William Shakespeare
![](http://upload.wikimedia.org/wikipedia/commons/thumb/3/3c/CHANDOS3.jpg/220px-CHANDOS3.jpg)
William Shakespeare (křćeny 26. apryla 1564 w Stratford upon Avon; † 3. meje 1616 runje tam) bě jendźelski dramatikar, basnik a dźiwadźelnik. Jeho komedije a tragedije słušeja k najwuznamnišim a najhusćišo předstajenym dźiwadłowym krucham swětoweje literatury. Shakespearowy cyłkowny wupłód wobjimuje 38 dramow, 154 sonetow a episke hrónčka.
Jeho wuznam za spisownu rěč je w cyłym swěće připóznaty. Hromadźe z Homerom płaći jako najwuznamniši spisowaćel literarnych stawiznow a z 2 do 4 miliardami předatych eksemplarow najwuspěšniši awtor wšěch časow. Wjacore kruchi buchu tež hižo w serbskej rěči předstajene. Charakteristiska je mnohotosć jeho rěče, wot najnišeje wobchadneje rěče hač k najwyšej dwórnej rěči.
Nimo pisanja bě Shakespeare wuspěšny dźiwadłowy předewzaćel w Londonje a mějićel tamnišeho Globe Theatre.
Spisy
[wobdźěłać | žórłowy tekst wobdźěłać]K najznaćišim Shakespearowym krucham słušeja tragedije „Romeo a Julia“ (Romeo and Juliet, 1595), „Hamlet“ (Hamlet, Prince of Denmark, wokoło 1601), „Kral Lear“ (King Lear, 1605) a „Macbeth“ (1608) kaž tež komedije kaž „Štožkuli chceće“ (Twelfth Night or What You Will, 1601), „Són lětnjeje nocy“ (A Midsummer Night’s Dream, 1595/96) a „Skludźenje so spjećowaceje“ (The Taming of the Shrew, 1594).
Wotkazy
[wobdźěłać | žórłowy tekst wobdźěłać]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- William Shakespeare – Literatura w katalogu Němskeje narodneje biblioteki (němsce)
- Shakespearowe teksty pola Wikisource (němsce)