում, Լոնդոն։ Մանկությունն անց է կացրել Էսսեքս կոմսության Չիգվել համայնքում[2][3]։ 2010 թվականին ծառայության է անցել Մեծ Բրիտանիայի զինված ուժերում և մեկ տարի սովորել Թուիքենեմի Երաժշտության թագավորական ռազմական դպրոցում։ Ներկայումս բնակվում է Սաութ Վուդհեմ Ֆերրերսում[4]։
Երեք տարի նվագել է «Parachute Regiment» բենդի կազմում։ 2014 թվականին ծառայության է անցել Թագավորական հեծելազորում՝ որպես պատվո պահակախմբի անդամ[5]։
2016 թվականի մարտի 15-ին, որպես մասնակից, հանդես է եկել բրիտանական ITV հեռուստաընկերության «Հետապնդում» հեռուստաշոուում[6]։
2016 թվականի հունիսի 11-ին, Մեծ Բրիտանիայի թագուհու 90- ամյակի տոնակատարության ժամանակ, Լենս Քորփորալ Ջոնսի կերպարով Ռիչարդ Ջոնսը մասնակցել է ռազմական շքերթին։ Դեկտեմբերի սկզբին «Royal Variety Performance» հաղորդաշարի ժամանակ նա մասնակցել է որպես աճպարար։ Հաղորդաշարին, որպես հյուր, մասնակցել են նաև Բրիտանական թագավորական ընտանիքի անդամները։ 2017 թվականի ապրիլին ITV-ի եթերում ցուցադրվել է Ջոնսի «Կախարդության օպերացիա» շոուն։
Ներկայումս Ջոնսը հյուրախաղերով հանդես է գալիս Մեծ Բրիտանիայի ողջ տարածքում, որը սկսվել է օգոստոսին Վինձորում և ավարտվելու է 2018 թվականի նոյեմբերին Ուայթ կղզում[7]։
Ծանոթագրություններ
[խմբագրել | խմբագրել կոդը]- ↑ «Richard Jones is your Britain's Got Talent 2016 winner!». ITV. 2016 թ․ մայիսի 28. Վերցված է 2016 թ․ մայիսի 28-ին.
- ↑ «BGT Champion 2016».
- ↑ Lance Corporal Richard Jones | Performers & Creatives | Impossible Official Website Retrieved 2016-10-23.
- ↑ Britain's Got Talent: Magician Richard Jones stuns public with his magic act | Anglia - ITV News Retrieved 2016-10-23.
- ↑ «Corporal Jones Britain's Got Talent 2016 winner!». ITV. 2016 թ․ մայիսի 28. Վերցված է 2016 թ․ մայիսի 28-ին.
- ↑ The Chase (2016 թ․ մարտի 15). «BGT Winner Richard Jones Dazzles Bradley With A Magic Trick - The Chase» – via YouTube.
- ↑ http://www.richardjonesmagic.co.uk/tour-dates/