Llanfairpwllgwyngyllgogerychwyrndrobwllllantysiliogogogoch
| ||
Zakładne daty | ||
---|---|---|
stat | ![]() | |
kraj | ![]() | |
Principal Area | Anglesey | |
wobydlerstwo | 3.107 (2011) | |
předwólba | (+) 01248 | |
![](http://upload.wikimedia.org/wikipedia/commons/thumb/0/04/Llanfair_PG_railway_station_sign.jpg/220px-Llanfair_PG_railway_station_sign.jpg)
Llanfairpwllgwyngyllgogerychwyrndrobwllllantysiliogogogoch ? / i (wurěkowanje: [ˌɬan.ˈvair.puɬ.ɡwɪn.ɡɘɬ.ɡo.ˌɡe.rɪ.ˌχwɪrn.ˌdro.buɬ.ˌɬan.tɘ.ˈsi.lio.ˌɡo.ɡo.ˈɡoːχ]) je gmejna w juhu kupy Anglesey w hrabinstwje ze samsnym mjenom w sewjerozapadźe Waliziskeje. W lěće 2001 měješe wona 3.040 wobydlerjow.[1]
Wjesne mjeno
[wobdźěłać | žórłowy tekst wobdźěłać]Poprawne mjeno waliziskeje wjeski běše jenož Llanfair Pwllgwyngyll. W 19. lětstotku je sebi pak jedyn šewc tute jazykłamate hrónčko wumyslił, zo by wikowanje w tehdyšej wjesce atraktiwniše było. Nimo toho chcyše wón železniske towarstwo k tomu pohnuwać, na hłownej železniskej čarje London–Manchester–Holyhead dwórnišćo zarjadować. Z walizišćiny pochadźace mjeno woznamjenja:
„Cyrkej swj. Marije (Llanfair) w dole (pwll) běłych lěskow (gwyn gyll) při (ger) spěšnym kužole (chwyrn drobwll) a cyrkwje swj. Thysilioa (llantysilio) při čerwjenej prózdnjeńcy (ogo goch).“
Z 58 pismikami ma wjeska najdlěše hamtske wjesne mjeno w Europje. Po přemjenowanju wuwi so sydlišćo k najznaćišej wjesce we Walesu a wažnym cilej turistow. Mjeno so husto z Llanfair PG, Llanfair abo Llanfairpwllgwyngyll wotkrótši, při čimž Walizojo wjesku přewažnje Llanfairpwll abo jednorišo Llanfair („St. Mary's“) a Jendźelčenjo wjesku Gogogoch mjenuja.
Žórła
[wobdźěłać | žórłowy tekst wobdźěłać]- ↑ Office for National Statistics. Wotwołana 30. septembra 2013. (jendź.)
Wotkazy
[wobdźěłać | žórłowy tekst wobdźěłać]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Oficialne webstrony (jendź.)