Wodźizna
Erscheinungsbild
![](http://upload.wikimedia.org/wikipedia/commons/thumb/c/ca/Lysefjorden_fjord.jpg/220px-Lysefjorden_fjord.jpg)
Wodźizna (tež wody, wodźizny) wopřija cyłu w přirodźe so jewjacu běžatu a stejatu wodu. Wodźizny su do přirodneho kołoběha wody zapřijate.
Wučba nazemskich wodźiznow je hydrologija, kotraž so do wučby nutřkokrajnych wodźiznow (limnologija) a morjow (oceanografija) rozdźěli. Na druhej stronje je hydrogeologija wučba wo podzemskich wodach.
Družiny wodow
[wobdźěłać | žórłowy tekst wobdźěłać]Eksistuja wšelake družiny wodźiznow, ke kotrymž słušeja mjez druhim tež
- fjord – daloko do kraja sahace morjo, kotrež přez glacialnu aktiwitu nasta
- hat – wodźizna, kotraž je mjeńša hač jězor a wot čłowjeka stworjena
- jězor – njemała wodźizna na kraju, zwjetša ze słódkeje wody
- lodowc – wulke nahromadźenje lodu abo zmjerznjenych rěkow, kotrež so jara pomału horu dele pohibuja
- morjo – wulke kopjenje słoneje wody, kotraž je poprawom z oceanom zwjazana abo wulke kopjenje (słoneje wody)
bjez přirodneho wottoka (kaž Kaspiske morjo a Mortwe morjo) – husto so tež synonymnje za ocean wužiwa
- ocean – hłowny dźěl słoneje wody, kotraž něhdźe 71% cyłeho zemskeho powjercha pokryje
- rěčka – mała rěka
- rěka – přirodne a runočarne běžate wodźizny na powjerchu zemje
Někotre geografiske zjawy, kaž wodopady a geisery njeliča so k wodźiznam.
Wotkaz
[wobdźěłać | žórłowy tekst wobdźěłać]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)