Hawaii
![]() |
![]() |
hesło: Ua Mau ke Ea o ka ʻĀina i ka Pono | |
přimjeno: Aloha State | |
Zakładne daty | |
---|---|
stolica | Honolulu |
přestrjeń | 28.313 km² |
wobydlerstwo | 1.431.603 (1. jul 2015)[1] |
hustosć | 51 wob. na km² |
časowe pasmo | UTC–10 (HAST) |
Politika | |
guwerner | David Ige (Dem.) |
přistup do unije | 21. awgusta 1959 |
![]() | |
![]() | |
Přehladna karta zwjazkoweho stata | |
Hawaii je US-ameriski zwjazkowy stat, kotryž wobsteji z 2400 kilometrow dołheho rjećaza kupow wosrjedź Ćicheho oceana, něhdźe 6000 kilometrow wot kaliforniskeho pobrjoha. Ma něhdźe 1,4 miliony wobydlerjow na přestrjeni wot 28.000 kwadratnych kilometrow. Stolica a z 337.000 wobydlerjemi zdobom najwjetše město je Honolulu na třećej najwjetšej kupje Oʻahu. Hawaii słuša do kulturneho ruma Polyneziskeje a hawaiišćina je polyneziska rěč a jako tajka přiwuzna na přikład z maorišćinu.
Stat Hawaii wobsteji z wósom wjetšich a mnoho mjeńšich kupow wulkaniskeho pochada. Najwyši dypk je wulkan Mauna Kea („Běła hora“) na najwjetšej kupje Hawai'i (4.205 m), kotraž je zdobom najwyša hora na zemi, wot podmorja ličene (něhdźe 10.000 m).
Hawaii přiwza so hakle 21. awgusta 1959 jako 50. a dotal posledni stat do unije a ma přimjeno Aloha State po znatym hawaiiskim postrowjenju. Prjedy bě Hawaii z njewotwisnym kralestwom a potom wot 1894 do 1898 z republiku. W lěće 1898 bu wot Zjednoćenych statow anektowany.
W lěće 2008 rěčeše 75 % wobydlerstwa doma jenož jendźelsce. Najwjetše mjeńšinowe rěče běchu Tagalog (5,4 %, japanšćina (5 %) a Ilokano (4 %). Jenož 1,7 % – wokoło 24.000 ludźi – rěčeše hawaiisce; hawaiišćina je pak nimo jendźelšćiny z druhej hamtskej rěču.
Wobrazy
[wobdźěłać | žórłowy tekst wobdźěłać]-
Satelitowy wobraz Hawaiija
-
Mórske nopawy na kupje O'ahu
-
Hanauma Bay na O'ahu
-
Hawaiiska stolica Honolulu
-
Wopon něhdyšeho kralestwa Hawaii
Žórła
[wobdźěłać | žórłowy tekst wobdźěłać]Wotkazaj
[wobdźěłać | žórłowy tekst wobdźěłać]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Oficielne webstrony (jendź.)
Alabama | Alaska | Arizona | Arkansas | Colorado | Connecticut | Delaware | Florida | Georgia | Hawaii | Idaho | Illinois | Indiana | Iowa | Kaliforniska | Kansas | Kentucky | Louisiana | Maine | Maryland | Massachusetts | Michigan | Minnesota | Mississippi | Missouri | Montana | Nebraska | Nevada | New Hampshire | New Jersey | New Mexico | New York | North Carolina | North Dakota | Ohio | Oklahoma | Oregon | Pennsylvania | Rhode Island | South Carolina | South Dakota | Tennessee | Texas | Utah | Vermont | Virginia | Washington | West Virginia | Wisconsin | Wyoming
Zwjazkowy distrikt
Wonkowne teritorije
Ameriska Samoa | Knježniske kupy | Bakerowa kupa | Guam | Howlandowa kupa | Jarvisowa kupa | Johnstonowa kupa | Kingmanowy riff | Midwayske kupy | Navassa | Sewjerne Mariany | Palmyra | Puerto Rico | Wake