Մալին Ակերման
Մալին Ակերման շվեդ.՝ Malin Maria Åkerman | |
---|---|
![]() | |
Ծնվել է | մայիսի 12, 1978[1] (46 տարեկան) |
Ծննդավայր | Ստոկհոլմ, Շվեդիա |
Քաղաքացիություն | ![]() ![]() |
Կրթություն | Յորքի համալսարան, North Toronto Collegiate Institute?, Niagara District Secondary School?, Sir Winston Churchill Secondary School? և Dante Alighieri Academy? |
Մասնագիտություն | դերասանուհի, երգչուհի, երաժիշտ, մոդել և կինոդերասանուհի |
![]() |
Վաղ կյանք
[խմբագրել | խմբագրել կոդը]Մալին Ակերմանը ծնվել է Շվեդիայի Ստոկհոլմ քաղաքում։ Նրա մայրը՝ Պիան, աերոբիկայի ուսուցչուհի էր, իսկ ազատ ժամանակ աշխատել է որպես մոդել, հայրը՝ Մագնուսը, աշխատում էր ապահովագրական բրոքեր[2][3]։ Երբ Մալինը երկու տարեկան էր, ընտանիքը տեղափոխվեց Կանադայի Տորոնտո քաղաք[4]։ Ծնողների ամուսնալուծությունից հետո Մալինի հայրը վերադարձել է Շվեդիա, իսկ մայրը դստեր հետ մնացել է Կանադայում[5]։ Դպրոցն ավարտելուց հետո Մալինը սովորել է Յորկսկի համալսարանում[6]։ 17 տարեկան հասակում ընտրվել է Ford Models մոդելային գործակալությունում և մի քանի տարի աշխատել է որպես մոդել։ Այնուհետև, տեղափոխվելով Կալիֆոռնիա, սկսել է դերասանուհու կարիերան։
Կարիերա
[խմբագրել | խմբագրել կոդը]1997 թվականին Մալինը նորամուտը նշել է որպես դերասանուհի կանադական` Երկիր. Վերջին կոնֆլիկտը սերիալում, ռոբոտի դերում։ Ակերմանը կարիերայի սկզբին հայտնվել է մի քանի կանադական հեռուստաշոուներում, նախքան 2005 թվականին HBO հեռուստաալիքի «Վերադարձ» սիթքոմում Լիզա Կուդրոուի հետ իր դերը ստանալը։ Սերիալը հաջողություն ունեցավ քննադատների մոտ, բայց փակվեց մեկ մրցաշրջանից հետո, իսկ Ակերմանը հետո ստացավ «Իմ մղձավանջների աղջիկը» (2007 թվական) և «27 հարսանիք» (2008 թվական) ֆիլմերում հիմնական դերերը[6]։
Ակերմանը հայտնվել է մի քանի հաջողակ կինոֆիլմերում, որտեղ հիմնականում երկրորդ պլանի կատակերգական դերեր է կատարել[6]։ Նա հիմնականում կնոջ դեր է խաղացել 2009 թվականի «Հսկիչները» ֆիլմում, իսկ հետո վերադարձել է երկրորդ պլանի դերերին «Առաջարկություն», «Սիրո բանաձև ամուսնության գերիների համար» և «Ռոքը դարերի համար» կատակերգություններում։ Ակերմանը նաև երգել է The Petalstones խմբում, որի հետ հանդես է եկել Լոս Անջելեսում, այնպիսի ակումբներում, ինչպիսիք են Viper Room-ը, Whisky-ը և Roxy-ը։ Այդ փորձը նրան շատ է պետք եկել «Ռոքը դարերի համար» ֆիլմի նկարահանումների ժամանակ[7]։
Ակերմանը 2010 թվականից նկարահանվում Է Adult Swim հեռուստատեսությունում «Մանկական հիվանդանոց» կատակերգական սերիալում։ 2012 թվականի սկզբին նա նկարահանվել Է ABC-ի անհաջող օդաչուի դերում՝ Փորշա դե Ռոսիի հետ[8]։ Չնայած շոուն լույս չի տեսել, Ակերմանը այնքան է դուր եկել ABC ալիքին, որ ավելի ուշ նույն տարում, նրանք Ակերմանին հրավիրել են «Երրորդ կինը» սիթքոմում որպես գլխավոր դերակատար[9]։ Օդաչույի դրվագը նկարահանվել է 2013 թվականի սկզբին, իսկ շոուի պրեմիերան կայացել է 2013 թվականի սեպտեմբերին[10]։ Սերիալը մեկնարկից ի վեր արժանացել է քննադատների գովասանքին, սակայն վարկանիշներում հաջողություն չի ունեցել։ 2014 թվականի մայիսի 8-ին ալիքը փակեց շարքը մեկ սեզոնից հետո[11]։
Անձնական կյանք
[խմբագրել | խմբագրել կոդը]Մալինը ծնվել է Շվեդիայում, բայց մեծացել է Կանադայում։ Նա հակասական զգացմունքներ է ունեցել այդ երկու երկրների վերաբերյալ։ Տորոնտո սթարի թերթին տված հարցազրույցում նա խոստովանել է` «Երբ ես Կանադայում եմ, ինձ շվեդ եմ զգում, իսկ Շվեդիայում՝ կանադացի։ Ես պատկանում եմ երկու երկրներին և սիրում եմ դրանք հավասարապես»։ Նա ունի միայն Շվեդիայի անձնագիր։ Մալինը տիրապետում է անգլերեն և շվեդերեն լեզուներին, ինչպես նաև ֆրանսերենին և իսպաներենին։
Ակերմանը իրեն ֆեմինիստ է համարում, քանի որ հավատում է սեռերի իրավահավասարությանը, սակայն կարծում է, որ «Մենք (կանայք) բոլորովին այլ ենք»՝ հավելելով, որ նա «ընդունում է այդ տարբերությունները»։ Նա խոստովանել է, որ դիսլեքսիա ունի, և որ նա «շատ ժամանակ» է պահանջում իր ռեպլիկները սովորելու համար։ «Ես սարսափում եմ, երբ ստիպված եմ կարդալ սցենարն ամբողջ դերասանական կազմի մոտ, քանի որ ես հաճախ եմ կակազում, և ես պետք է շատ պատրաստվեմ»,` բացատրել է նա։ Հետևաբար, նա նախընտրում է իմպրովիզացնել։
2007-2014 թվականներին Մալինը ամուսնացել է իտալացի երաժիշտ Ռոբերտո Ցինկոնեի հետ։ Նախկին ամուսիններն ունեն որդի՝ Սեբաստիան Ցինկոնեն (ծնվել է 2013 թվականի ապրիլի 16-ին)։ 2018 թվականի դեկտեմբերի 1-ից Ակերմանը երկրորդ անգամ ամուսնացել է դերասան Ջեք Դոնելիի հետ, ում հետ նա հանդիպել է իրենց հարսանիքից մոտ երկու տարի առաջ[12]։
Ֆիլմոգրություն
[խմբագրել | խմբագրել կոդը]Ֆիլմ | ||||
---|---|---|---|---|
Տարի | Հայերեն անուն | Բնօրինակ անուն | Դեր | Նշումներ |
2000 | Գանգեր | The Skulls | Ուսանողուհի | |
2002 | Շրջան | The Circle | Թես | |
2003 | Ուտոպիական հասարակություն | The Utopian Society | Թենսի | |
2004 | Հարոլդն և Կումարը գնում են դեպի հատում | Harold & Kumar Go to White Castle | Լիանա | |
2007 | Ներխուժում | The Invasion | Աթում | Նշված չէ տիտրերում |
2007 | Սոլոմոն եղբայներ | The Brothers Solomon | Թարա | |
2007 | Իմ մղձավանջների աղջիկը | The Heartbreak Kid | Լայլա | |
2007 | Շան սեր | Heavy Petting | Դաֆնի | |
2008 | 27 հարսանիք | 27 Dresses | Թես Նիկոլս | |
2009 | Հսկիչները | Watchmen | Լորի «Յուպիտեր» / Մետաքսե ուրվական-2 | Անվանակարգը՝ «Սատուրն» մրցանակ ՝ երկրորդ պլանի կանանց լավագույն դերի համար Անվանակարգ` Teen Choice Award լավագույն դերասանուհի գործողությունների ֆիլմում |
2009 | Առայժմ Սալի | Bye Bye Sally | Սալլի | Կարճամետրաժ ֆիլմ |
2009 | Առաջարկություն | The Proposal | Գերտրուդա | |
2009 | Սիրո բանաձև ամուսնության գերիների համար | Couples Retreat | Ռոննի | |
2010 | Երջանիկ միասին | Happythankyoumoreplease | Էննի | |
2010 | Ռոմանտիկա | The Romantics | Թրիպլեր | |
2010 | Էլեկտրա Լյուքս | Elektra Luxx | Թրիքսի | |
2010 | Խենթերի ակումբ | The Bang Bang Club | Ռոբին Քոմլի | |
2011 | Քայլեն | Kaylien | Մայր | Կարճամետրաժ ֆիլմ |
2011 | Հնարք .44 | Catch .44 | Թես | |
2012 | Ծարավից թափառողները | Wanderlust | Եվա | |
2012 | Հսկա մեխանիկական մարդ | The Giant Mechanical Man | Ջիլ | |
2012 | Ռոքը դարերի համար | Rock of Ages | Սակ Կոնստանս | |
2012 | Մեդալիոն | Stolen | Ռաիլի Ջեֆերս | |
2012 | «Նուար» հյուրանոց | Hotel Noir | Մերի | |
2013 | Մահացու ուիքենդ | Cottage Country | Քեմի Ռայան | |
2013 | Թվային ռադիոկայան | The Numbers Station | Քեթրին | |
2013 | Ակումբ «CBGB» | CBGB | Դեբի Հարրի | |
2015 | Վերջին աղջիկները | The Final Girls | Ամանդա Քարթրայթ | |
2018 | Ռեպեյջ | Rampage | Քլեր Վիդեն | |
Телевидение | ||||
Տարի | Ռուսական անուն | Բնօրինակ անուն | Դեր | Ծանոթագրություններ |
1997 | Երկիր. Վերջին կոնֆլիկտը | Earth: Final Conflict | Երկիր. Վերջին կոնֆլիկտը | 1 էպիզոդ |
2000 | Ուրիշներ | The Others | Դիանա Ստիլման | 1 էպիզոդ |
2000 | Անցյալի որսորդները | Relic Hunter | Ելենա | 1 էպիզոդ |
2001 | Սեր տիկնիկների հետ որսորդական հրացանով | Shotgun Love Dolls | Քանդի | Հեռուստաֆիլմ |
2001 | Կյանքում երկու անգամ | Twice in a Lifetime | Ռամոնա Դյուբուա | 1 էպիզոդ |
2001 | Բժիշկ | Doc | Մեդդի | 1 էպիզոդ |
2001 | Վհուկների բերան | Witchblade | Կարեն Բրոնտե | 1 էպիզոդ |
2002 | Նիրո Վուլֆի գաղտնիքները | Тайны Ниро Вульфа | Աղջիկ | 1 էպիզոդ |
2005 | Վերդարձ | The Comeback | Ջունա Մելկեն | Կանոնավոր դեր, 13 էպիզոդ |
2006 | Պրոդյուսեր | Love Monkey | Կիրա Դունգեն | 1 էպիզոդ |
2006 | Անտուրաժ | Entourage | Թորի | 2 էպիզոդ |
2010 | Ինչպես հանդիպեցի ձեր մայրիկին | How I Met Your Mother | Ստելլա | 1 էպիզոդ |
2010-16 | Մանկական հիվանդանոց | Childrens Hospital | Բժիշկ Վալերի Ֆրեյմ | Կանոնավոր դեր, վեբ-սերիալ |
2012 | The Smart One | Քենդի Սվոն Քուպեր | Օդաչու | |
2012-13 | Արվարձան | Suburgatory | Ալեքս | 3 էպիզոդ |
2013-14 | Երրորդ կինը | Trophy Wife | Քեյթ | Կանոնավոր դեր, 22 էպիզոդ |
2016-19 | Միլիարդներ | Billions | Լարա Ակսելրոդ | Կանոնավոր դեր, 12 էպիզոդ |
2016 | Պարզից էլ պարզ | Easy | Լյուսի | 1 էպիզոդ |
Ծանոթագրություններ
[խմբագրել | խմբագրել կոդը]- ↑ Discogs — 2000.
- ↑ Hiscock, John (2009 թ․ փետրվարի 24). «The Spectre of stardom: Watchmen star gives butt-kicking performance as sexy superhero». TheStar.com. Արխիվացված է օրիգինալից 2012 թ․ ապրիլի 9-ին.
- ↑ Malin Akerman — Biography
- ↑ Åkerman, Malin (2007 թ․ հոկտեմբերի 10). «The Tonight Show» (Interview). Interviewed by Jay Leno.
- ↑ Lipworth, Elaine (2009 թ․ փետրվարի 28). «Watchmen actress Malin Akerman: 'I'm not going to be somebody's toy'». Daily Mail. Արխիվացված է օրիգինալից 2012 թ․ ապրիլի 9-ին.
- ↑ 6,0 6,1 6,2 «Malin Akerman- Biography». Yahoo!. Արխիվացված է օրիգինալից 2013 թ․ օգոստոսի 24-ին. Վերցված է 2013 թ․ օգոստոսի 7-ին.
- ↑ Сэрин Лидс. (2012 թ․ հունիսի 19). «Интервью с Малин Акерман». rollingstone.ru. Արխիվացված է օրիգինալից 2012 թ․ հունիսի 29-ին. Վերցված է 2012 թ․ հունիսի 19-ին.
- ↑ Morgan Jeffery (2012 թ․ փետրվարի 17). «Malin Akerman, Jean Smart join Portia de Rossi's 'The Smart One' Read more: http://www.digitalspy.co.uk/ustv/news/a366332/malin-akerman-jean-smart-join-portia-de-rossis-the-smart-one.html#ixzz2bJNW6vld Follow us: @digitalspy on Twitter | digitalspyuk on Facebook». Digital Spy. Արխիվացված է օրիգինալից 2013 թ․ օգոստոսի 24-ին. Վերցված է 2013 թ․ օգոստոսի 7-ին.
{{cite web}}
: External link in
(օգնություն)|title=
- ↑ Nellie Andreeva (2012 թ․ սեպտեմբերի 13). «Malin Akerman In Negotiations To Star In ABC Comedy Pilot 'Trophy Wife'». Deadline.com. Արխիվացված է օրիգինալից 2013 թ․ մայիսի 23-ին. Վերցված է 2013 թ․ մայիսի 21-ին.
- ↑ Lynette Rice (2013 թ․ մայիսի 10). «ABC renews 'Nashville,' 'Scandal, 'Grey's Anatomy' and more». Entertainment Weekly. Արխիվացված է օրիգինալից 2013 թ․ մայիսի 14-ին. Վերցված է 2013 թ․ մայիսի 21-ին.
- ↑ Lesley Goldberg (8 мая 2014). «ABC Cancels 'Trophy Wife' After One Season». The Hollywood Reporter. Վերցված է 2014 թ․ մայիսի 9-ին.
- ↑ Malin Akerman Marries British Actor Jack Donnelly in Mexico 1 Year After Engagement
![]() | Վիքիպահեստն ունի նյութեր, որոնք վերաբերում են «Մալին Ակերման» հոդվածին։ |
|
- Մայիսի 12 ծնունդներ
- 1978 ծնունդներ
- Ապրող անձինք
- Ստոկհոլմ քաղաքում ծնվածներ
- Յորքի համալսարանի շրջանավարտներ
- Անձինք այբբենական կարգով
- 20-րդ դարի ամերիկացի դերասանուհիներ
- 20-րդ դարի դերասանուհիներ
- 21-րդ դարի ամերիկացի դերասանուհիներ
- 21-րդ դարի ամերիկացի երգիչներ
- 21-րդ դարի դերասանուհիներ
- 21-րդ դարի երգչուհիներ
- Ամերիկացի կինոդերասանուհիներ
- Ամերիկացի հեռուստատեսային դերասանուհիներ
- Դերասանուհիներ այբբենական կարգով
- Կանադացի դերասանուհիներ
- Կանադացի երգիչներ
- Կանադացի հեռուստատեսային դերասանուհիներ
- Կանադացի մոդելներ
- Շվեդ դերասանուհիներ
- Շվեդ երգչուհիներ
- Շվեդ կին երաժիշտներ
- Շվեդ մոդելներ