Jump to content

Կլաուդիա Շիֆեր

Վիքիպեդիայից՝ ազատ հանրագիտարանից
Կլաուդիա Շիֆեր
անգլ.՝ Claudia Schiffer
Դիմանկար
Շիֆերը 2007 թվականի Կաննի կինոփառատոնի ժամանակ
Ծնվել էօգոստոսի 25, 1970(1970-08-25)[1][2][3] (54 տարեկան)
ԾննդավայրՌայինբերգ, Գերմանիա Գերմանիա
Քաղաքացիությունգերմանացի
Մայրենի լեզուգերմաներեն
ԿրթությունAmplonius-Gymnasium Rheinberg?
Մասնագիտությունմոդել, դերասանուհի, ստեղծագործական տնօրեն
Գործունեություն1989–ներկա
ԱմուսինՄեթյու Վոն (2002)
Ծնողներհայր՝ Heinz Schiffer?[2], մայր՝ Gudrun (?)?[2]
Զբաղեցրած պաշտոններՅՈՒՆԵՍԿՕ-ի բարի կամքի դեսպան
Երեխաներ3
Կայքclaudiaschiffer.com
Ստորագրություն
Изображение автографа
 Claudia Schiffer Վիքիպահեստում

Կլաուդիա Շիֆեր (անգլ.՝ Claudia Schiffer, օգոստոսի 25, 1970(1970-08-25)[1][2][3], Rheinberg, Գերմանիայի Ֆեդերատիվ Հանրապետություն), գերմանացի մոդել, դերասանուհի և իր իսկ հագուստի բրենդի ստեղծագործական տնօրենն է[4]։ Նա 1990–ականների ամենահայտնի անձանցից էր և հաջողակ մոդելներից մեկը[5]։ Հայտնվել է ավելի քան 1000 ամսագրերի շապիկներին և այժմ էլ շարունակում է մեծացնել այդ թիվը։ 2002 թվականին Forbes–ը գնահատեց Շիֆերի ունեցվածքը 55 միլիոն ԱՄՆ դոլար։ Նա եղել է իր ժամանակների վեց սուպերմոդելներից մեկը։

Վաղ տարիներ

[խմբագրել | խմբագրել կոդը]

Շիֆերը ծնվել է Ռայինբերգում (Գերմանիա), փոքրիկ քաղաքում՝ 15 կիլոմետր հեռավորությամբ Դույսբուրգից։ Նա Գուդրուն և Հանս Շիֆերների դուստրն է[6]։ Ունի երկու եղբայր՝ Ստեֆանը և Անդրեասը, և Էն Կարոլին անունով քույր[4]։

Շիֆերն ասել է, որ նա դպրոցում եղել է հայտնի, սակայն իր բարձրահասակության պատճառով հաճախ ամաչել է և չի ցանկացել լինել ուշադրության կենտրոնում։ Նա նաև հավելում է, որ նրան հաճախ նաև նախանձում էին հարուստ և ճանաչված ընտանիքի համար[4]։ Շիֆերը կարողանում է սահուն խոսել գերմաներեն, անգլերեն և ֆրանսերեն։

Ի սկզբանե նա ցանկանում էր շարունակել հոր գծերով և նույնպես դառնալ փաստաբան՝ աշխատելով իր հոր փաստաբանական ընկերությունում[7]։ Հետագայում նա հրաժարվեց այդ ցանկություններից, երբ, 1987 թվականի հոկտեմբերին՝ 17 տարեկան հասակում, Դյուսելդորֆի գիշերային ակումբներից մեկում նրան հայտնաբերեց Մայքլ Լեվատոնը՝ Metropolitan Model Agency մոդելային գործակալության տնօրենը, ով հետագայում Շիֆերին ուղեկցեց մոդելային աշխարհ։

Մոդելային գործունեություն

[խմբագրել | խմբագրել կոդը]
Շիֆերը 2009 թվականին

Կրթությունն ավարտելուց հետո նա անցավ իր գործունեությանը։ Նա մեկնեց Փարիզ և մասնակցեց լուսանկարահանումների, որից հետո հայտնվեց ֆրանսիական Elle ամսագրի շապիկին։ 1990–ականների սկզբներին նա համագործակցեց Guess? հագուստի ցանցերի հետ[8]։ Փոլ Մարսիանոն E!–ին տված հարցազրույցում ասել է, որ Guess–ը հասավ մեծ հաջողությունների Շիֆերի շնորհիվ։ Եվս մի շարք ամսագրերի շապիկերից հետո, ներառյալ Հերբ Ռիթսի կողմից լուսանկարահանված բրիտանական Vogue–ի շապիկը, նա ամրագրեց իր անունը այդ ժամանակաշրջանի սուպերմոդելների շարքում[9]։ Կարլ Լագերֆելդը ընտրեց Շիֆերին որպես Շանելի նոր դեմք[10]։ 1997 թվականի մայիսյան Փլեյբոյի համարի շապիկի դեմքը Շիֆերն էր[11]։ Շուտով նա դարձավ աշխարհի ամենաճանաչված մոդելը, իր կապույտ աչքերի, վառ շեկ վարսերի, 181 սմ երկարությամբ գեղեցիկ կազմվածքի շնորհիվ։

1999 թվականի նոյեմբերյան հազարերորդ Vogue–ի համարի շապիկին հայտնվեց Շիֆերը, որը վերնագրվեց «Ժամանակակից մուսաները»[12]։ Ճանաչվելով աշխարհի ամենագեղեցիկ կանանցից մեկը, նրա գործունեությունը սփռվեց ամբողջ աշխարհով մեկ ավելի քան 25 տարի։ Նա եղավ առաջին մոդելը, ով հայտնվեց Vanity Fair, Rolling Stone, Նյու Յորք Թայմս և People ամսագրերի շապիկներին։ Բացի դրանցից հայտնվել է նաև անյպիսի հայտնի ամսագրերում, ինչպիսիք են Vogue, Harper's Bazaar, Elle, Cosmopolitan, Time և այլն։ Քայլել է անցուղով հայտնի Վերսաչե, Դիոր, Քլոե, Yves Saint Laurent, Dolce & Gabbana, Շանել, Վալենտինո և այլ բրենդների համար։

Բացի հայտնի բրենդներից նա գովազդել է նաև բարձրակարգ այլ առևտրային խանութներ, օրինակ՝ Մանգո և Monsoon Accessorize, որի ժամանակ առաջին անգամ նա իր ականջները զարդարեց պիրսինգով աշուն/ձմեռ 2006 հավաքածուի համար[13][14][15][16]։ Գովազդել է նաև Ֆանտա և Պեպսի ընկերությունները։ 1998 թվականի Citroën ավտոմեքենաների գովազդի համար նա վաստակեց 3 միլոն եվրո։ Շիֆերը մինչ այժմ համագործակցում է L’Oréal ընկերության հետ և նրա ամենաերկար համագործակցող մոդելներից մեկն է։

Գովազդել է Շանելի «Chanel A/W11» աչքի կոսմետիկայի հավաքածուն[17][18]։ Նա ստորագրել է պայմանագիր տարբեր գործակալությունների հետ Միլանում, Նյու Յորքում, Փարիզում[15]։ Նա Fashion Fringe հաղորդմանը եղել է ժյուրիի անդամ 2011 թվականին[19]։ 2012 թվականին նա կրկին գովազդեց Guess հագուստեղենը՝ նրանց 30–րդ հոբելյարական տարում[20]։

Շիֆերը մեդիայում

[խմբագրել | խմբագրել կոդը]
Շիֆերը 1993 թվականին Սեզար կինոթառատոնի ժամանակ, Ֆրանսիա

Շիֆերը նկարահանվել է մի շարք ֆիլմերում և տեսահոլովակներում։ Առաջին անգամ նկարահանվել է «Հարուստ Ռիչի» ֆիլմում 1994 թվականին։ Իսկ 1997 թվականին «The Blackout» ֆիլմում՝ գլխավոր դերում։ Երեք տարի անց խաղաց «Ընկերներ և սիրեկաններ» և «Սև ու սպիտակ» ֆիլմերում։ Իսկ 2001 թվականին խաղաց գլխավոր դերում «In Pursuit» և փոքրիկ դերում «Life Without Dick» ֆիլմերում։ Նա հայտնվել է փոքրիկ տեսարանում «Իրական սեր» 2003 և «Zoolander» 2001 ֆիլմերում[7]։

Հայտնվել է բազում հաղորդավարների հեռուստաշոուներում՝ Օփրա Ուինֆրի, Լարի Քինգ, Դեյվիդ Լեթերման, Կոնան Օ'Բրայեն, Ջոնաթան Ռոս և այլք։ Նկարահանվել է Westlife խմբի 2000 թվականի տեսահոլովակ «Uptown Girl»–ում, ինչպես նաև ունեցել է փոքրիկ դեր Բոն Ջովիի «Say It Isn't So» տեսահոլովակում։ Հովանավորել է French Fashion Awards և World Music Awards մրցանակաբաշխությունները։

Նկարահանել է չորս ֆիթնեսի հոլովակներ, կոչված «Claudia Schiffer's Perfectly Fit», որոնք ունեցան մեծ հաջողությունն և գրանցեցին վաճառքների մեծ ցուցանիշ։

Քրիստի Տարլինգտոնի, Նաոմի Քեմփբելի և Էլ Մակֆերսոնի հետ միասին Շիֆերը 1995 թվականին ստեղծեց և դարձավ բաժնետեր Fashion Café սրճարանում[7]։ Շիֆերը նաև հայտնի է գերմանացիների համար, քանի որ մասնակցել և ներկայացրել է Պելեին 2006 թվականի Ֆուտբոլի աշխարհի առաջնության մրցանակը։ Ինչպես նաև ներկայացրել է պոլոյի մրցանակը Արքայազն Ուիլյամին 2002 թվականին[6]։

Խոսելով ժամանակակից մոդել մասնագիտության մասին նա ասել է․ «Սուպերմոդելներ, ինչպիսին մենք էինք ժամանակին, այլևս չկան»[21]։

Բարեգործություն

[խմբագրել | խմբագրել կոդը]

Շիֆերը սկսեց իր բարեգործական ուղին ՅՈՒՆԻՍԵՖ–ի հետ համագործակցվելով և դառնալով նրա արվեստի և ժամանցային աջակցության կոմիտեի ադամ և այժմ Մեծ Բրիտանիայում կազմակերպության դեսպան է։ Նաև մասնակցել է Make Poverty History–ի հզոր Click գովազդում։ Եղել է նաև հաղորդավար բարեգործական Live 8 համերգներին Բեռլինում և Էդինբուրգում։

Անձնական կյանք

[խմբագրել | խմբագրել կոդը]

Իր գործունեության սկզբում նա ունեցել է սիրային կապեր Bon Jovi խմբի կիթառիստ Ռիչի Սամբորայի, Ալբերտ II Մոնակոյի արքայազնի և երգիչ Պիթեր Գաբրիելի հետ[22]։

1993 թվականին Բրիտանիայում փառատոնի ժամանակ Շիֆերը հանդիպեց իլյուզիոնիստ Դեյվիդ Կոպերֆիլդին, երբ նա հրավիրեց Շիֆերին բեմ՝ նրա հետ փորձեր կատարելու համար։ Հաջորդ տարի հունվար ամսին նրանք նշանվեցին։ Այդ տարիներին Շիֆերը հաճախ էր հայտնվում բեմում Կոպերֆիլդի հետ՝ հանդիսանալով նրա օգնական[23][24][25]։ 1994 թվականին նա նկարահանվեց Դեյվիդ Կոպերֆիլդ։ Հրաշքների 15 տարի փաստավավերագրական հոլովակում։ 1999 թվականի սեպտեմբերին, վեց տարվա նշանադրությունից հետո նրանք բաժանվեցին՝ աշխատանքային խիտ գրաֆիկը պատճառ հանդիսացնելով[26]։ Մինչ բաժանումը՝ 1997 թվականին, նրանք դատական գործ հարուցեցին Paris Match ամսագրի դիմաց, որը գրել էր, որ նրանց հարաբերությունները կեղծիք են, և Շիֆերը վճարվել է Կոպերֆիլդի կողմից և խաղացել նրա ընկերուհին՝ անգամ նրան չսիրելով[27][28][29][30]։ 1999 թվականին ֆրանսիական դատարանը ընդունեց ամսագրի ապատեղեկատվության փաստը և արդյունքում Շիֆերը հաղթեց դատը[31][32][33]։

Բաժանումից հետո մինչև 2000 թվականը նա հանդիպում էր արտ–դիլեր և Green Shield Stamp ընկերության ժառանգ Թիմ Ջեֆերիեսի հետ[34][35]։

2002 թվականի մայիսի 25–ին Սուֆոլկում նա ամուսնացավ Մեթյու Վոնի հետ։ Նրանք ունեն երեք երեխա․ որդի՝ Կասպար Մեթյու (ծնվել է 30 հունվարի, 2003, Վեստմինստեր, Լոնդոն) և երկու դուստր՝ Կլեմենտին Փոփի (ծնվել է 11 նոյեմբերի, 2004) և Կոսիմա Վիոլետ (ծնվել է 14 մայիսի, 2010)[36]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 FemBio տվյալների շտեմարան (գերմ.)
  2. ↑ 2,0 2,1 2,2 2,3 2,4 2,5 2,6 Lundy D. R. The Peerage
  3. ↑ 3,0 3,1 Munzinger Personen (գերմ.)
  4. ↑ 4,0 4,1 4,2 "[1] Արխիվացված 2013-05-11 Wayback Machine". Stylist. Retrieved 6 March 2012.
  5. ↑ «BEAUTY; Tropical Tresses». Նյու Յորք Թայմս. 1992 թ․ հունվարի 5. Վերցված է 2013 թ․ սեպտեմբերի 18-ին.
  6. ↑ 6,0 6,1 "Biography Արխիվացված 2007-10-01 Wayback Machine". Ask Men. Retrieved 19 June 2007.
  7. ↑ 7,0 7,1 7,2 "Claudia Schiffer: Biography Արխիվացված 2007-11-11 Wayback Machine". MSN. Retrieved 12 June 2007.
  8. ↑ Mau, Dhani (2012 թ․ մարտի 28). «Over 20 Years Later, Claudia Schiffer Is a Guess Girl Again - Fashionista». Fashionista. Վերցված է 2015 թ․ մարտի 8-ին.
  9. ↑ "[2]". Vogue cover. Retrieved 6 March 2012.
  10. ↑ Claudia Schiffer - Chanel - YouTube
  11. ↑ «Playboy Magazine, May 1997 w/ Claudia Schiffer on the Cover». Amazon.com. Վերցված է 2015 թ․ հոկտեմբերի 9-ին.
  12. ↑ Lee, Helen (2007 թ․ ապրիլի 11). «Vogue's 'World's Next Top Models' cover». SassyBella.com. Վերցված է 2011 թ․ ապրիլի 18-ին.
  13. ↑ Style File: Claudia Schiffer (image #18). Արխիվացված 2012-07-30 Wayback Machine Vogue. Retrieved 31 March 2012.
  14. ↑ Claudia SchifferVogue. Retrieved 31 March 2012. Արխիվացված 5 Օգոստոս 2014 Wayback Machine
  15. ↑ 15,0 15,1 Claudia Schiffer Profile in the FMD database. Retrieved 10 June 2008.
  16. ↑ Designed to delight India Today, 26 November 2007. Retrieved 31 March 2012.
  17. ↑ "[3] Արխիվացված 2014-01-08 Wayback Machine". Fab Sugar. Retrieved 13 June 2007.
  18. ↑ "[4] Արխիվացված 2016-01-02 Wayback Machine". Telegraph. Retrieved 6 March 2012.
  19. ↑ "[5] Արխիվացված 2012-06-10 Wayback Machine". Telegraph. Retrieved 6 March 2012.
  20. ↑ Krupnick, Ellie (2012 թ․ մարտի 28). «PHOTOS: Claudia Schiffer Returns To Guess For 30th Anniversary». Huffington Post.
  21. ↑ «The supermodel is dead, says Claudia Schiffer». Evening Standard. 2007 թ․ սեպտեմբերի 4. Արխիվացված է օրիգինալից 2011 թ․ հունիսի 6-ին. Վերցված է 2015 թ․ դեկտեմբերի 5-ին.
  22. ↑ Prince Albert finally settles down an ends Monaco's 30-year wait for a monarch's wedding Daily Mail, 24 June 2010. Retrieved 1 April 2012.
  23. ↑ Style File: Claudia Schiffer (image #7). Արխիվացված 2012-06-24 Wayback Machine Vogue. Retrieved March 31, 2012.
  24. ↑ Sophie Dahl and Jamie Cullum's secret wedding: 10. Claudia Schiffer and David Copperfield The Independent. Retrieved March 31, 2012.
  25. ↑ David Copperfield Biography Արխիվացված 2012-02-19 Wayback Machine Ask Men. Retrieved March 31, 2012.
  26. ↑ «CANOE – JAM! – Schiffer's big shift». jam.canoe.ca. Վերցված է 2009 թ․ մայիսի 20-ին. «It was our work schedules that ended the relationship.»
  27. ↑ «Fairytale romance that began with a cunning illusion – The Independent». The Independent. London. 1997 թ․ հուլիսի 11. Վերցված է 2009 թ․ հունիսի 8-ին. «The French magazine Paris Match claims that the meeting was a carefully calculated stunt, to boost Ms Schiffer's profile in the US and Copperfield's career in Europe. "It was just a plot to dupe their loyal fans, and we've got the contracts to prove it," said the magazine.»
  28. ↑ Luscombe, Belinda (1997 թ․ օգոստոսի 4). «Copperfield V. Paris Match». Time Magazine. Արխիվացված է օրիգինալից 2008 թ․ դեկտեմբերի 22-ին. Վերցված է 2009 թ․ հունիսի 8-ին. «The suit states that Paris Match added that the supermodel now gets paid for pretending to be Copperfield's fiancée and doesn't even like him.»
  29. ↑ «Shedding Light: Copperfield talks candidly about his profession». Las Vegas Review Journal. Վերցված է 2009 թ․ հունիսի 8-ին. «Last year Copperfield slapped a $30 million lawsuit on Paris-Match magazine that alleged in a story that the Copperfield-Schiffer relationship was mere illusion; little more than a business deal to enhance both their careers.»
  30. ↑ Schiffer Boots British Fiance ABC News. 8 November 2000. Retrieved 9 April 2012.
  31. ↑ Rush, George; Molloy, Joanna; Malkin, Marc S (1999 թ․ օգոստոսի 29). «Copperfield's Claudia Clone». Daily News. New York. Արխիվացված է օրիգինալից 2012 թ․ հունիսի 22-ին. Վերցված է 2009 թ․ հունիսի 8-ին. «They won an undisclosed sum and a retraction from Paris Match in January when they sued the magazine for $30 million for claiming their relationship was a sham.»
  32. ↑ «A Lift Out of Life». People. 1999 թ․ ապրիլի 9. Արխիվացված է օրիգինալից 2009 թ․ հունիսի 2-ին. Վերցված է 2012 թ․ ապրիլի 9-ին. «Schiffer responded by filing a $30 million lawsuit in France. In 1999 a French court declared the story false and defamatory and ordered Paris Match to pay undisclosed damages.»
  33. ↑ «Love, Honor and Portray». Pittsburgh Post-Gazette. 1997 թ․ հուլիսի 16. Վերցված է 2009 թ․ հունիսի 12-ին. «Copperfield's publicist said he and Schiffer had contracts to do the 1993 show, but "there is no contract that states Claudia is there as some sort of consort".»
  34. ↑ Claudia Schiffer Hello. Retrieved 31 March 2012.
  35. ↑ Serial celebrity model-daters: Tim Jefferies Արխիվացված 2013-05-31 Wayback Machine Telegraph. Retrieved 31 March 2012.
  36. ↑ "Claudia Schiffer names new baby daughter", 25 May 2010, Hello Magazine
Վիքիպահեստն ունի նյութեր, որոնք վերաբերում են «Կլաուդիա Շիֆեր» հոդվածին։
Ֆեյսբուք (անգլ.)
Ֆոտո, վիդեո և աուդիո
Ինստագրամ (անգլ.) · Last.fm
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Կլաուդիա_Շիֆեր&oldid=9941574» էջից