Միացյալ Թագավորության լորդերի պալատ
Արտաքին տեսք
![](http://upload.wikimedia.org/wikipedia/commons/thumb/9/97/Palace_of_Westminster%2C_London_-_Feb_2007.jpg/300px-Palace_of_Westminster%2C_London_-_Feb_2007.jpg)
Լորդերի պալատ (անգլ.՝ House of Lords), Միացյալ Թագավորության խորհրդարանի վերին պալատը։ Ստեղծվել է 14-րդ դարում և կազմված է եղել միայն խոշոր ֆեոդալներից (անգլ.՝ peers), որոնք ստանում էին իրենց տիտղոսները ժառանգաբար։ Պալատը կոչվել է լորդերի միայն 1544 թվականին, երբ ավելի մեծ իշխանությամբ էր օժտված, քան Համայնքների պալատը։ 1649 թվականին վերին պալատը ցրվեց հեղափոխական կառավարության կողմից, որոնք իշխանությունն իրենց ձեռքն առան Անգլիական քաղաքացիական պատերազմի ժամանակ, սակայն 1660 թվականին պալատը նորից վերակազմավորվեց։ 19-րդ դարից սկսած վերին պալատի լիազորություններն աստիճանաբար սահմանափակվեցին և ներկայումս այն ավելի թույլ է, քան Համայնքների պալատը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 667)։ ![]() |