Դանիել Բերնհարդ

Դանիել Բերնհարդ
Դանիել Բերնհարդ
Ծննդյան թիվ՝	օգոստոսի 31, 1965 (59 տարեկան)
Ծննդավայր՝	Ittigen, Բեռն, Շվեյցարիա
Քաղաքացիություն՝	Շվեյցարիա
Մասնագիտություն՝	դերասան, մարտարվեստի վարպետ, մոդել, կինոդերասան և կինոպրոդյուսեր
IMDb։	ID 0076780

Դանիել Բերնհարդ (գերմ.՝ Daniel Bernhardt, օգոստոսի 31, 1965(1965-08-31), Ittigen, Բեռն, Շվեյցարիա), շվեյցարացի և ամերիկացի դերասան, մարտարվեստի վարպետ։ Առավել հայտնի է դարձել կումիտեի լեգենդար չեմպիոնի դերով «Արյունոտ սպորտ 2» ֆիլմում և նրան հաջորդող մասերում, ինչպես նաև Սիրոյի դերով «Մահացու պայքար․ Նվաճում» սերիալում և գործակալ Ջոնսոնի դերով «Մատրիցա։ Վերալիցքավորում» ֆիլմում։

Կենսագրություն

Վաղ տարիներ

15 տարեկանում սկսել է սովորել կունֆու և կարատե մարտարվեստները։ Միջնակարգ դպրոցը ավարտելուց հետո չորս տարի Բեռնում սովորել է ճարտարապետական դիզայն և ստացել գիտական աստիճան։ Միևնույն ժամանակ բացել է մարտարվեստի դպրոց՝ հետագա գործունեությունը այդտեղ ծավալելու մտադրությամբ։ Ուսումը ավարտելուց հետո Դանիելը տեղափոխվել է Փարիզ և սկսել մոդելի կարիերա։ Նա աշխատել է այնպիսի մոդելավորողների համար, ինչպիսիք են՝ Montana, Mugler, Boss, Versace, Ferre, Bogner, Cerruti, Jaene Barnes, իրեն դրսևորել է որպես՝ միջազգային թոփ մոդել։ Նրա լուսանկարները հրապարակվել են Վոգ, Elle,GQ, Cosmopolitan, MAX, Interview ամսագրերում։ Աշխատելով Փարիզում, Լոնդոնում, Տոկիոյում, Նյու Յորքում և Միլանում, 25 տարեկան հասակում Բերենհարդը տեղափոխվել է Նյու Յորք, որտեղ նա հրավիրվել էր Ջաննի Վերսաչեի համար ստեղծված կոմերցիոն հեռուստահաղորդման մեջ Ժան-Կլոդ Վան Դամի հետ նկարահանվելու համար։ Երկու տարի անց դերասանական վարպետություն ուսումնասիրելու նպատակով տեղափոխվում է Լոս Անջելես։ Այստեղ նա մեծ վարպետ՝ Հի Իլ Չոյի (Нее Il Cho) ուսուցմամբ սկսում է ընդլայնված ծրագրով սովորել թեկվոնդո։

Կարիերա

Էկրանների վրա է հայտնվել 1995 թվականից։ Հայտնի է դարձել «Արյունոտ սպորտ» սերիալում նկարահանվելուց հետո։ 1998 թվականից մինչև 1999 թվական նկարահանվել է «Մահացու պայքար․ Նվաճում» սերիալում։ 2003 թվականին նկարահանվել է «Մատրիցա։ Վերալիցքավորում» ֆիլմում^[1]։ 2014 թվականին առաջադրվել է «Տաուրոս» մրցանակի «Լավագույն ծեծկռտուք» անվանակարգում՝ «Պարկեռ»^[2] ֆիլմում իր դերի համար։

Անձնական կյանք

Ամուսնացած է Լիզա Ստոթհարդի (անգլ.՝ Lisa Stothard) հետ։ 2003 թվականի մայիսի 15-ին ծնվել է նրանց դուստրը։

Դանիելը ունի երկու եղբայր․ Դիրք (Dirk) ու Կլիֆ (Cliff), որոնք նկարահանվել են իր հետ «Արյունոտ սպորտ 2» ֆիլմում՝ երկրորդական դերերում։

Հետաքրքրված է մարտարվեստներով, լուսանկարչությամբ, ձիարշավով, ձկնորսությամբ և սցենար գրելով։ Դանիելը արդեն ավարտել է իր առաջին սցենարը, որը կոչվում է «Կայծակ պատանի» (The Lightning Kid), և արդեն աշխատում է երկրորդ սցենարի վրա, որը կոչվում է «Շաոլենի վանականը» (The Shaolin Monk)։

Ֆիլմագրություն

Տարի		Հայերեն անվանում	Բնօրինակ անվանում	Դեր
1996	ֆ	Արյունոտ սպորտ 2	Bloodsport 2	Ալեքս Կադրո
1997	ֆ	Սևծովյան արշավանք	Black Sea Raid	Ռիկ
1997	ֆ	Ապագայի պատերազմ	Future War	Բեգլեց
1997	ֆ	Արդար վրեժ	True Vengeance	Ալեն Գրիֆին
1997	ֆ	Արյունոտ սպորտ 3	Bloodsport III	Ալեքս Կադրո
1997	ֆ	Գերազանց թիրախ	Perfect Target	Դեյվիդ Բենսոն
1998	ֆ	Գլադիատոր	G2: Mortal Conquest	Սթիվեն Կոլին
1998-1999	ս	Մահացու պայքար․ Նվաճում	Mortal Kombat: Conquest	Սիրո
1999	ֆ	Արյունոտ սպորտ 4․ Դաժան կումիտե	Bloodsport: The Dark Kumite	Ջոն Կելեր
2002	ֆ	Գլոբալ սպառնալիք	Global Effect	Մարկուս Փոինթ
2003	ֆ	Մատրիցա։ Վերալիցքավորում	The Matrix Reloaded	Գործակալ Ջոնսոն
2003			Enter the Matrix	Գործակալ Ջոնսոն
2004	ֆ	Տորնադո	Nature Unleashed: Tornado	Ջոշ
2005	ֆ	Ոսկերիչ	The Cutter	Դիրկ
2005			The Matrix: Path of Neo	Գործակալ Ջոնսոն
2011	ֆ	Գոյություն	Creature	Գրիմլի
2012	ֆ	Պարկեռ	Parker	Կրոլ
2013	ֆ	Քաղցած խաղեր։ Եվ բռնկվում է կրակը	The Hunger Games: The Catching Fire
2014	ֆ	Ջոն Ուիք	John Wick	Կիրիլ
2015	ֆ	Վատիկանի գրառումները	The Vatican Tapes	Հոգեբուժական կլինիկայի անվտանգության աշխատակից
2015	ս	Կասլ	Castle
2015	ս	Շ․ Ի․ Տ․ Ագենտներ	Agents of S.H.I.E.L.D.
2016	ֆ	Արժեքավեր բեռ	Precious Cargo	Սայմոն
2017	ֆ	Լոգան	Logan	Կոստոլոմ
2017	ֆ	Սպանիր բոլորին	Kill'em All	Ռադովան Բրակովսկի
2018	ս	Ձևափոխված ածխածին	Altered Carbon	Յագեր
2019	ֆ	Փախուստի փորձ 3	Escape Plan: The Extractors
2019	ֆ	Ֆորսաժ. Հոբս և Շոու	Fast & Furious Presents: Hobbs & Shaw

Ծանոթագրություններ

Արտաքին հղումներ

Դանիել Բերենհարդ (անգլ.) Internet Movie Database կայքում
Դանիել Բերենհարդի պաշտոնական էջ Արխիվացված 2021-06-25 Wayback Machine

[1] Daniel Bernhardt Joins ‘John Wick’; Dan Fogler & Steve-O Added To ‘Barely Lethal’

[2] 2014 Taurus World Stunt Awards Nominations Արխիվացված 2014-05-28 Wayback Machine

[1]

[2]