Բիլ Քոսբի
Վիլյամ Հենրի Քոսբի կրտսեր (հայտնի է որպես Բիլ Քոսբի, անգլ.՝ William Henry «Bill» Cosby, Jr., հուլիսի 12, 1937[1][2][3][…], Ֆիլադելֆիա, Փենսիլվանիա, ԱՄՆ[4]), ամերիկացի դերասան, ռեժիսոր, պրոդյուսեր, սցենարիստ, երաժիշտ և քաղաքական ակտիվիստ, Սթենդ ափ կատակերգության վետերան։ Լայն ճանաչում է ստացել «Ես լրտես եմ» հեռուստասերիալի շնորհիվ 1960-ական թվականներին։ «Էմմի», «Ոսկե գլոբուս» և «Գրեմմի» մրցանակների դափնեկիր։
Կարիերա կինոյում և հեռուստատեսությունում
[խմբագրել | խմբագրել կոդը]Քոսբին թողարկել է մի քանի սեփական հեռուստատեսային շոուներ։ 1969 թվականին նա ստեղծել է «Բիլ Քոսբիի շոուն», որն էկրաններին եղել է մինչև 1971 թվականը։ 1980-ական թվականներին նա հեղինակել է «Քոսբի շոուն»՝ տասնամյակի ամենահաջողակ կատակերգական նախագծերից մեկը։ Նա այնտեղ հայտնվել է Սուրբծննդյան սվիտերներով, որոնք 1980-ականներին նրա շնորհիվ լայն ճանաչում են ստացել[9]։
Քոսբին նկարահանվել է մի շարք ֆիլմերում, որոնց թվում են «Վերադարձ Օզ Երկիր» (1974), «Լեոնարդ վեցերորդ» (1987), «Հայրիկն ուրվական է» (1990), «Ջեք» (1996) և «Կոմիկ» (2002), ինչպես նաև բազմաթիվ գովազդային տեսահոլովակներում։ 1996-2000 թվականներին Քոսբին նկարահանվել է «Քոսբի» հեռուստասերիալում և հայտնվել մի շարք ֆիլմերում։ Նրա բարեհոգի ծնողական կերպարը նրան հայտնի է դարձրել ամերիկացիների շրջանում, որոնք նրան տվել են «Ամերիկյան հայրիկ» մականունը։
1976 թվականին Քոսբին Մասաչուսեթսի համալսարանում ստացել է մանկավարժական գիտությունների դոկտորի կոչում։
Իր կարիերայի ընթացքում նա մի քանի անգամ արժանացել է «Էմմի», «Ոսկե գլոբուս» և «Գրեմմի» մրցանակների, ինչպես նաև աստղի է արժանացել Հոլիվուդյան փառքի ծառուղուում։ 2002 թվականին հետազոտող Մոլեֆի Քեթե Ասանթեն Բիլ Քոսբիին ընդգրկել է 100 ամենանշանավոր աֆրոամերիկացիների ցուցակում։
Սեռական սկանդալ
[խմբագրել | խմբագրել կոդը]2014 թվականին Քոսբին հայտնվել է սկանդալի կենտրոնում։ 2015 թվականին նրան մեղադրանք է առաջադրվել սեռական բնույթի հանցագործություն կատարելու համար, և իշխանությունները նրան կալանավորելու հրամանաթուղթ են ներայացրել[10]։ Հանցագործությունն իրականացվել էր 2004 թվականի հունվարին Ֆիլադելֆիայից ոչ հեռու գտնվող առանձնատանը[10]։ Քոսբին բռնաբարել է կնոջը՝ նրան նախապես (նրա իսկ խոսքերով) տալով թմրանյութ[10]։ Ավելի քան 50 կանայք հայտարարել են, որ Քոսբին անարգել է իրենց՝ վարվելով նույն կերպ[10]։ Դատական պաշտպանության ժամանակ Քոսբին, այդ ժամանակ բարոյապես և ֆիզիկապես սպառված լինելով, ասել է, որ որոշ կանանց վճարել է դրա համար, բայց չի հիշատակել իրեն մեղադրողներին[11]։
2018 թվականի մայիսի 3-ին Ռոման Պոլանսկու հետ սեքսուալ ոտնձգությունների համար հեռացվել էր Կինոարվեստների ամերիկյան ակադեմիայի կազմից[12]։
2018 թվականի սեպտեմբերի 26-ին դատարանը դատապարտել է 3-10 տարվա ազատազրկման։
2023 թվականի հունիսի 14-ին Նեվադայի դատարան Կոսբիի դեմ հայց է ստացվել սեռական բռնության վերաբերյալ, այն ստորագրել են ինը կանայք։ Նրան մեղադրում են Ջենիս Դիկինսոնը, Լիզ-Լոտտե Լյուբլինը, Ջենիս Բեյկեր Կիննին, Լիլի Բերնարդը, Խայդի Տոմասը, Լինդա Կիրկպատրիկը, Ռեբեկկա Կուպերը, Պէմ Ջոյ Աբեյտան և Անջելա Լեսլին։
Անձնական կյանք
[խմբագրել | խմբագրել կոդը]1964 թվականի հունվարի 25-ից Բիլ Քոսբին ամուսնացած է եղել Կամիլա Օլիվիա Հենքսի հետ, որի հետ ամուսնությունից ծնվել են հինգ երեխաներ՝ Էրիկա, Էրին, Էնսա, Էվին և Էնիս։
Նրանց միակ որդին՝ Էնիսը, 1997 թվականին 27 տարեկան հասակում սպանվել է[13][14]։
Սպանողը 18-ամյա ուկրաինացի ներգաղթյալ Միխայիլ Մարխասևն էր (Mikhail Markhasev)[15]։
Էնսին՝ դուստրը, մահացել է 2018-ի փետրվարի 26-ին 44 տարեկան հասակում երիկամների հիվանդությունից[16].
Քոսբի ամուսինները նաև ունեն երեք թոռ[17][18].
Ծանոթագրություններ
[խմբագրել | խմբագրել կոդը]- ↑ 1,0 1,1 Internet Movie Database — 1990.
- ↑ 2,0 2,1 Internet Broadway Database — 2000.
- ↑ 3,0 3,1 Encyclopædia Britannica
- ↑ 4,0 4,1 4,2 Deutsche Nationalbibliothek Record #119344696 // Gemeinsame Normdatei (գերմ.) — 2012—2016.
- ↑ https://www.britannica.com/topic/Spingarn-Medal
- ↑ https://www.loc.gov/about/awards-and-honors/living-legends/bill-cosby/
- ↑ 7,0 7,1 7,2 https://web.archive.org/web/20110715155800/http://razzies.com/asp/content/XcNewsPlus.asp?cmd=view&articleid=27
- ↑ https://www.spelman.edu/docs/honorary-degrees/honorary-degree-recipients---1977-present---as-of-november-2022---revised-(012023).pdf?sfvrsn=f4347e51_2
- ↑ Вика Дядькина Не такой уж он и уродливый: краткая история ugly Christmas sweater // L'OFFICIEL : журнал. — JALOU MEDIA GROUP RUSSIA, 2017. Архивировано из первоисточника 15 Հուլիսի 2018.
- ↑ 10,0 10,1 10,2 10,3 «Комику Биллу Косби предъявили обвинение в сексуальном насилии». Lenta.ru. 30 декабря 2015. Վերցված է 2017 թ․ հունվարի 10-ին.
- ↑ Актер Билл Косби признался в подкупе обвинявших его женщин(ռուս.) // Интерфакс. — 2015.07.19.
- ↑ «Билл Косби и Роман Полански исключены из Академии киноискусства». Արխիվացված է օրիգինալից 2018 թ․ մայիսի 4-ին. Վերցված է 2020 թ․ օգոստոսի 28-ին.
- ↑ «Bill Cosby's son murdered along CA interstate». This Day in History, January 16, 1997.
- ↑ «Just A 'Random' Crime». Newsweek.com. 1997 թ․ մարտի 23.
- ↑ Robinson, Bryan (2002 թ․ փետրվարի 9). «Convicted Killer of Ennis Cosby Confesses». ABC News.
- ↑ Bill Cosby's Daughter Ensa Dies at 44 | Billboard(չաշխատող հղում)
- ↑ «Bill Cosby Biography (1937–)». Filmreference.com. Վերցված է 2009 թ․ սեպտեմբերի 18-ին.
- ↑ «Bill Cosby Comes Clean». NewsObserver. 2012 թ․ հունվարի 20. Արխիվացված է օրիգինալից 2014 թ․ մարտի 9-ին.
![]() | Վիքիպահեստն ունի նյութեր, որոնք վերաբերում են «Բիլ Քոսբի» հոդվածին։ |
|
- Հուլիսի 12 ծնունդներ
- 1937 ծնունդներ
- Ապրող անձինք
- Ֆիլադելֆիա քաղաքում ծնվածներ
- Ազատության նախագահական մեդալով պարգևատրվածներ
- «Ոսկե գլոբուս» մրցանակի դափնեկիրներ
- Անձինք այբբենական կարգով
- Կինոռեժիսորներ այբբենական կարգով
- 20-րդ դարի ամերիկացի երգիչներ
- 20-րդ դարի ամերիկացի տղամարդ գրողներ
- 20-րդ դարի ամերիկացի տղամարդ դերասաններ
- 20-րդ դարի դերասաններ
- 21-րդ դարի ամերիկացի տղամարդ գրողներ
- 21-րդ դարի ամերիկացի տղամարդ դերասաններ
- «Գրեմմի» մրցանակի դափնեկիրներ
- «Էմմի» մրցանակի դափնեկիրներ
- «Ոսկե ազնվամորի» մրցանակի դափնեկիրներ
- Ամերիկացի կատակերգուներ
- Ամերիկացի կոմպոզիտորներ
- Ամերիկացի հեռուստապրոդյուսերներ
- Ամերիկացի ռեժիսորներ
- Ամերիկացի սցենարիստներ
- Ամերիկացի տղամարդ կինոդերասաններ
- Ամերիկացի տղամարդ հեռուստատեսային դերասաններ
- Ամերիկացի տղամարդ հնչյունավորողներ
- Հոլիվուդյան փառքի ծառուղի