Հունգարիան Եվրատեսիլ 2009 երգի մրցույթում
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
| Եվրատեսիլ 2009 երգի մրցույթ | ||||
|---|---|---|---|---|
| Ազգային ընտրություն | ||||
| Երկիր | Հունգարիա | |||
| Ընտրված կատարող | Զոլի Ադոկ | |||
| Ընտրված երգ | Dance with Me | |||
| Երգի լեզու | անգլերեն | |||
| Արդյունքներ | ||||
| Արդյունքը կիսաեզրափակչում | 15-րդ տեղ, 16 միավոր | |||
| ||||
Հունգարիան մասնակցել է Եվրատեսիլ 2009 երգի մրցույթին, որը կայացել է 2009 թվականի մայիս 12-ից մինչև 16-ը Ռուսաստանի մայրաքաղաք Մոսկվայում։ Հունգարիայում մրցույթը հեռարձակող MTV հեռուստաընկերությունը իր մասնակցությունը հաստատել է 2008 թվականի նոյեմբերին։
Ընտրություն
[խմբագրել | խմբագրել կոդը]| # | Արտիստ | Երգ | Նշում |
|---|---|---|---|
| 1 | Մարկ Զենտաի | «If You Wanna Party» | Որակազրկվում է |
| 2 | Կատյա Տոմպոշ | «Magányos csónak» | Հրաժարվում է |
| 3 | Զոլի Ադոկ | «Dance with Me» | Եզրափակչի մասնակից |
2009 թվականի հունվարին Հունգարիայում մրցույթը հեռարձակող MTV հեռուստաընկերությունը հայտարարեց որ տեղի է ունենալու ներքին ընտրություն՝ որոշելու Հունգարիայի ներկայացուցչին և երգը։ Երգերի հայտերի ուղարկման վերջնաժամկետը եղել է փետրվարի 2-ը։
Փետրվարի 3-ին MTV-ն հայտարարեց որ ստացել է 105 երգ և մրցույթում Հունգարիան պետք է ներկայացնի Մարկ Զենտաին «If You Wanna Party» երգով։ Այդ հայտարարությունից ժամեր հետո պարզ դարձավ որ երգը գողացվել է 2004 թվականին թողարկված «We Became Friends» շվեդական երգից։ Մարկ Զենտաին որակազրկվեց և MTV-ն ձեռնամուխ եղավ գտնելու նոր երգ մրցույթում ներկայացնելու համար։
Փետրվարի 4-ին MTV-ն հայտարարեց որ դերասանուհի Կատյա Տոմպոշը իր «Magányos csónak» երգով կարող է փոխարիներ Մարկ Զենտաին՝ որպես Հունգարիայի ներկայացուցիչ, սակայն մի շարք հայտնի հունգարացի երգահաններ բողոքեցին որ եթե ժյուրին երկար որոշում կայացնելուց հետո ընտրեց մի մասնակցի ում երգը գրագողության արդյունք էր և այժմ դժգոհությամբ փորձում է ընտրել այլ մասնակցի, ապա դրա փոխարեն կարելի է կազմակերպել ազգային ընտրություն որտեղ հեռուստադիտողը հնարավորություն կունենա քվեարկելու իր նախընտրած երգի օգտին։ MTV-ն սակայն չփոխեց իր որոշումը և հաստատեց Կատյա Տոմպոշին Հունգարիայի ներկայացուցիչ։
Փետրվարի 10-ին Կատյա Տոմպոշը հայտարարեց որ նա չի կարող ներկայացնել իր երկիրը մրցույթում, քանի որ ցանկանում է կենտրոնանալ իր թատերական կարիերայի վրա և մրցույթին պատշաճ պատրաստվելու ժամանակ չի ունենա։ MTV-ի ժյուրին ևս մեկ անգամ անցկացրեց քննարկում՝ որպեսզի ընտրի իր մասնակցին և փետրվարի 23-ին հայտարարեց մամլո ասուլիս։ Մամլո ասուլիսում հայտարարվեց որ ի սկզբանե ժյուրին ընտրել էր 3 երգ և այժմ պետք է ներկայացվի 3-րդ երգը, որը ամբողջությամբ համապատասխանում է պահանջներին։ Այնուհետև հայտարարեցին որ մրցույթում Հունգարիայի պաշտոնական ներկայացուցիչ է ընտրվել Զոլի Ադոկը իր «Dance with Me» երգով։
Եվրատեսիլում
[խմբագրել | խմբագրել կոդը]Փորձեր
[խմբագրել | խմբագրել կոդը]Հունգարիայի ներկայացուցիչը իր առաջին փորձը մրցույթի բեմի վրա կատարել է մայիսի 6-ին, իսկ մայիսի 9-ին երկրորդ փորձը։
Ելույթը կիսաեզրափակչում
[խմբագրել | խմբագրել կոդը]Հունվարի 30-ին կայացած վիճակահանության ժամանակ հայտնի դարձավ որ Հունգարիան հանդես կգա մայիսի 16-ին՝ երկրորդ կիսաեզրափակչում։
Հունգարիայի ներկայացուցիչ Զոլի Ադոկը իր երգը կատարեց 11-րդ համարի ներքո։ Կիսաեզրափակչի քվեարկության արդյունքում նա զբաղեցրեց 15-րդ հորիզոնականը 16 միավորով և հնարավորություն չստացավ անցնելու եզրափակիչ փուլ։
Հունգարիայի տված միավորները
[խմբագրել | խմբագրել կոդը]
Կիսաեզրափակիչ[խմբագրել | խմբագրել կոդը]
|
Եզրափակիչ[խմբագրել | խմբագրել կոդը]
|
.svg){kind=small}
| 12 միավոր | 10 միավոր | 8 միավոր | 7 միավոր | 6 միավոր |
|---|---|---|---|---|
| 5 միավոր | 4 միավոր | 3 միավոր | 2 միավոր | 1 միավոր |
Բարբարա Դեքսի մրցանակ
[խմբագրել | խմբագրել կոդը]Մրցույթի ավարտից հետո eurovisionhouse.nl կայքում անցկացված քվեարկության արդյունքում Զոլի Ադոկը ճանաչվեց Բարբարա Դեքսի անվան մրցանակի հաղթող։ Այդ մրցանակը տրվում է ամենավատ հանգված մասնակցին՝ սկսած 1997 թվականից։ Հունգարիայի ներկայացուցիչը ստացավ այդ մրցանակը իր կանաչ շալվարի և փայլուն շապիկի համար։