Třěcha
![](http://upload.wikimedia.org/wikipedia/commons/thumb/5/58/Churches_in_Olomouc.jpg/250px-Churches_in_Olomouc.jpg)
Třěcha (prasłowjansce *strěcha) je hornje wotmjezowanje, kotrež škita twarjenje před wliwami wobswěta kaž su to na př. spadki (dešć, sněh, krupy), dopromjenjowanje słónca, próch a wětr.
Hłownje rozeznawa so mjez płonymi a nahłymi resp. ćopłymi a zymnymi třěchami.
Forma třěchi
[wobdźěłać | žórłowy tekst wobdźěłać]Třěchi móžeja so tež po swojej formje klasifikować. Konkretnu formu postajeja kózły. Někotre formy třěchow su:
- płona třěcha
- nahła třěcha
- pultowa třěcha
- sedłowa třěcha
- walbowa třěcha
- mansardowa třěcha
- stanowa třěcha
Zo by třěcha swoju funkciju wukonjeć móhła, dyrbi so zakryć. K tomu móžeja so wšelake materialije wužiwać:
![](http://upload.wikimedia.org/wikipedia/commons/thumb/0/02/Svidnik_skansen_house_01.jpg/250px-Svidnik_skansen_house_01.jpg)
- třěšne cyhele
- třěšne kamjenje (z betona)
- přirodne kamjenje (na př. šćěpjel)
- metal
- słoma
- drjewo
- kumštna maćizna
Dźěle třěchi
[wobdźěłać | žórłowy tekst wobdźěłać]![](http://upload.wikimedia.org/wikipedia/commons/thumb/7/73/Trecha_dzele.jpg/250px-Trecha_dzele.jpg)
Třěcha wobsteji we hłownym z nošaceje konstrukcije kózły a kryća třěchi.
Skap je delnja, padoruna hrana třěšneje płoniny. Zwjetša připrawi so tu lijawa.
Hornja, najwyša wodoruna hrana je ponošk.
Při swislach zwjazujetej so skap a ponošk přez ortgang (serbske słowo pytane!), kotryž twori hornju hranu (kromu) swislowych sćěnow.
Kromy, na kotrychž zetkatej so dwě třěšnej płoninje mjenuja so hrany jeli pokazuja won, a (třěšne) žłoby, pokazuja-li nutř.
![](http://upload.wikimedia.org/wikipedia/commons/thumb/a/a2/Dzele_trechi.jpg/150px-Dzele_trechi.jpg)