Ջոն Գյունդերսեն
Ջոն Գյունդերսեն | |
---|---|
Ծնվել է | 1945 |
Ծննդավայր | Բրուքլին, Նյու Յորք, Նյու Յորք, ԱՄՆ |
Քաղաքացիություն | ԱՄՆ |
Մասնագիտություն | դիվանագետ |
Զբաղեցրած պաշտոններ | Ուկրաինայում ԱՄՆ դեսպան, United States Ambassador to Estonia? և Ուկրաինայում ԱՄՆ դեսպան |
Պարգևներ և մրցանակներ |
Ջոն Գյունդերսեն (անգլ.՝ Jon Gundersen, 1945, Բրուքլին, Նյու Յորք, Նյու Յորք, ԱՄՆ)[1], ամերիկացի դիվանագետ, զինվորական գործիչ, գիտնական, Ուկրաինայում Միացյալ Նահանգների գործերի ժամանակավոր հավատարմատար, մի քանի հոդվածների հեղինակ, Ուկրաինայի, Էստոնիայի, Իսլանդիայի և Նորվեգիայի հետ ԱՄՆ հարաբերությունների փորձագետ[2]։
Կենսագրություն
[խմբագրել | խմբագրել կոդը]Ջոն Գյունդերսենը ծնվել է 1945 թվականին ԱՄՆ-ում։
ԱՄՆ առևտրային ծովային նավահանգստում ծառայել է որպես նավաստի։ Եղել է ԱՄՆ բանակի սպա, մասնակցել է Վիետնամի պատերազմին, ինչի համար արժանացել է բրոնզե աստղի։
1970-ականներին մասնակցել է ԱՄՆ-ի առաջին հակաահաբեկչական գործողություններին։
Նա աշխատել է ԱՄՆ Պետդեպարտամենտի արտաքին ծառայությունում, բազմաթիվ հանձնարարություններ է կատարել ինչպես ԱՄՆ-ում, այնպես էլ արտասահմանում, կենտրոնացել է Հյուսիսային տարածաշրջանի, սպառազինությունների վերահսկման և քաղաքական-ռազմական խնդիրների վրա։
1991 թվականին նշանակվել է Կիևում ԱՄՆ գլխավոր հյուպատոս։ 1991 թվականի դեկտեմբերի 26-ին նա Ուկրաինայի կառավարությանն է ներկայացրել ամերիկյան դիվանագիտական նոտա՝ ճանաչելով Ուկրաինայի անկախությունը ԱՄՆ-ի կողմից։
Մինչև Ռոման Պոպադյուկի ստանձնելն Ուկրաինայում ԱՄՆ առաջին դեսպանի պաշտոնը՝ 1992 թվականի հունվարի 23-ից մինչև 1992 թվականի հուլիսի 9-ը եղել է Ուկրաինայում Միացյալ Նահանգների գործերի ժամանակավոր հավատարմատար։
1994 թվականի դեկտեմբերից մինչև 1995 թվականի օգոստոսը եղել է Էստոնիայում Միացյալ Նահանգների գործերի ժամանակավոր հավատարմատարը։ Բացի այդ, աշխատել է Նորվեգիայի և Իսլանդիայի ԱՄՆ դեսպանատաներում։ Նա եղել է հատուկ գործողությունների քաղաքական և ավագ խորհրդական Իրաքում՝ վերակառուցման հարցերով։
Թոշակի անցնելուց հետո եղել է սկանդինավյան թեմաներով հետազոտությունների ղեկավար ԱՄՆ֊Ի Արտաքին ծառայության ինստիտուտում։
Դասավանդել է Ազգային անվտանգության համալսարանում։
2020 թվականի նախագահական ընտրություններում Ջոն Գյունդերսենն աջակցել է Ջո Բայդենին[3]։
Ծանոթագրություններ
[խմբագրել | խմբագրել կոդը]- ↑ U. S. State Department, Department History. Jon Gundersen
- ↑ American Diplomacy, Jon Gundersen Արխիվացված 2018-04-11 Wayback Machine
- ↑ «Vietnam Vet and Ukraine Diplomat Talks Voting Against Trump as a Republican». YouTube. 2020 թ․ սեպտեմբերի 11.
{{cite web}}
: CS1 սպաս․ url-status (link)
Արտաքին հղումներ
[խմբագրել | խմբագրել կոդը]- Посольство США
- официальный сайт Посольства США в Киеве
- Department History. Jon Gundersen
- US Ambassador to Ukraine
- [https://web.archive.org/web/20160404133115/http://adst.org/wp-content/uploads/2012/09/Gundersen-Jon.pdf Արխիվացված 2016-04-04 Wayback Machine The Association for Diplomatic Studies and Training] Արխիվացված 2016-04-04 Wayback Machine