Խոնդրոկալցինոզ
Խոնդրոկալցինոզ, աճառի կալցիֆիկացիա, կալցիումի աղերի կուտակում է հիալինային աճառում և/կամ ֆիբրոաճառում[1]։ Այն կարելի է տեսնել ռենտգենագրությամբ։
| Խոնդրոկալցինոզ | |
|---|---|
 Խոնդրոկալցինոզով ծնկի ռենտգեն | |
| Տեսակ | հազվագյուտ հիվանդություն և հիվանդության կարգ |
| Հիվանդության ախտանշաններ | հոդաբորբ[2] |
| Բժշկական մասնագիտություն | Ռադիոլոգիա |
 Chondrocalcinosis Վիքիպահեստում | |
Պատճառներ
[խմբագրել | խմբագրել կոդը]Սրունք-թաթային հոդերի մեջ կալցիումի ֆոսֆատի կուտակում հայտնաբերվել է ընդհանուր բնակչության մոտ 50%-ի մոտ և կարող է կապված լինել օստեոարթրիտի հետ[3]։
Խոնդրոկալցինոզի մեկ այլ տարածված պատճառ է կալցիումի պիրոֆոսֆատի բյուրեղային նստվածքի հիվանդությունը (CPPD)[4]։ Կալցիումի պիրոֆոսֆատի բյուրեղային նստվածքի հիվանդությունը (CPPD) հանդիպում է Եվրոպայի և Միացյալ Նահանգների չափահաս բնակչության 4-7%-ի մոտ[5]։ Նախկին ուսումնասիրությունները գերագնահատել են հիվանդության տարածվածությունը՝ պարզապես գնահատելով խոնդրոկալցինոզի տարածվածությունը՝ անկախ պատճառից[5]։
Մագնեզիումի պակասը կարող է առաջացնել խոնդրոկալցինոզ, և կան անեկդոտային ապացույցներ (հայտարարություններ կամ ապացույցներ, որոնք հիմնված են անձնական կյանքի դեպքերի կամ դրվագների կամ եզակի փորձարարական տվյալների վրա), որ մագնեզիումի հավելումը կարող է նվազեցնել կամ մեղմացնել ախտանիշները[6]։ Որոշ դեպքերում վնասվածքից առաջացած արթրիտը կարող է առաջացնել խոնդրոկալցինոզ[7]։ Խոնդրոկալցինոզի այլ պատճառներ կարող են լինել[4]․
- Հիպերկալցեմիան, հատկապես, երբ պայմանավորված է հիպերպարաթիրեոիդիզմով
- Արթրիտը
- Կեղծ պոդագրան (պսևդոպոդագրա)
- Վիլսոնի հիվանդությունը
- Հեմոքրոմատոզը
- Օխրոնոզը
- Հիպոֆոսֆատազիան
- Հիպոթիրեոզը
- Հիպերօքսալեմիան
- Ակրոմեգալիան
- Գիտելմանի համախտանիշը
Ախտորոշում
[խմբագրել | խմբագրել կոդը]Խոնդրոկալցինոզը կարելի է հայտնաբերել պրոյեկցիոն ռենտգենագրության, համակարգչային շերտագրության, մագնիսառեզոնանսային շերտագրության, ուլտրաձայնային հետազոտության, ռադիոնուկլիդային հետազոտության միջոցով[1]։ Համակարգչային և մագնիսառեզոնանսային շերտագրությունները ցույց են տալիս կալցիֆիկատները (սովորաբար կապանների շուրջը կամ հոդային պատիճի ներսում), սակայն ռենտգենագրությամբ ավելի լավ են հայտնաբերվում կալցիումի կուտակումները՝ կալցիֆիկատները[1]։ Ուլտրաձայնային հետազոտության ժամանակ խոնդրոկալցինոզը կարող է պատկերվել որպես էխոգեն օջախ աճառի ներսում[8]։ Ինչպես շարակցական հյուսվածքի շատ հիվանդությունների, օրինակ՝ անկիլոզացնող սպոնդիլոարթրիտի և հոդատապի, այնպես էլ խոնդրոկալցինոզի դեպքում կարող են դրսևորվել նման ախտանիշներ[1]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 Rothschild, Bruce M Calcium Pyrophosphate Deposition Disease (radiology)
- ↑ Disease Ontology — 2016.
- ↑ Hubert, Jan; Weiser, Lukas; Hischke, Sandra; Uhlig, Annemarie; Rolvien, Tim; Schmidt, Tobias; Butscheidt, Sebastian Karl; Püschel, Klaus; Lehmann, Wolfgang; Beil, Frank Timo; Hawellek, Thelonius (2018). «Cartilage calcification of the ankle joint is associated with osteoarthritis in the general population». BMC Musculoskeletal Disorders. 19 (1): 169. doi:10.1186/s12891-018-2094-7. ISSN 1471-2474. PMC 5968601. PMID 29793463.
{{cite journal}}: CS1 սպաս․ չպիտակված ազատ DOI (link) - ↑ 4,0 4,1 Matt A. Morgan; Frank Gaillard; և այլք:. «Chondrocalcinosis». Radiopedia. Վերցված է 2017 թ․ օգոստոսի 11-ին.
- ↑ 5,0 5,1 Ann K. Rosenthal. «Clinical manifestations and diagnosis of calcium pyrophosphate crystal deposition (CPPD) disease». UpToDate. This topic last updated: Jul 24, 2018.
- ↑ de Filippi JP, Diderich PP, Wouters JM (1992). «Hypomagnesemia and chondrocalcinosis». Ned Tijdschr Geneeskd. 136 (20): 139–41. PMID 1732847.
- ↑ Wright GD, Doherty M (1997). «Calcium pyrophosphate crystal deposition is not always 'wear and tear' or aging». Ann. Rheum. Dis. 56 (10): 586–8. doi:10.1136/ard.56.10.586. PMC 1752269. PMID 9389218.
- ↑ Arend CF. Ultrasound of the Shoulder. Master Medical Books, 2013. Free chapter on acromioclavicular chondrocalcinosis is available at ShoulderUS.com Արխիվացված 2017-07-14 Wayback Machine
 | Վիքիպահեստն ունի նյութեր, որոնք վերաբերում են «Խոնդրոկալցինոզ» հոդվածին։ |
| ||||||||||
