Ուոքեր արվեստի պատկերասրահ

Ուոքեր արվեստի պատկերասրահ
Տեսակ	պատկերասրահ և ազգային թանգարան
Երկիր	Միացյալ Թագավորություն
Տեղագրություն	Լիվերպուլ
Հասցե	William Brown Street, Liverpool L3 8ELWilliam Brown Street?
Հիմնադրվել է	1877
Հիմնադիր	Andrew Barclay Walker?
Այցելուներ	337 799 մարդ
Կայք	liverpoolmuseums.org.uk/walker-art-gallery​(անգլ.)

Ուոքեր արվեստի պատկերասրահ (անգլ.՝ The Walker Art Gallery), գտնվում է Լիվերպուլում, որտեղ պահվում է Անգլիայի արվեստի ամենամեծ հավաքածուներից մեկը։ Այն դասվում է Լիվերպուլի ազգային թանգարանների շարքում։

Պատմություն

Ուոքեր արվեստի պատկերասրահի հավաքածուն թվագրվում է 1819 թվականից,երբ Լիվերպուլի թագավորական ինստիտուտը Ուիլյամ Ռոսկոյի հավաքածուից ձեռք բերեց 37 նկար,որը բանկային բիզնեսի ձախողումից հետո ստիպված էր վաճառել իր հավաքածուն։

1843 թվականին թագավորական ինստիտուտի հավաքածուն ցուցադրվեց ինստիտուտի գլխավոր շենքին կից պատկերասրահում։ 1850 թվականին քաղաքացիական ասոցացիայի հետ բանակցություններ էին ընթանում որպեսզի ինստիտուտի հավաքածուն ցուցադրվի արվեստի պատկերասրահում, գրադարանում կամ թանգարանում, բայց ապարդյուն։

Հավաքածուի թիվը աճել է հետևյալ տասնամյակներում․ 1851 թվականին Լիվերպուլի քաղաքային խորհուրդը գնեց Լիվերպուլի ակադեմիայի դիպլոմակիր հավաքածուն, իսկ հետագա գործերը ձեռք բերվեցին Լիվերպուլի գեղարվեստի միությունից, որը հիմնադրվել է 1858 թվականին։ Ակադեմիայի և գեղարվեստի միության միջև մրցակցությունը ի վերջո հանգեցրեց երկուստեք անկման։

Ուիլյամ Բրաունի անվան գրադարանը և թանգարանը բացվել է 1860 թվականին։ Այն անվանվել է Լիվերպուլցի մի վաճառականի անունով, ում առատաձեռնությունը հնարավորություն է տվել Քաղաքային խորհրդին գործել 1852 թվականի խորհրդարանի որոշման համաձայն,որով թույլատրվում էր հիմնել հանրային գրադարան, թանգարան և արվեստի պատկերասրահ։ 1871 թվականին խորհուրդը կազմակերպում է Լիվերպուլի առաջին աշնանային ցուցահանդեսը, որը տեղի է ունեցել նոր գրադարանում և թանգարանում։

Ցուցահանդեսի հաջողությունը գրադարանին, թանգարանին և գեղարվեստի միությանը հնարավորություն է տալիս խորհրդի մշտական հավաքածուի համար ձեռք բերել այլ գործեր՝ 1871-1910 թվականների ընթացքում գնելով շուրջ 150 գործեր։ Այդ գործերից էին Վֆ Յեյմսի «Իսկ,ե՞րբ ես վերջին անգամ տեսել հորդ» և Դանթե Գաբրիել Ռոսսետիի «Դանթեի տեսիլքը» գործերը։

Տեղի ճարտարապետներ Կոռնելիուս Շերլոկի ու Հ․Հ․ Վեյլիի կողմից նախագծված Ուոքեր արվեստի պատկերասրահը բացվել է 1877 թվականի սեպտեմբերի 6-ին Էդվարդ Հենրի Սթենլիի կողմից,ով Դերբիի 15-րդ կոմսն էր։ Այն անվանվել է ի պատիվ իր հիմնադիր բարերար Սըր Էնդրյու Բարքլի Ուոքերի (1824-1893), որը եղել է Լիվերպուլի նախկին քաղաքապետ և հարուստ գարեջրագործ։ Նա ծնվել է Այրշիրում, Անգլիայում ընդլայնել է իր ընտանեկան բիզնեսը և տեղափոխվել է ապրելու Գեյթքրեում։

1893 թվականին Լիվերպուլի թագավորական ինստիտուտը իր հավաքածուն երկարաժամկետ վարկով տրամադրեց պատկերասարհին։ 1948 թվականին պատկերասրահում ցուցադրվեց Ուիլյամ Ռոսկոի հավաքածուն և այլ գործեր։ Դա տեղի ունեցավ հետպատերազմական վերականգման ընթացքում,երբ պատկերասրահը փակվեց և վերաբացվեց 1951 թվականին։ Երկրորդ համաշխարհային պատերազմի ժամանակ պատկերասրահը սննդի նախարարության տնօրինության տակ էր, իսկ հավաքածուն պահվել էր ապահովության համար։

Պատկերասրահը ընդարձակվել է 1884 և 1933 թվականներին (երկամյա փակումից հետո) և վերաբացվել է Պիկասոյի և Գոգենի գործերի ցուցադրությամբ։ 2002 թվականին պատկերասրահը վերաբացվել է հիմնանորոգումից հետո։

1986 թվականին պատկերասրահը ձեռք է բերում ազգային կարգավիճակը և դասվում է Մերսիսայդի ազգային թանգարանների և պատկերասրահների շարքում։

Պատկերասրահը գտնվում է նեոդասական կառույցում, որը տեղակայված է Ուիլյամ Բրաուն փողոցում( Միացյալ Թագավորության միակ փողոցն է,որտեղ հիմնականում տեղակայված են թանգարաններ, պատկերասրահներ և գրադարաններ)։ Նրա հարևանությամբ են գտնվում Ուիլյամ Բրաունի գրադարանը, Լիվերպուլի Համաշխարհային թանգարանը, Սուրբ Գեորգիի դահլիճը,Վելինգթոնի սյունը, Լայմ փողոցի կայարանը և Քուինսվեի թունելի մուտքը։ Լիվերպուլի մյուս խոշոր գեղարվեստական պատկերասրահը Թեյթ Լիվերպուլն է, որը Ալբերտ Դոկ փողոցի վրա է և հայտնի է իր ժամանակակից արվեստով։

• Պատկերասրահի սենյակները
• 
  Ուիլյամ Ռոսկո,որի հավաքածուն առաջինն էր
• 
  Ուշ վերածննդի պատկերասրահ
• 
  Նախառաֆայելյան պատկերասրահ
• 
  Քանդակների պատկերասրահ

Մշտական հավաքածու

Ուոքեր պատկերասրահի հավաքածուն ներառում է 1300-1550 թվականների իտալական և հոլանդական նկարներ,1550-1900 թվականների եվրոպական արվեստ, ներառյալ Ջամբատիստա Պիտտոնի, Ռեմբրանդի, Պուսենի, և Դեգայի գործերը, 18-19-րդ դարերի բրիտանական արվեստ, որը հիմնականում ներառում է վիկտորիանական գեղանկարչության հավաքածու և նախառաֆայելյան գործեր, գծանկարների և ջրաներկերով նկարների լայն հավաքածու, 20-րդ դարի այնպիսի նկարիչների գործեր, ինչպիսիք են Լյուսիան Ֆրոյդը,Դեյվիդ Հոքնին,Գիլբերտը և Ջորջը, ինչպես նաև քանդակագործության մեծ հավաքածու։ Դեկորատիվ արվեստի հիմնական հավաքածուն ներառում է գոթական փղոսկրերից մինչև բրիտանական կերամիկա։ Պատկերասրահում է գտնվում նաև Ստյուարտ Սաթքլիֆի միակ բնօրինակ նկարը,որը Լիվերպուլում մշտական ցուցադրության է դրված։

2011 թվականի դեկտեմբերի 17-ին Ուոքեր արվեստի պատկերասրահի հավաքածուն համալրվեց Բենքսիի վանդալիզմի ենթարկված քահանայի արձանով։ Հանրահայտ գրաֆիտի նկարիչը սանհանգույցի սալիկի վրա գրաֆիտից պատկերել է 18-րդ դարի քարե կիսանդրիի կրկնօրինակը։ Այդ «պիքսելացված »դիմանակարը անվանվել է «Կարդինալի մեղքը», որը մեկնաբանվում է որպես եկեղեցու չարաշահումների և դրանց քողարկման սկանդալ։ Այս արվեստի գործը ցուցադրվում է երրորդ սենյակում, որը 17-րդ դարի հին պատկերասրահներից մեկն է։

2013 թվականի հուլիսի 2-ին Էդգար Դեգասի «La Masseuse» քանդակը,որը նախկինում պատկանել էր Լյուսիան Ֆրոյդին, իր մշտական տեղը գտավ Ուոքեր արվեստի պատկերասրահում, շնորհիվ Անգլիայի արվեստի խորհրդի կողմից ներդրված նվիրատվությունների վճարման համակարգի։

Պատկերասրահ

Պիետրո Պերուջինո Աստվածածնի ծնունդը մոտ 1472 Պիետրո Պերուջինո Աստվածածնի ծնունդը մոտ 1472   Լուկաս Կրանախ Ավագ Շատրվանի հավերժահարսը 1534 Լուկաս Կրանախ Ավագ Շատրվանի հավերժահարսը 1534   Ուիլյամ Դոբսոն Հովհաննես Մկրտիչի մահապատիժը մոտ 1640 Ուիլյամ Դոբսոն Հովհաննես Մկրտիչի մահապատիժը մոտ 1640   Նիկոլաս Փուսին Փոկիոնի մոխիրով տեսարան 1648 Նիկոլաս Փուսին Փոկիոնի մոխիրով տեսարան 1648   Մատիա Պրետի Հովիվների երկրպագությունը մոտ 1675–1680 Մատիա Պրետի Հովիվների երկրպագությունը մոտ 1675–1680   Ֆրանչեսկո Սոլիմենա Դիանան և Էնդիմոնը մոտ 1705–1710 Ֆրանչեսկո Սոլիմենա Դիանան և Էնդիմոնը մոտ 1705–1710   Արթուր Դևիս(1712–1787) Պրն և տիկին Աթերթոններ մոտ 1743 Արթուր Դևիս(1712–1787) Պրն և տիկին Աթերթոններ մոտ 1743   Ուիլյամ Հոգարտ Դեյվիդ Գերիկը որպես Ռիչարդ III մոտ 1745 Ուիլյամ Հոգարտ Դեյվիդ Գերիկը որպես Ռիչարդ III մոտ 1745   Բենջամին Ուեսթ Նելսոնի մահը մոտ 1806 Բենջամին Ուեսթ Նելսոնի մահը մոտ 1806   Ջոն Էվերետ Միլեյս Իզաբելլա 1849 Ջոն Էվերետ Միլեյս Իզաբելլա 1849   Ուիլյամ Հոլաման Հանթ Քավության նոխազը 1854 Ուիլյամ Հոլաման Հանթ Քավության նոխազը 1854   Ջոն Բրեթ Քարահատը 1857–1858 Ջոն Բրեթ Քարահատը 1857–1858   Ռիչարդ Անսդել "Որսված ստրուկները 1861 Ռիչարդ Անսդել "Որսված ստրուկները 1861   Դանթե Գաբրել Ռոսսետի Դանթեի տեսիլքը 1871 Դանթե Գաբրել Ռոսսետի Դանթեի տեսիլքը 1871   Ֆրեդերիկ Լեյթոն Եղիան անապատում 1877–1878 Ֆրեդերիկ Լեյթոն Եղիան անապատում 1877–1878   Ուիլյամ Ֆրեդերիկ Յեյմս Իսկ ե՞րբ ես վերջին անգամ տեսել հորդ 1878 Ուիլյամ Ֆրեդերիկ Յեյմս Իսկ ե՞րբ ես վերջին անգամ տեսել հորդ 1878   Հուբերտ ֆոն Հերկոմեր Տեսարան Վեսթմինիսթերյան միությունում 1878 Հուբերտ ֆոն Հերկոմեր Տեսարան Վեսթմինիսթերյան միությունում 1878   Հենրի Հոլիդեյ Դանթեն և Բեատրիսը 1882–1884 Հենրի Հոլիդեյ Դանթեն և Բեատրիսը 1882–1884   Ալբերտ Ջոզոֆ Մուր Մի ամառային գիշեր մոտ 1887 Ալբերտ Ջոզոֆ Մուր Մի ամառային գիշեր մոտ 1887   Լուի Էդուրադ Ֆուրինե Շելիի հուղարկավորությունը 1889 Լուի Էդուրադ Ֆուրինե Շելիի հուղարկավորությունը 1889   Ջովանի Սեգանտինի Ցանկասիրության պատիժը 1891 Ջովանի Սեգանտինի Ցանկասիրության պատիժը 1891   Էնի Սվիներթոն Տեսարանով զմայլված 1895 Էնի Սվիներթոն Տեսարանով զմայլված 1895   Ջոն Ուիլյամ Ուոթերհաուս Արձագանքն ու Նարցիսը 1903 Ջոն Ուիլյամ Ուոթերհաուս Արձագանքն ու Նարցիսը 1903

Հանս Հոլբեին Կրտսեր Հենրի VIII-ի դիմանկարը 1537-ից հետո Հանս Հոլբեին Կրտսեր Հենրի VIII-ի դիմանկարը 1537-ից հետո   Նիկոլաս Հիլիարդ Եղիսաբեթ I թագուհու հավալի դիմանկարը I մոտ 1573–1575 Նիկոլաս Հիլիարդ Եղիսաբեթ I թագուհու հավալի դիմանկարը I մոտ 1573–1575   Գոդֆրի Քնելեր Չարլզ II թագավոր Գոդֆրի Քնելեր Չարլզ II թագավոր   Պիտեր Պոլ Ռուբենս Մլիգերը և Ատալանտան 1635–1637 Պիտեր Պոլ Ռուբենս Մլիգերը և Ատալանտան 1635–1637   Ֆրիդրիխ Պրուսացու պատկերով ճենապակյա սափոր մոտ 1760 Ֆրիդրիխ Պրուսացու պատկերով ճենապակյա սափոր մոտ 1760   Թոմաս Գեյնսբորո Իզաբելլա,վիկոնսուհի Մոլինյո 1769 Թոմաս Գեյնսբորո Իզաբելլա,վիկոնսուհի Մոլինյո 1769   Անտոն Ռաֆայել Մենգս Ինքնադիմանկար 1774 Անտոն Ռաֆայել Մենգս Ինքնադիմանկար 1774   Կառլո Ալբաչինի Ալեքսանդր Մեծի կիսանդրին 1777թվականից առաջ Կառլո Ալբաչինի Ալեքսանդր Մեծի կիսանդրին 1777թվականից առաջ   Փոլ Դելարոշ Բոնապարտը Ալպերը ճեղքելիս 1850 Փոլ Դելարոշ Բոնապարտը Ալպերը ճեղքելիս 1850   Վալենտին Քեմերոն Պրինսեպ Մանտուայի Լեոնորան 1873 Վալենտին Քեմերոն Պրինսեպ Մանտուայի Լեոնորան 1873   Ռոբերտ Ֆաուլեր Փյունիկիայի կանայք 1879 Ռոբերտ Ֆաուլեր Փյունիկիայի կանայք 1879   Սթենհոուփ Ֆորբս Փողոց Բրետանում 1881 Սթենհոուփ Ֆորբս Փողոց Բրետանում 1881   Մարգարետ Բերնարդին Հոլ Ֆանտին 1886 Մարգարետ Բերնարդին Հոլ Ֆանտին 1886   Ֆրեդերիկ Լեյթոն Պերսևսը և Անդրոմեդան 1891 Ֆրեդերիկ Լեյթոն Պերսևսը և Անդրոմեդան 1891   Էդվարդ Բըն-Ջոնս Սփոնսա դե Լիբանո 1891 Էդվարդ Բըն-Ջոնս Սփոնսա դե Լիբանո 1891

Ցուցադրություններ

Ջոն Մուրսի ժամանակակից նկար մրցանակի ցուցադրությունը տեղի է ունեցել 1957 թվականին։ Littlewoods-ի հիմնադիր Սըր Ջոն Մուրսի հովանավորությամբ մրցույթն անցկացվում է երկու տարին մեկ և համարվում է Մեծ Բրիտանիայի ամենամեծ նկարչության մրցանակը։

Կա նաև ժամանակավոր ցուցադրությունների կանոնավոր ծրագիր,որը 2009-2010 թվականներին ներառել է Օբրի Ուիլյամսի,Բրիջիթ Ռայլիի,Սիկերտի և Ֆրոյդի գործերը։

2004 թվականին պատկերասրահը ցուցադրել է «Ստակիստ Պանկ Վիկտորիան»,որը Ստակիստ շարժական արվեստի առաջին ազգային թանգարանական ցուցահանդեսն էր։ Պատկերասրահը մասնակցում է նաև Լիվերպուլ Բիենալ արվեստի փառատոնին։

Արտաքին հղումներ

• Website for The Walker Art Gallery, Liverpool
• Walker Art Gallery

Վիքիպահեստն ունի նյութեր, որոնք վերաբերում են «Ուոքեր արվեստի պատկերասրահ» հոդվածին։