Jump to content

Անզսպելիները 2

Վիքիպեդիայից՝ ազատ հանրագիտարանից
Անզսպելիները 2
անգլ.՝ The Expendables 2
Երկիր ԱՄՆ
Ժանրմարտաֆիլմ[1][2][3][…] և թրիլեր
Թեմավրեժ և ահաբեկչություն
Թվականօգոստոսի 8, 2012[4], օգոստոսի 17, 2012[5][4][6] և օգոստոսի 30, 2012[7][8]
Լեզուանգլերեն
ՌեժիսորՍայմոն Ուեսթ[9][10][11][…]
ՊրոդյուսերԱվի Լերներ, Գայմոն Քեսեդի, Բոազ Դևիդսոն, Jon Feltheimer?, Բեզիլ Իվանիկ, Ռոբերտ Էրլ և Զիգի Կամասա
Սցենարի հեղինակՍիլվեստր Ստալոնե[12] և Ռիչարդ Ուենկ[12]
ԴերակատարներՍիլվեստր Ստալոնե[13][2][14][…], Ջեյսոն Սթեթհեմ[13][2][14][…], Ջեթ Լի[13][2][14][…], Դոլֆ Լունդգրեն[13][2][14][…], Ժան-Կլոդ Վան Դամ[13][2][14][…], Չակ Նորիս[13][2][14][…], Բրյուս Ուիլիս[13][2][14][…], Առնոլդ Շվարցենեգեր[13][2][14][…], Թերի Քրյուզ[13][2][14][…], Ռենդի Կուտուր[13][2][14][…], Լիամ Հեմսվորթ[13][2][14][…], Սքոթ Էդքինս[13][2][14][…], Քարիզմա Կարպենտեր[13][2][14][…], Նովակ Ջոկովիչ[12][15], Amanda Ooms?[13][2][14], Յույ Նան[13][14][12], Նիկոլետ Նոել[16] և Սիլվիա Պետկովա[16]
ՕպերատորՇելի Ջոնսոն
ԵրաժշտությունԲրայան Թայլեր
Պատմվածքի վայրՓարիզ
Նկարահանման վայրՆյու Յորք, Բուլղարիա և Հոնկոնգ
ԿինոընկերությունNu Image և Millennium Films
Տևողություն103 րոպե
Բյուջե100 000 000 $[17]
Շահույթ314 975 955 $[18]
ՆախորդԱնզուսպները
ՀաջորդԱնզուսպները 3
Պաշտոնական կայքէջ
 The Expendables 2 Վիքիպահեստում

«Անզսպելիները 2» (անգլ.՝ The Expendables 2), ամերիկյան մարտաֆիլմ, որը հանդիսանում է «Անզսպելիները» ֆիլմի շարունակությունը։ Ֆիլմը արտադրել և ղեկավարել են պրոդյուսերներ՝ Ավի Լերներին, Կեվին Քինգ Թեմփլթոնը, Դենի Լերներին և Լես Վելդոնը, որոնք ներկայացնում են Millennium Films և Nu Image ընկերությունները։ Սցենարը գրել են Սիլվեստր Ստալոնեն և Ռիչարդ Ուենկին՝ Կեն Կաուֆմանի, Դևիդ Ագոստոյի սյուժեի հիման վրա, իսկ ռեժիսորի դերն է ստանձնել Սայմոն Ուեսթը[19]։ Ֆիլմի դեպքերը ծավալվում են «Անզսպելիները» ջոկատի վարձկանների շուրջ, որոնց համար առաջին հայացքից հեշտ թվացող առաջադրանքն ավարտվում է իրենցից մեկի սպանությամբ։ Այդպիսի խոշոր կորուստը մրցակից ջոկատի մարդասպան լիդերից, րը ուզում էր ստանալ Սառը պատերազմի զինագործական պլուտոնիումը, վրեժխնդիր լինելուց բացի այլընտրանք չի թողում ջոկատին[20][21]։

Կենտրոնական պրոտագոնիստի դերը, ինչպես նախորդ ֆիլմում, կատարել է Սիլվեստր Ստալոնեն, անտագոնիստի դերը՝ Ժան-Կլոդ Վան Դամը։ Վան Դամի դերասանական աշխատանքը քննադատները չափազանց բարձր են գնահատել, համարում են, որ նրա դերակատարմամբ այդ կերպարն ավելի տպավորիչ է։ Ըստ Première -ի լրագրի դերասանը ճանաչվել է «2012 թվականի լավագույն չարագործ»։ Մնացած դերերն են խաղացել՝ Ջեյսոն Սթեթհեմը, Ջեթ Լին, Դոլֆ Լունդգրենը, Չակ Նորիսը, Թերի Քրուզը, Լիամ Հեմսվորթը, Բրյուս Ուիլիսը, Առնոլդ Շվարցենեգերը, Սքոթ Էդքինսը և ուրիշներ[22]։

Կինոնկարի նկարահանումները, որի արտադրական բյուջեն պաշտոնական տվյալներով կազմել է 100 միլիոն դոլար՝ սկսվել են 2011 թվականի հոկտեմբերին և շարունակվել են շուրջ 3 ամիս, մասնավորապես Բուլղարիայում, մասնակիորեն ԱՄՆ-ում և Չինաստանում։ Ֆիլմը վարձույթ է դուրս եկել 2012 թվականին Universal Pictures International (UPI) կողմից։ Հանդիսատեսից ու քննադատներից ստանալով հիմնականում դրական արձագանքներ, ինչպես նաև համաշխարհային վարձույթում հավաքելով ավելի քան 300 միլիոն դոլար, «Անզսպելիները 2» գերազանցել են օրիգինալ ֆիլմը և մինչև հիմա հանդիսանում են ամենահաջողված կինոնկարներից մեկը[23][24][25]։

Սյուժե

[խմբագրել | խմբագրել կոդը]

«Անզսպելիները» ջոկատը, կազմված է առաջնորդից՝ Բարնի Ռոսս, սառը զենքերի մասնագետից՝ Լի Քրիսթմաս, ձեռնամարտի վարպետից՝ Ին Յան, հոգեպես անհավասարակշռված ինժեներ-քիմիկոսից՝ Գուննարա Յենսենա, ծանր զենքերի մասնագետից՝ Հեյլա Ցեզար, ականների մասնագետից՝ Թոլ Ռոուդ, ինչպես նաև նորեկ դիպուկահարից՝ Բիլլի Թիմոնս։ Նրանք ժամանում են Նեպալ հերթական առաջդրանքը կատարելու համար, որի նպատակն է փրկել մի չինացի գործարարի[26][27]։ Հատուկ առաքելության ժամանակ նրանց հաջողվում է նաև ազատել Բարնիի հին մրցակցին՝ Թրենչին, որը ձախողել է այդ առաքելությունը։ Հաջողությամբ ավարտելով առաջադրանքը, ջոկատը դեսանտ է իջեցնում Ին Յանին և չինացի գործարարին Չինաստանում, ինչից հետո վերադառնում է տուն՝ Նյու Յորք։

Նյու Յորք ժամանելուց հետո «Անզսպելիները» կանգ են առնում բարում, որտեղ նշում են առաքելության հաջող ավարտը։ Բիլլին հայտնում է Բարնիին շուտով հրաժարական տալու մտադրության մասին, որպեսզի ավելի շատ ժամանակ տրամադրի իր ընկերուհուն՝ Սոֆիային։ Ավելի ուշ, հանդիպելով կենտրոնական հետախուզական վարչության գործակալ Չերչին, Բարնին ստիպված ընդունում է նրա առաջադրանքը ՝ Ալբանիայում խփված ինքնաթիռում գտնվող գանձարկղից ինչ-որ քեյս ստանալ։  Չերչի պահանջով Բարնիի թիմին է միանում տեխնիկական մասնագետ՝ Մեգի Չենը։

Ժամանելով դեպքի վայր և ստանալով քեյսը, «Անզսպելիները» մրցակից ահաբեկչական ջոկատի դարան են ընկնում («Արյունռուշտներ», անգլ.՝ The Sangs, ֆր.՝ Sanguinaires), որը գլխավորում է ահաբեկիչ Ժան Վիլենը և նրա «աջ ձեռք»՝ Հեկտորը, որը պատանդ է վերցրել Բիլլիին։ Վիլենը զենքի և քեյսի հանձնման դիմաց, նրա կյանքն է առաջարկում , ինչին Բարնին համաձայնություն է տալիս։  Չնայած դրան, Վիլենը դաժանորեն սպանում է Բիլիին, ինչից հետո հեռանում է ուղղաթիռով։  Ջոկատը թաղում է սպանված ընկերոջը՝ նախապես ընթերցելով նրա ընկերուհուն հասցեագրված գրությունը, և որոշում է կայացնում վրեժխնդիր լինել Վիլենից։

Ի զարմանս Բարնիի՝ Մեգին խոստովանում է, որ քեյսի մեջ կա համակարգիչ, որը պարունակում է հինգ տոննա զինագործական պլուտոնիումի տեղակայման ծրագիր, որոնք գտնվում են Ալբանիայի տարածքում գտնվող հանքահորում՝ Սառը պատերազմի ավարտից ի վեր։ «Անզսպելիները» Վիլենի հետևից ուղևորվում են այնտեղ՝ հետևելով նրա գտնվելու վայրը, սակայն անսպասելիորեն ազդանշանն անհետանում է՝ ստիպելով նրանց վայրէջք կատարել մոտակա օդանավարանի մոտ։ Վայրէջք կատարելով, թիմը հասնում է տեղական բարին, որտեղ Բարնին և Քրիսթմասը ծեծկռտուք են ունենում Վիլենի վարձկանների հետ։ Դրանից հետո Քրիսթմասը վերադառնում է ինքնաթիռ, որպեսզի վերցնի զենքը, մինչդեռ մյուսները որոշում են մնալ լքված շենքում՝ գիշերելու համար։ Առավոտյան ջոկատը ենթարկվում է զանգվածային հարձակման, բայց այն պահին, երբ փամփուշտները վերջանում են, և ձախողումը կարծես թե անխուսափելի է, օգնության է գալիս Բարնիի նախկին ընկեր՝ Բուկերը, որը մի ակնթարթում խոչնդոտում է թշնամիներին։ Նախքան հեռանալը, Բուկերը Բարնիին հայտնում է հարևան գյուղի մասին, որի բնակիչները դուրս են եկել Վիլենի դեմ։

Գյուղում «Անզսպելիները» հանդիպում են կանանց զինված խմբին։ Նրանք պատմում են, որ տեղի բնակիչները Վիլենի հանքում օգտագործվում են որպես ստրուկներ, և Բարնիի ջոկատից օգնություն են խնդրում։ Տարակուսվելով՝ Բարնին համաձայնում է խնդրանքին, և երբ Վիլենի մարդիկ գալիս են գյուղ, «Անզսպելիները» հանկարծակի վրա են հասան։ Դրանից հետո նրանք ինքնաթիռով մեկնում են հանք, որտեղ պետք է գտնվի Վիլենը, սակայն նրան այնտեղ չեն հայտնաբերում՝ ականապատելով այն և վերցնելով պլուտոնիումը, Վիլենը կարողացել է փախչել։ Ջոկատն ազատում է ստրկացված հանքափորներին, իսկ Վիլենն այդ ընթացքում ակտիվացնում է դետոնատորները, ինչը հանգեցնում է հանքի փլուզմանը։

«Անզսպելիները» և հանքափորները թակարդում են հայտնվում, բայց շուտով նրանց օգնության են հասնում Թրենչն ու Չերչը։ Նրանց հետ միավորվելով՝ Բարնին ու ջոկատը հանքափորներին վերադարձնում են իրենց ընտանիքներին, իսկ հետո, օգտագործելով ուղղաթիռը, գտնում են դեպի օդանավակայան ուղևորվող Վիլենի մարդկանց։ Օդանավակայանի ներսում, որտեղ կրկին ժամանում է Բուկերը, նրանք ազատվում են հակառակորդներից։ Իրավիճակը ստիպում է Վիլենին և Հեկտորին ցրվել։ Քրիսթմասը հետևում է Հեկտորին, իսկ Բարնին՝ Վիլենին։ Այնուհետև կատաղի պայքարի մեջ են մտնում տղաները և Վիլենը, որի արդյունքում Բարնիին, թեև դժվարությամբ, բայց այնուամենայնիվ, հաջողվում է հաղթահարել Վիլենին՝ դրանով վրեժ լուծել Բիլլիի մահվան համար։

Վերադառնալով ջոկատին՝ Բարնին հրաժեշտ է տալիս Մեգիին, Չերչին, Բուկերին և Թրենչին, որից հետո նրանք հեռանում են օդանավակայանից։ Ի վերջո, Սոֆիային հանձնելով Բիլլիի ծանրոցը, նամակը, լուսանկարն ու փողը, «Անզսպելիները» ուղևորվում են տուն՝ ճանապարհին հարգանքի տուրք մատուցելով նրա հիշատակին։

Դերերում

[խմբագրել | խմբագրել կոդը]
«Անզսպելիները» ջոկատ
[խմբագրել | խմբագրել կոդը]
  • Սիլվեստր Ստալոնե` Բարնի Ռոսս - ջոկատի առաջնորդ
  • Ջեյսոն Սթեյթման` Լի Քրիսթմաս
  • Ջեթ Լի` Ին Յան
  • Դոլֆ Լունդգրեն` Գունար Յենսեն
  • Թերրի Կրյուս` Հեյլա Ցեզար
  • Ռենդի Կուտյուր` Թոլ Ռոուդ
  • Լիամ Հեմս` Բիլլի Թիմոնս

Արտադրություն

[խմբագրել | խմբագրել կոդը]

Գաղափար և նկարահանման խումբ

[խմբագրել | խմբագրել կոդը]

«Անզսպելիները» ֆիլմի շարունակությունը նկարահանելու գաղափարը հայտնել են մինչև օրիգինալ ժապավենի արտադրության ավարտը[28]։ 2009 թվականի հուլիսին, նկարահանման եզրափակիչ փուլի ժամանակ, պրոդյուսեր Ավի Լերները հայտարարեց լիարժեք կինոնկար ստեղծելու մտադրության մասին՝ հաստատելով, որ ֆիլմի երկու սիքվելներն արդեն պլանավորված են[29][30]։ 2010 թվականի օգոստոսին, ֆիլմի ամերիկյան վարձույթում հայտնվելուց քիչ առաջ, ռեժիսոր Սիլվեստր Ստալոնեն, սցենարի համահեղինակ և գլխավոր դերակատարը, պատմել է, որ արդեն ունի հաջորդ ֆիլմի պատրաստի հայեցակարգը, և հայտնել է առաջին ժապավենից արմատապես տարբերվող մի բան նկարահանելու մտադրության մասին, եթե այն իրեն արդարացնի վարձույթում։ «Պատրաստի գաղափար ես արդեն ունեմ։ Մարդիկ կարծում են, որ սիքվել ստեղծելը հեշտ է, բայց դա այդպես չէ, քանի որ անսպասելի տարր է անհրաժեշտ։ Ես կփորձեմ արմատապես նոր բան ստեղծել»։  Հաջորդ տարվա հունվարի վերջին, «Անզսպելիները» ֆիլմի հաջող թողարկումից հետո, որի դրամարկղային հավաքները եռակի գերազանցել են արտադրական բյուջեն, ամրապնդվելով մտածվածը, նա վերջնականապես հայտարարեց երկրորդ ֆիլմի վրա աշխատելու մասին[31][32][33]։

Այնուամենայնիվ, արդեն 2011 թվականի փետրվարի սկզբին սիքվելի վրա աշխատանքը դադարեցվել էր Ստալոնեի մեկ այլ նախագծում զբաղվելու պատճառով[34]։  Այնուհետև մարտին նա հայտարարեց ֆիլմը չռեժիսորելու որոշման մասին ՝ սահմանափակվելով միայն գլխավոր դերակատարմամբ, և սկսեց նոր ռեժիսորի ակտիվ որոնումները ազատված տեղի համար։  Հաջորդ ամիս ԶԼՄ-ները հաղորդել են, որ Ստալոնեն ստիպված կվերադառնա որպես ռեժիսոր, քանի որ այդ պաշտոնին հարմար թեկնածու նրան չի հաջողվել գտնել, սակայն շուտով Սիլվեստրը հերքել է այդ տեղեկությունը[35]։  Ի վերջո, երկու ամիս անց, թափուր պաշտոնի համար որոշվեց Սայմոն Ուեսթին նշանակել, որը հանդիսանում է մի քանի բարձրաբյուջետային նկարների բեմադրիչ (օրինակ ՝ «Լարա Քրոֆթ։ Դամբարաններ թալանողը», «Օդային բանտ», «Գեներալական դուստր»), որի վերջին աշխատանքն այդ պահին «Մեխանիկ» մարտաֆիլմն էր Ջեյսոն Սթեյթեմի գլխավոր դերում[36][37]։  Հարցազրույցում Ուեսթն ասել է. «Ես ուզում էի նկարահանել այս ֆիլմը, քանի որ գիտեի, թե որքան մեծ է հանդիսատեսի համակրանքը դրանում ներգրավված կերպարների նկատմամբ։  Իմ կարծիքով, նրանք սիրել են հերոսներին, քանի որ նրանք, առաջին հերթին, լավ տղաներ են և իրենց գործի պրոֆեսիոնալներ։ Նրանք սուպերհերոսներ չեն։ Նրանց մաշկը չունի անխոցելի հատկություններ։ Նրանք թերություններ ունեն, նրանցից յուրաքանչյուրն իր կյանքում ինչ-որ կերպ սխալներ է գործել։  Մարդիկ կարեկցում են նրանց և կարող են ճանաչել իրենց նրանց կերպարների մեջ»[38]։ Ստալոնեի կերպարները, որոնց բնորոշ են հիմնականում մարդկային որակները, շատ ավելի խարիզմա ունեն, քան անխոցելի սուպերհերոսները[39]։

Ֆիլմի սցենարը մշակել է Սիլվեստր Ստալոնեն և Ռիչարդ Ուենկը, սյուժեի հիման վրա, որը գրել է Ուենկը մյուս երկու հեղինակների՝ Քեն Կաուֆմանի հետ համատեղ՝«Տիեզերական կովբոյներ» և «Վերջին Ռեյդ» ֆիլմերի սցենարների հեղինակ, և Դևիդ Ագոստոն, որի համար կինոնկարին մասնակցելը դարձել է դեբյուտը[40]։ Սցենարի վրա աշխատելուն նախատեսվում էր ներգրավել նաև Չակ Դիքսոնին, «Անզսպելիները» պրիքվել-կոմիքսի հեղինակ, սակայն Ստալոնեի առաջարկը գրողը չընդունեց[19][41][42]։ Բացի այդ, հայտնի է, որ սցենարի վաղ վարկածներից մեկի համաձայն, որը նմանություն ուներ օրիգինալ ժապավենի հետ, ֆիլմի իրադարձություններն ի սկզբանե ենթադրվում էր կենտրոնացնել Տուլայի դստեր՝ Ֆիոնայի վրա, որը հոր սպանությունից հետո առաջադրանքներից մեկի վրա որոշեց սեփական վրեժխնդրությունը, սակայն արդյունքում հայտնվեց անողոք դիկտատորի ձեռքում[43]։

Որպես հիմնական պրոդյուսերներ, որոնք վերահսկում էին ֆիլմի արտադրությունը, ելույթ են ունեցել Ավի Լերները, նրա եղբայր Դենին, Լես Ուելդոնը, ինչպես նաև Քևին Քինգ Թեմփլթոնը, որը դեռևս «Անզսպելիները» շարքից առաջ համագործակցել է Ստալոնեի հետ մի քանի նախագծերի շուրջ։ Գործադիր պրոդյուսերներ են դարձել Գայմոն Քեսեդին, Ջեյսոն Կոնստանտին, Բոազ Դեյվիդսոնը, Դենի Դիմբորտը, Ջոն Ֆելթհայմերը, Բեզիլ Իվանիկը, Էդա Կովան և Թրեվոր Շորթը, համապրոդյուսեր ՝ Ռոբերտ Էրլ, Զիգի Կամասա, Մեթյու Օ ' Թուլ և Ջիբ Պոլեմուս[44]։ Ֆիլմի օպերատորական կազմի համար պատասխանատու է նշանակվել Շելլի Ջոնսոնը, ավելի վաղ «Կապիտան Ամերիկա․ Առաջին վրիժառուն» բլոկբաստերի ստեղծմանը մասնակցած, իսկ մոնտաժային աշխատանքների համար, որի նկատմամբ հսկողությունն իրականացրել են Սիլվեստր Ստալոնեն և Ավի Լերները, հրավիրել են Թոդ Ե.Միլլերին, ով Սայմոն Ուեսթի հետ աշխատել է «Մեխանիկ» ֆիլմի վրա[45][46]։ Փոլ Քրոսը, որն առաջադրվել է 2004 թվականին "Էմմի" մրցանակի, ստանձնել է բեմադրող նկարչի պաշտոնը, իսկ երկրորդ պլանի ռեժիսորն ու հնարքների բեմադրիչը դարձել է Չադ Ստահելսկի — կասկադյորը, որը, բացի առաջին «Անզսպելիները», "Ռեմբո IV" և Ջեյսոն Սթեյթեմի հետ երեք մարտաֆիլմերից, աշխատել է նաև «Մատրիցա» եռերգության վրա[47][48]։

Դերասանական կազմ

[խմբագրել | խմբագրել կոդը]

Ի սկզբանե, 2010 թվականին, ծրագրվում էր, որ Սթիվ Օսթինը՝ Դեն Փեյնի բացասական դերի կատարողը, կվերադառնա սիքվել։  Ավելի ուշ նա դուրս մնաց նախագծից՝ ընտրություն կատարելով «Հերոսի վերադարձը» ֆիլմի օգտին, որին նույնպես նրան չհաջողվեց մասնակցել։  Չառլի Շինը, ինչպես հաղորդվել էր նույն թվականի նոյեմբերի սկզբին, դիտարկվում էր որպես դերասան, որը կմարմնավորի ԿՀՎ գործակալին, որը գնում է Չերչի հետքերով[49]։ 2011 թվականի օգոստոսին կատարել դերերից մեկը առաջարկվել է չինացի դերասան և մարտարվեստների վարպետ Դոննի Յենին[50]։ Նրա մասնակցությունը Millennium Films-ի և պոտենցիալ չինացի ներդրողի միջև չկայացած գործընկերային համաձայնագրի պայմաններից մեկն էր, որը կոչված էր հեշտացնել ֆիլմի թողարկումը երկրում և ապահովել առաջին անգամ էլ ավելի մեծը՝ ի տարբերություն եղածի, տեղական վարձույթի շահույթի մի մասը[51]։  Սակայն առաջարկին դերասանը պատասխանել է մերժումով ՝ իրեն վերապահված դերը համարելով «անհետաքրքիր»։  Նախատեսվում էր նաև Ջեքի Չանի հայտնվելը ֆիլմում, որը ստիպված էր հրաժարվել մասնակցությունից իր ռեժիսորական «Աստծո ասպազենք 3։ Չինական կենդանակերպի նշաններ» նախագծում զբաղվածության պատճառով[52]։

2011 թվականի սեպտեմբեր ամիսը նշանավորվեց միանգամից երեք դերասանների մասնակցությամբ ։ Հայտարարվել է, որ էպիզոդիկ դերերում օրիգինալ ֆիլմում հայտնված Առնոլդ Շվարցենեգերն ու Բրյուս Ուիլիսը (որոնցից վերջինին Սիլվեստր Ստալոնեն մեկ տարի առաջ ցանկանում էր տեսնել «չարագործի» կերպարում) կվերադառնան իրենց կերպարներին, ընդ որում նրանց գտնվելու ժամանակը էկրանին էապես կմեծանա։  Նրանց դերասանների թիմին հաջորդը միացավ Լիամ Հեմսվորթը[53]։ Հեմսվորթը պետք է մասնակցեր դեռևս առաջին ֆիլմում, սակայն արտադրությունը սկսելուց քիչ առաջ նրա կերպարը հեռացվել էր սցենարից[54]։  Ավելի ուշ, սիքվելի համար դերասաններ հավաքելիս Սիլվեստր Ստալոնեն կրկին կապվել է նրա հետ և առաջարկել դեր[55]։ Ստալոնեն կերպարին բնութագրել է այսպես. «Առջևում նա մի ամբողջ կյանք ունի, և նա այնքան էլ ցինիկ չէ, որքան թիմի մյուս անդամները։ Բարնի Ռոսը նրա համար հարազատ հայր է։ Նրանք միմյանց հանդեպ մեծ կապվածություն ունեն»։ «Դու դեռ ընտրություն ունես։ Մի դարձիր այնպիսին, ինչպիսին մենք ենք»[54][56]։

Նույն ամսին բանակցություններ էին վարվում Նիկոլաս Քեյջի և Ջոն Տրավոլտայի ֆիլմում մասնակցության վերաբերյալ, որոնց հետ Սայմոն Ուեսթն արդեն աշխատել է «Օդային բանտ» և «Գեներալական դուստր» մարտաֆիլմերում։  Բացի այդ, դերերից մեկն առաջարկվել է Անտոնիո Բանդերասին, ով Սիլվեստր Ստալոնեի հետ նկարահանվել է «Վարձու մարդասպաններ» և «Լրտեսների երեխաները 3։ Խաղն ավարտված է» ֆիլմերում, սակայն դերասանը չի կարողացել պատասխանել համաձայնությամբ` աշխատանքային գրաֆիկի պատճառով[57]։ 2011 թվականի հոկտեմբերին պարզվեց, որ շարունակության մեջ չի հայտնվի Միկի Ռուրկը, որը Տուլա է խաղացել առաջին ֆիլմում, ինչպես հայտնի դարձավ հետագայում, դրա պատճառը դերասանի չափից ավելի բարձր պահանջներն էին հոնորարի վերաբերյալ։  Այնուհետեւ, նոյեմբերին, նախագծին միացել են դերասանուհի Ամանդա Օոմսը, որը հաստատվել է որպես հերոսուհի, որը կոչվում էր Պիլար, կանանց ընդդիմադիր խմբի առաջնորդ ստրկացված գյուղում[58], և Նիկոլետ Նոելը, որը ստացել էր Սոֆիայի դերը։ Հաջորդ ամիս«Անզսպելիները 2»-ի դերասանական կազմը համալրվեց Չակ Նորիսով, որի համար այս ֆիլմը դարձավ առաջինը վեց տարվա ընդմիջումից հետո[59]։  Սիլվեստր Ստալոնեի խոսքով ՝ դերասանին նախագծին հրավիրելը չափազանց հեշտ չէր, շատ ժամանակ է պահանջվել Չակից դրական պատասխան ստանալու համար։ Նա հատուկ ուշադրություն է դարձնում սցենարին և ցանկանում է վստահ լինել, որ նա ստիպված չի լինի նկարահանվել չափազանց արյունոտ ֆիլմում, որը կարող էր ցնցել հանդիսատեսին։ Այդ պատճառով, երբ նա իմացավ, որ սցենարում շեշտը դրվում է ավելի շատ արկածային բաղադրիչի վրա, քան արյունալի սպանդին, ապա անմիջապես համաձայնեց։  Նորիսի կերպարը ՝ «Միայնակ գայլ» մականունով Բուկերը, հղում է կատարում նրա մասնակցությամբ մյուս երկու մարտաֆիլմերին՝ «Լավ տղաները սև են հագնվում», որտեղ Նորիսի հերոսը կոչվում էր Ջոն Բուկեր և «Միայնակ գայլ Մակքուեյդը»։

Նկարահանման գործընթաց

[խմբագրել | խմբագրել կոդը]

Ֆիլմի վրա առաջին աշխատանքները, որոնք իրականացվել են միայն կասկադյորների թիմի մասնակցությամբ, սկսվել են 2011 թվականի սեպտեմբերի 23-ին, իսկ հոկտեմբերի 3-ին նկարահանող խումբը սկսել է հիմնական նկարահանումները[60][61][62]։  Նրանց մեծ մասը տեղի է ունեցել Բուլղարիայում ՝ մայրաքաղաք Սոֆիայում nu Boyana Film Studios ստուդիայում ինչպես նաեւ քաղաքներում Պլովդիվ և Բանսկո։ Հիմնական նկարահանման վայրերից էր երկրի մեծությամբ երկրորդ օդանավակայանը ՝ Պլովդիվ օդանավակայանը, որը տեղ էր ծառայում ֆիլմի հագեցած եզրափակիչ մասի նկարահանումների համար[63]։  Նաև նկարահանվել են տեսարաններ ծուղակում գտնվող Դևետաշկա քարանձավում, որտեղ Վիլենի կողմից տոտալիտար ռեժիմի ենթարկված ալբանացի բնակիչները օգտագործվել են որպես ստրուկներ։ Նկարահանումների ընթացքում տրված հարցազրույցներից մեկում Սիլվեստր Ստալոնեն նշել է. «բուլղարական քարանձավները հայտնի են ամբողջ աշխարհում[64]։ Նմանակել նման գեղատեսիլ վայրերը ստուդիայի պայմաններում պարզապես անհնար է։ Քարանձավներն այնքան մեծ են, որ ներսում կարելի է թռչել ինքնաթիռով, ինչով հենց մենք էլ զբաղվում էինք[65]։

Երաժշտություն

[խմբագրել | խմբագրել կոդը]

Ինչպես և առաջին ֆիլմում, սիքվելի երաժշտական ուղեկցության հեղինակ է դարձել կոմպոզիտոր Բրայան Թայլերը, որը հայտնի է բազմաթիվ հաջողակ ժապավենների վրա իր աշխատանքով, այդ թվում ՝ "Ռեմբո IV" - ը, ինչպես նաեւ Marvel կինեմատոգրաֆիական տիեզերքի և «Ֆորսաժ» շարքի ֆիլմերը[66]։ Ալբոմը, որի ժանրը տատանվում է ծանր ռոքից մինչև քանթրի, պարունակում է 14 ստեղծագործություններ, որոնք համատեղում են հարվածային, Էլեկտրոնային և նվագախմբային երաժշտության տարրեր։

Բացի Թայլերի ստեղծագործություններից, ֆիլմում հնչել են Դիոն Դիմուչիի «The Wanderer», Մաք Ռայսի «Mustang Sally», «Crystal Blue Persuasion», Tommy James & the Shondells, Groovin' խմբեր, «A Beautiful Morning» the Rascals, «Rip it Up» Լիթլ Ռիչարդի, «The Good, the Bad and The Ugly» Էնիո Մորիկոնեն և «I Just Want to Celebrate»[66][67]: Ֆիլմում օգտագործվում է նաև «Don' t Want to Fight With Me» ստեղծագործությունը, որը գրվել կատարվել է Սիլվեստր Ստալոնեի կրտսեր եղբայր Ֆրենկ Ստալոնեի կողմից։ Երգը թողարկվել է որպես սինգլ 2012 թվականի օգոստոսի 5-ին և, իր իսկ խոստովանությամբ, գրվել է նրա կողմից երեք օրում[68][69][70]։

The Expendables 2: Original Motion Picture Soundtrack
# Անվանում Տևողություն
1. «The Expendables Return»   4:40
2. «Fists, Knives and Chains»   3:05
3. «Track ’Em, Find ’Em, Kill ’Em»   4:54
4. «Making an Entrance»   4:08
5. «Respect»   3:58
6. «Rest in Pieces»   2:55
7. «Preparations»   3:15
8. «Party Crashers»   5:19
9. «Rescue»   4:43
10. «Countdown»   4:25
11. «Bad Way to Live»   3:41
12. «Vilain»   2:42
13. «Dueling Blades»   4:32
14. «Escape»   4:28
56:45

Գովազդային ընկերություն

[խմբագրել | խմբագրել կոդը]

Առաջին ամբողջական պաստառը՝ «աստղային» դերասանական կազմի պատկերով, ներկայացվել է 2011 թվականի նոյեմբերին[71]։  Դեկտեմբերին Lionsgate ընկերությունը թողարկել է մեկ րոպեանոց թիզեր-թրեյլերը, գործարկվել է ֆիլմի պաշտոնական կայքը, ինչպես նաև ներկայացվել է երկու թիզեր-պաստառ[72][73]։  2012 թվականի հունվարի 11-ին լույս են տեսել ֆիլմի առաջին երկու կադրերը[74], իսկ երրորդը երեք ամիս անց հրապարակվել Entertainment Weekly ամսագրի ապրիլյան համարում[75]։  Ապրիլի 26-ին թողարկվել են «Անզսպելիները» ջոկատի, Ժան Վիլենի, ինչպես նաև Մեգի Չենի, Բուկերի, Չերչի և Թրենչի նկարներով տասներկու անհատական պաստառներ, մինչդեռ Հեկտորի համար պաստառը ներկայացվել է տասնմեկ օր ուշ[76]։  Մայիսի 3-ին IGN ինտերնետ-պորտալում տեղի ունեցավ լիարժեք թրեյլերի պաշտոնական պրեմիերան[77], որն առաջին անգամ ցուցադրվել է ութ օր առաջ Լաս Վեգասում CinemaCon փառատոնի փակ ցուցադրության շրջանակներում[78][79]։  Ամսվա վերջին՝ մայիսի 31-ին, թողարկվել է առաջին հեռուստատեսային տեսահոլովակը[80], իսկ հունիսի 4-ից օգոստոսի 2-ը՝ երեք այլ տեսահոլովակներ[81][82][83]

Արտաքին հղումներ

[խմբագրել | խմբագրել կոդը]

Ծանոթագրություններ

[խմբագրել | խմբագրել կոդը]
  1. ↑ http://www.nytimes.com/2014/01/24/movies/enemies-closer-stars-a-ruthless-jean-claude-van-damme.html?_r=0
  2. ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 2,14 http://www.imdb.com/title/tt1764651/
  3. ↑ http://www.allocine.fr/film/fichefilm_gen_cfilm=186189.html
  4. ↑ 4,0 4,1 The Expendables 2 — 1990.
  5. ↑ The Expendables 2 (իտալ.)
  6. ↑ The Expendables 2 — 2001.
  7. ↑ The Expendables 2 — 1990.
  8. ↑ http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx
  9. ↑ Los mercenarios 2 // FilmAffinity — FilmAffinity, 2002.
  10. ↑ The Expendables 2 — IMDb.
  11. ↑ I Mercenari 2 (իտալ.) // Cinematografo
  12. ↑ 12,0 12,1 12,2 12,3 https://www.siamzone.com/movie/m/6479
  13. ↑ 13,00 13,01 13,02 13,03 13,04 13,05 13,06 13,07 13,08 13,09 13,10 13,11 13,12 13,13 13,14 http://www.filmaffinity.com/es/film431343.html
  14. ↑ 14,00 14,01 14,02 14,03 14,04 14,05 14,06 14,07 14,08 14,09 14,10 14,11 14,12 14,13 14,14 http://www.cinematografo.it/cinedatabase/film/i-mercenari-2---the-expendables/54823/
  15. ↑ http://www.imdb.com/title/tt1764651/fullcredits
  16. ↑ 16,0 16,1 ČSFD (չեխերեն) — 2001.
  17. ↑ http://latimesblogs.latimes.com/entertainmentnewsbuzz/2011/09/on-location-avi-lerner-brings-movie-action-to-bulgaria-studio.html
  18. ↑ http://www.the-numbers.com/movie/Expendables-II-The
  19. ↑ 19,0 19,1 «The Expendables 2 — Official Site». TheExpendables2Film.com. Արխիվացված է օրիգինալից 2012 թ․ հունիսի 19-ին. Վերցված է 2012 թ․ մայիսի 5-ին.
  20. ↑ «Скриншот страницы журнала (700x488)». Première. Արխիվացված օրիգինալից 2012 թ․ դեկտեմբերի 23-ին. Վերցված է 2012 թ․ դեկտեմբերի 19-ին.
  21. ↑ Van Damme, Jean-Claude (2012 թ․ դեկտեմբերի 30). «My Dear Facebook Friends, Many thanks to you and Premiere Magazine!». Facebook. Վերցված է 2012 թ․ դեկտեմբերի 31-ին.
  22. ↑ Alzayat, Dima (2011 թ․ սեպտեմբերի 6). «On Location: Bulgarian studio gets new image under Avi Lerner». Los Angeles Times. Արխիվացված է օրիգինալից 2012 թ․ նոյեմբերի 4-ին. Վերցված է 2012 թ․ փետրվարի 16-ին.
  23. ↑ «THE EXPENDABLES 2». Lionsgate. Վերցված է 2014 թ․ հոկտեմբերի 25-ին.
  24. ↑ «Неудержимые 2». Universal Pictures International (UPI) Russia. Արխիվացված է օրիգինալից 2012 թ․ հոկտեմբերի 3-ին. Վերցված է 2012 թ․ օգոստոսի 31-ին.
  25. ↑ «The Expendables 2 (2012)». Box Office Mojo. Վերցված է 2018 թ․ դեկտեմբերի 24-ին.
  26. ↑ «Октябрь: DVD-релизы месяца». КиноПоиск. Արխիվացված է օրիգինալից 2014 թ․ հոկտեմբերի 6-ին. Վերցված է 2014 թ․ սեպտեմբերի 6-ին.
  27. ↑ «Ноябрь: Blu-Ray-релизы месяца». КиноПоиск. Արխիվացված է օրիգինալից 2014 թ․ օգոստոսի 10-ին. Վերցված է 2014 թ․ սեպտեմբերի 6-ին.
  28. ↑ «"The Expendables" is a Trilogy?». WorstPreviews.com. 2009 թ․ օգոստոսի 19. Արխիվացված է օրիգինալից 2014 թ․ հոկտեմբերի 29-ին. Վերցված է 2014 թ․ հոկտեմբերի 29-ին.
  29. ↑ Fritz, Ben (2010 թ․ օգոստոսի 10). «Stallone: I'm contemplating an 'Expendables' sequel». Los Angeles Times. Արխիվացված օրիգինալից 2013 թ․ հունվարի 11-ին. Վերցված է 2012 թ․ օգոստոսի 26-ին.
  30. ↑ Marino, Mark (2011 թ․ հունվարի 26). «Sylvester Stallone confirms 'Expendables' sequel». CNN. Արխիվացված օրիգինալից 2013 թ․ հունվարի 11-ին. Վերցված է 2012 թ․ փետրվարի 16-ին.
  31. ↑ McNary, Dave (2011 թ․ օգոստոսի 24). «China eyes 'Expendables 2′». Variety. Վերցված է 2014 թ․ հոկտեմբերի 2-ին.
  32. ↑ Ben Fritz, John Horn, Julie Makinen (2012 թ․ հոկտեմբերի 2). «'Expendables 2' beats 'Dark Knight Rises,' 'Spider-Man' in China». Los Angeles Times. Վերցված է 2014 թ․ օգոստոսի 31-ին.{{cite web}}: CS1 սպաս․ բազմաթիվ անուններ: authors list (link)
  33. ↑ Douglas, Edward (2012 թ․ հուլիսի 7). «Exclusive: Why Donnie Yen Passed on Expendables 2». ComingSoon.net. Արխիվացված է օրիգինալից 2012 թ․ օգոստոսի 15-ին. Վերցված է 2014 թ․ սեպտեմբերի 9-ին.
  34. ↑ «Сталлоне сыграет киллера в «Контрольном выстреле»». Film.ru. 2011 թ․ փետրվարի 8. Արխիվացված է օրիգինալից 2012 թ․ հունիսի 19-ին. Վերցված է 2012 թ․ փետրվարի 16-ին.
  35. ↑ Zeitchik, Steven (2011 թ․ մարտի 8). «'The Expendables' aims to come back -- but with Stalllone in a different guise». Los Angeles Times. Արխիվացված օրիգինալից 2013 թ․ հունվարի 11-ին. Վերցված է 2012 թ․ փետրվարի 16-ին.
  36. ↑ Romano, Paul (2011 թ․ ապրիլի 9). «Sylvester Stallone Will Direct The Expendables 2!». ComicBookMovie. Արխիվացված է օրիգինալից 2014 թ․ սեպտեմբերի 7-ին. Վերցված է 2014 թ․ սեպտեմբերի 7-ին.
  37. ↑ Fleming Jr, Mike (2011 թ․ ապրիլի 18). «Sly Stallone: I'm Not Directing 'Expendables' Sequel!». Deadline.com. Արխիվացված օրիգինալից 2012 թ․ հունիսի 19-ին. Վերցված է 2012 թ․ փետրվարի 16-ին.
  38. ↑ Fleming Jr, Mike (2011 թ․ հունիսի 15). «Simon West To Direct 'Expendables 2'». Deadline.com. Արխիվացված օրիգինալից 2012 թ․ հունիսի 19-ին. Վերցված է 2012 թ․ փետրվարի 16-ին.
  39. ↑ Sondergaard, Claudia (2012 թ․ օգոստոսի 17). «Stallone Hands 'Expendables' Reigns to Simon West». The Toonari Post. Արխիվացված է օրիգինալից 2014 թ․ հոկտեմբերի 31-ին. Վերցված է 2014 թ․ հոկտեմբերի 31-ին.
  40. ↑ «Q&A with Chuck Dixon». Dangapotamus.com. 2013 թ․ հուլիսի 1. Արխիվացված է օրիգինալից 2013 թ․ հոկտեմբերի 2-ին. Վերցված է 2014 թ․ հոկտեմբերի 20-ին.
  41. ↑ Andreeva, Nellie (2015 թ․ մարտի 13). «Sylvester Stallone To Produce Fitness Reality Series For NBC». Deadline.com. Վերցված է 2015 թ․ օգոստոսի 27-ին.
  42. ↑ Alexander, Bryan (2015 թ․ ապրիլի 9). «Arnold Schwarzenegger is pushing Stallone to write 'Expendables 4». USA Today. Վերցված է 2015 թ․ օգոստոսի 27-ին.
  43. ↑ Wigler, Josh (2011 թ․ մայիսի 11). «'The Expendables 2′ Plot Synopsis And Promotional Poster Revealed At Cannes». MTV. Արխիվացված է օրիգինալից 2012 թ․ հոկտեմբերի 5-ին. Վերցված է 2014 թ․ հոկտեմբերի 14-ին.
  44. ↑ «Expendables 2 — Sylvester Stallone from the Red Carpet». HitFix. YouTube. 2012 թ․ օգոստոսի 14. Վերցված է 2012 թ․ դեկտեմբերի 28-ին.
  45. ↑ «Jean Claude Van Damme scared of upsetting Stallone over fight scene». Orange. 2012 թ․ օգոստոսի 8. Արխիվացված է օրիգինալից 2012 թ․ հոկտեմբերի 3-ին. Վերցված է 2012 թ․ օգոստոսի 23-ին.
  46. ↑ Truitt, Brian (2012 թ․ օգոստոսի 19). «For Jean-Claude Van Damme, comeback is sweet». USA Today. Արխիվացված է օրիգինալից 2013 թ․ դեկտեմբերի 3-ին. Վերցված է 2015 թ․ մարտի 3-ին.
  47. ↑ «The Expendables (2012) — Full cast and crew». Internet Movie Database. Արխիվացված օրիգինալից 2012 թ․ հոկտեմբերի 4-ին. Վերցված է 2012 թ․ օգոստոսի 28-ին.
  48. ↑ «Today's Quote». Novinite.com. 2011 թ․ սեպտեմբերի 29. Արխիվացված օրիգինալից 2012 թ․ հունիսի 19-ին. Վերցված է 2012 թ․ փետրվարի 16-ին.
  49. ↑ Douglas, Edward (2010 թ․ հոկտեմբերի 3). «Exclusive: Not Even Death Will Stop The Expendables». ComingSoon.net. Արխիվացված օրիգինալից 2012 թ․ հունիսի 19-ին. Վերցված է 2012 թ․ մարտի 21-ին.
  50. ↑ Anderson, Trevor (2011 թ․ օգոստոսի 25). «Steve Austin Out of Expendables 2, Takes The Last Stand with Arnold Schwarzenegger». Movie Mavericks. Վերցված է 2012 թ․ մարտի 21-ին.
  51. ↑ Rawden, Mack (2010 թ․ նոյեմբերի 2). «Charlie Sheen For Expendables 2?». Cinema Blend. Արխիվացված օրիգինալից 2012 թ․ հունիսի 19-ին. Վերցված է 2012 թ․ մարտի 21-ին.
  52. ↑ Bettinger, Brendan (2011 թ․ օգոստոսի 22). «Donnie Yen Offered a Role in THE EXPENDABLES 2». Collider.com. Վերցված է 2014 թ․ սեպտեմբերի 9-ին.
  53. ↑ Sneider, Jeff (2011 թ․ սեպտեմբերի 19). «Liam Hemsworth boards 'Expendables 2'». Variety. Արխիվացված օրիգինալից 2012 թ․ հունիսի 19-ին. Վերցված է 2012 թ․ ապրիլի 15-ին.
  54. ↑ 54,0 54,1 «Sylvester Stallone gets expendable, again». Get Surrey. 2012 թ․ օգոստոսի 15. Վերցված է 2014 թ․ հոկտեմբերի 31-ին.
  55. ↑ Eggertsen, Chris (2012 թ․ մարտի 12). «'The Hunger Games' star Liam Hemsworth talks getting a second chance with 'The Expendables 2'». HitFix. Արխիվացված օրիգինալից 2012 թ․ հոկտեմբերի 3-ին. Վերցված է 2012 թ․ օգոստոսի 29-ին.
  56. ↑ «Lautner passes, Hemsworth joins The Expendables 2». Moviehole. 2011 թ․ սեպտեմբերի 19. Արխիվացված է օրիգինալից 2014 թ․ սեպտեմբերի 7-ին. Վերցված է 2014 թ․ սեպտեմբերի 7-ին.
  57. ↑ «The Expendables 2 (2012) — Trivia». Internet Movie Database. Արխիվացված օրիգինալից 2012 թ․ հունիսի 19-ին. Վերցված է 2012 թ․ մարտի 23-ին.
  58. ↑ Jagernauth, Kevin (2011 թ․ հոկտեմբերի 21). «Antonio Banderas Says He Was Asked To Join 'The Expendables 2' But Didn't Have Time To Fit It In». Indiewire. Արխիվացված է օրիգինալից 2012 թ․ հոկտեմբերի 19-ին. Վերցված է 2014 թ․ հոկտեմբերի 20-ին.
  59. ↑ Fleming Jr, Mike (2011 թ․ սեպտեմբերի 6). «'Expendables 2′ Sets Action Dream Trio: Arnold Schwarzenegger, Bruce Willis Join Sly Stallone». Deadline.com. Արխիվացված օրիգինալից 2012 թ․ հունիսի 19-ին. Վերցված է 2012 թ․ մարտի 2-ին.
  60. ↑ Phillips, Patrick (2011 թ․ սեպտեմբերի 8). «Some New Production Info & A Little More On Travolta». Expendables Premiere. Արխիվացված է օրիգինալից 2012 թ․ հունիսի 19-ին. Վերցված է 2012 թ․ փետրվարի 16-ին.
  61. ↑ Yuskesseliev, Krassimir (2011 թ․ սեպտեմբերի 30). «The boys are back in town for The Expendables 2». The Sofia Echo. Արխիվացված է օրիգինալից 2012 թ․ հունիսի 19-ին. Վերցված է 2012 թ․ փետրվարի 16-ին.
  62. ↑ Hill-Buxton, Ashleigh (2011 թ․ հոկտեմբերի 8). «Schwarzenegger starts filming Expendables 2 next week». Moviehole. Արխիվացված է օրիգինալից 2012 թ․ ապրիլի 9-ին. Վերցված է 2012 թ․ փետրվարի 16-ին.
  63. ↑ Barr, Jason (2010 թ․ օգոստոսի 29). «Sylvester Stallone Wants Bruce Willis to Play a "Super Villain" in THE EXPENDABLES Sequel». Collider.com. Արխիվացված օրիգինալից 2012 թ․ հունիսի 19-ին. Վերցված է 2012 թ․ ապրիլի 11-ին.
  64. ↑ Броварник, Игорь (2011 թ․ հոկտեմբերի 10). «Арнольд Шварценеггер, Чак Норрис и Джейсон Стэтхэм прибыли в Софию для участия в съёмках фильма «Неудержимые-2»». ИТАР-ТАСС. Արխիվացված օրիգինալից 2012 թ․ հունիսի 19-ին. Վերցված է 2012 թ․ մարտի 3-ին.
  65. ↑ «COMIC-CON: 'CZ12' AND THE LEGACY OF JACKIE CHAN». Entertainment Weekly. 2012 թ․ հուլիսի 13. Արխիվացված է օրիգինալից 2014 թ․ սեպտեմբերի 7-ին. Վերցված է 2014 թ․ սեպտեմբերի 7-ին.
  66. ↑ 66,0 66,1 «Music — The Expendables 2 (Original Motion Picture Soundtrack) by Brian Tyler». iTunes Store. Արխիվացված օրիգինալից 2012 թ․ օգոստոսի 19-ին. Վերցված է 2012 թ․ օգոստոսի 11-ին.
  67. ↑ «Brian Tyler: The Expendables 2: Music». Amazon.com. Արխիվացված օրիգինալից 2012 թ․ հոկտեմբերի 3-ին. Վերցված է 2012 թ․ օգոստոսի 31-ին.
  68. ↑ «Cliff Martinez and Top Composers Honored at the 2013 BMI Film & TV Awards». Broadcast Music, Inc. 2013 թ․ մայիսի 16. Վերցված է 2014 թ․ նոյեմբերի 30-ին.
  69. ↑ «Music — Don't Want to Fight With Me (From the Motion Picture "The Expendables 2") — Single by Frank Stallone». iTunes Store. Վերցված է 2015 թ․ փետրվարի 2-ին.
  70. ↑ Lewis, Shannon (2012 թ․ օգոստոսի 1). «Frank Stallone». Hollywood Music Magazine. Արխիվացված օրիգինալից 2012 թ․ օգոստոսի 19-ին. Վերցված է 2012 թ․ օգոստոսի 12-ին.
  71. ↑ Sztypuljak, David (2011 թ․ նոյեմբերի 21). «The First Poster for The Expendables 2 Features Numerous 80s Hard-Men!». HeyUGuys. Վերցված է 2018 թ․ սեպտեմբերի 12-ին.
  72. ↑ Bettinger, Brendan (2011 թ․ դեկտեմբերի 14). «THE EXPENDABLES 2 Trailer, Poster, Synopsis». Collider.com. Արխիվացված է օրիգինալից 2012 թ․ հունիսի 19-ին. Վերցված է 2012 թ․ փետրվարի 16-ին.
  73. ↑ «First Official Poster for The Expendables 2». ComingSoon.net. 2011 թ․ դեկտեմբերի 16. Արխիվացված է օրիգինալից 2014 թ․ սեպտեմբերի 5-ին. Վերցված է 2014 թ․ սեպտեմբերի 5-ին.
  74. ↑ «Two New Expendables 2 Photos Featuring Yu Nan». ComingSoon.net. 2012 թ․ հունվարի 13. Արխիվացված է օրիգինալից 2014 թ․ սեպտեմբերի 10-ին. Վերցված է 2014 թ․ սեպտեմբերի 9-ին.
  75. ↑ «New Action Shots From Expendables 2, MIB3, G.I. Joe, Spidey and More». ComingSoon.net. 2012 թ․ ապրիլի 15. Արխիվացված է օրիգինալից 2014 թ․ սեպտեմբերի 5-ին. Վերցված է 2014 թ․ սեպտեմբերի 5-ին.
  76. ↑ Smith, Jeremy (2012 թ․ ապրիլի 26). «Ain't It Cool Debuts One Of Twelve New Posters For THE EXPENDABLES 2! Of Course We've Got Sly!». Ain’t It Cool News. Վերցված է 2014 թ․ սեպտեմբերի 5-ին.
  77. ↑ «Dirty Dozen Character Posters». Lionsgate. Facebook. 2012 թ․ մայիսի 7. Վերցված է 2014 թ․ սեպտեմբերի 5-ին.
  78. ↑ «Trailer #2 — The Expendables 2 Video». IGN. 2012 թ․ մայիսի 3. Վերցված է 2014 թ․ սեպտեմբերի 5-ին.
  79. ↑ Trumbore, Dave (2012 թ․ մայիսի 31). «First TV Spot for THE EXPENDABLES 2». Collider.com. Արխիվացված է օրիգինալից 2012 թ․ նոյեմբերի 7-ին. Վերցված է 2014 թ․ սեպտեմբերի 5-ին.
  80. ↑ «CinemaCon 2012: First Look at 'The Expendables 2' Trailer (Brief Description Only)». Latino Review. 2012 թ․ ապրիլի 25. Արխիվացված է օրիգինալից 2012 թ․ հուլիսի 5-ին. Վերցված է 2014 թ․ սեպտեմբերի 5-ին.
  81. ↑ «The Second Spot for The Expendables 2 is Here». ComingSoon.net. 2012 թ․ հունիսի 4. Արխիվացված է օրիգինալից 2014 թ․ հոկտեմբերի 6-ին. Վերցված է 2014 թ․ հոկտեմբերի 5-ին.
  82. ↑ «The Third TV Spot for The Expendables 2 Hits». ComingSoon.net. 2012 թ․ հունիսի 6. Արխիվացված է օրիգինալից 2014 թ․ հոկտեմբերի 6-ին. Վերցված է 2014 թ․ հոկտեմբերի 5-ին.
  83. ↑ «Watch a New TV Spot for The Expendables 2». ComingSoon.net. 2012 թ․ օգոստոսի 2. Արխիվացված է օրիգինալից 2014 թ․ հոկտեմբերի 6-ին. Վերցված է 2014 թ․ հոկտեմբերի 5-ին.
Վիքիպահեստն ունի նյութեր, որոնք վերաբերում են «Անզսպելիները 2» հոդվածին։
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Անզսպելիները_2&oldid=10024103» էջից