Oka
Ока | |
![]() Wuliw Oki do Wolgi w Nižnym Nowgorodźe | |
ćeče přez | Rusku |
žórło | južnje Orjola (52° 21′ 54″ S, 36° 13′ 9″ W52.36536.219166666667 ) |
wysokosć | 226 m |
wuliw | w Nižnym Nowgorodźe do Wolgi (56° 19′ 55″ S, 43° 58′ 53″ W56.33194444444443.981388888889Koordinaty: 56° 19′ 55″ S, 43° 58′ 53″ W ) |
wysokosć | 67 m |
spad rěki | 0,11 m/km |
mórski basenk | Kaspiske morjo |
rěčina | Wolga |
dołhosć | 1480 km |
přestrjeń rěčiny | 245.000 km² |
Oka (rusce Ока) je 1480 kilometrow dołhi prawy přitok Wolgi w europskim dźělu Ruskeje. Rěka je najwjetši prawy a po Kamje cyłkownje druhi najwjetši přitok Wolgi kaž tež wosma najdlěša rěka w cyłej Europje. Jeje přitočnišćo wobjimuje 245.000 km².
Wona běži přez ruske oblasće Orjol, Tula, Kaluga, Moskwa, Rjazań, Wladimir a Nižny Nowgorod.
Běh
[wobdźěłać | žórłowy tekst wobdźěłać]Wona wužórli so na Srjedźoruskej plaće južnje Orjola a běži najprjedy do sewjerneho směra přez Orjolsku, Tulsku a Kalužsku oblasć. Krótko před městom Kaluga a za wuliwom Ugry wobroći so do wuchoda a běži do Moskowskeje oblasće, hdźež přijimuje blisko Kolomny wodu Moskwy. Dale běži – zdźěla we wulkich meandrach do wuchodneho směra přez Rjazansku oblasć a město Rjazań same. We wulkoměsće Nižny Nowgorod wuliwa so po nimale 1500 kilometrach wotprawa do Wolgi.
Rěka je dźěl syće ruskich wodowych pućow a na dołhosći wot 1200 kilometrow pławna. Wjacore přepławy niže wuliwa Moskwy zmóžnja łódźnistwo mjez Moskwu a Wolgu tež při niłkej wodźe. Hač do 1960tych lět běše Oka při nalětnjej wulkej wodźe samo hač do Orjola pławna.
Wobrazy
[wobdźěłać | žórłowy tekst wobdźěłać]-
Oka w Kaluze
-
W klóšterskim městačku Muroma
-
Blisko Konstantinowa w Rjazanskej oblasći
-
Rěka a krjeml w Nižnym Nowgorodźe
Wotkaz
[wobdźěłać | žórłowy tekst wobdźěłać]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)