Ահմեդ Սեկու Տուրե (ծնվել է 9 հունվարի, 1922- 26 մարտի1984), Գվինեայի հանրապետության պետական և քաղաքական գործիչ։ 1952 թվականից՝ Գվինեայի դեմոկրատական կուսակցության (հիմնադիր 1947, 1978 թվականից՝ Գվինեայի պետություն կուսակցություն) գլխավոր քարտուղարը։ 1956-1958 թթ.՝ Ֆրանսիայի Ազգային ժողովի պատգամավոր, 1958 թ. հոկտեմբերից՝ անկախ Գվինեայի պրեզիդենտ, 1958-1972 թթ.՝ նաև կառավարության ղեկավար։ «Ժողովուրդների միջև խաղաղության ամրապնդման համար» միջազգային լենինյան մրցանակ (1961)։ Հեղինակ է Աֆրիկայի ժողովուրդների անկախության պայքարի հարցերի վերաբերյալ բազմաթիվ աշխատությունների, որոնցում հիմնավորվում է Աֆրիկայի երկրների ոչ կապիտալիստական ուղիով զարգացման անհրաժեշտությունը։
2021 թվականի հոկտեմբերին, 1971 թվականի հոկտեմբերյան սպանդի 50 -րդ տարելիցի կապակցությամբ, 70 Գվինեացիների հարազատները, ովքեր մահապատժի ենթարկվեցին Սեկու Տուրեի ռեժիմով, նախագահ Մամադի Դումբույայից խնդրեցին վերականգնում և զոհերի արժանապատիվ հուղարկավորություն։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։
Գվինեա
