Hórka
Wopon | ||
---|---|---|
| ||
Zakładne daty | ||
stat | ![]() | |
zwjazkowy kraj | ![]() | |
wokrjes | Zhorjelski | |
wysokosć | 164 metrow n.m.hł. | |
přestrjeń | 41,01 km² | |
wobydlerstwo | 1.644 (31. dec 2023)[1] | |
hustosć zasydlenja | 40 wob. na km² | |
póstowe čisło | 02923 | |
předwólba | (+49) 035892 | |
awtowa značka | GR, LÖB, NOL, NY, WSW, ZI | |
Politika a zarjadnistwo | ||
wjesnjanosta | Christoph Biele (CDU) | |
adresa | Am Gemeindeamt 2 02923 Horka | |
webstrona | horka.de | |
Połoženje Hórki w Sakskej | ||
![]() | ||
wikidata: Hórka (Q506156)
|
Hórka (tež Dołha Hórka; němsce Horka) je hornjołužiska wjes a gmejna w sakskim wokrjesu Zhorjelc. Leži 164 m nad mórskej hładźinu a ma wokoło 1900 wobydlerjow. K Hórce słušatej wjesce Běhany a Mückenhain.
Geografija
[wobdźěłać | žórłowy tekst wobdźěłać]Něhdźe pjeć kilometrow dołhi dróhowc Hórka nadeńdźe so podłu Běłeho Šepca we wuchodnym dźělu Hornjeje Łužicy na poł puću mjez Niskej na zapadźe a Rózborkom na sewjerowuchodźe. Susodne wsy su Husmanecy na sewjeru, Geheege na sewjerowuchodźe, kaž tež Hórčanskej gmejnskej dźělej Běhany na wuchodźe a Mückenhain na juhu.
Stawizny
[wobdźěłać | žórłowy tekst wobdźěłać]![](http://upload.wikimedia.org/wikipedia/commons/thumb/d/d4/Horka_Wehrkirche.jpg/220px-Horka_Wehrkirche.jpg)
Wjes naspomni so prěni raz pisomnje w lěće 1305, tehdy hižo pod dźensnišim mjenom. 1553 mjenowaše so wjeska Teutzschen Horrcka („Němska Hórka“). Po Wienskim kongresu přeńdźe wjes ze Sakskeje do pruskeho knježerstwoweho wobwoda Lěhnica w Šleskej. Hač do lěta 1929 běchu wjesne dźěle Delnja, Srjedźna a Hornja Hórka ze swojimi třomi ryćerkubłami samostatne gmejny, kotrež so potom zjednoćichu.[2]
Na Hórčanskim dwórnišćo zhromadźi so dnja 22. nowembra 1880 jědnaće serbskich fararjow pruskeje Hornjeje Łužicy na załoženskej zhromadźiznje Konferency serbskich duchownych. Přitomni běchu fararjo Wjelan ze Slepoho, Bergan z Wulkich Zdźar, Delank z Chrjebje, Finger z Łuća, Kurink z Łaza, Rjeda z Mužakowa, Renč z Klětnoho, Ryćer z Delnjeho Wujězda, Šichold z Wochoz, Tešnaŕ z Niedy a Wieder z Wojerec.[3]
W běhu nacionalsocialistiskeho přemjenowanja serbskich wjesnych mjenow dósta Hórka w lěće 1936 nowe němske mjeno Wehrkirch, kotrež měješe so poćahować na staru cyrkej we wsy. Po wójnje spjećowaše so gmejnska rada drje přećiwo dalšemu přemjenowanju, njebě pak wuspěšna, tak zo rěka wjes wot 1947 znowa Horka.
Wobchad
[wobdźěłać | žórłowy tekst wobdźěłać]Hórka je železniske křižowanišćo wuznamnych železniskich čarow. Ze sewjera do juha wjedźe přez Hórku železniska čara Berlin-Zhorjelc a z wuchoda do zapada wjedźe přez Hórku železniska čara Węgliniec–Falkenberg. We wosobowym wobchadźe wobsteja zwiski do Zhorjelca, Choćebuza a Wojerec.
Najbliša awtodróha je zwjazkowa awtodróha 4, kotra wjedźe ze zapada do wuchoda někak pjeć kilometrow južnje Hórki. Zapadnje Hórki wjedźe přez Nisku zwjazkowa dróha 115.
Politika
[wobdźěłać | žórłowy tekst wobdźěłać]Gmejna słuša k sakskemu wólbnemu wokrjesej 57 (Zhorjelc 1) a k zwjazkowemu wólbnemu wokrjesej 157 (Zhorjelc).
Žórła
[wobdźěłać | žórłowy tekst wobdźěłać]- ↑ Aktualne ličby wobydlerstwa po gmejnach 2023; Statistiski krajny zarjad Sakskeje
- ↑ Hórka w Digitalnym stawizniskim zapisu městnow Sakskeje (němsce)
- ↑ Spominamy. W: Pomhaj Bóh 11/2020, str. 8
Wotkaz
[wobdźěłać | žórłowy tekst wobdźěłać]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Bejerecy | Bjenadźicy | Bertsdorf-Hörnitz | Běła Woda | Dźěwin | Habrachćicy-Nowe Jěžercy | Hainewalde | Hamor | Hórka | Chrjebja-Nowa Wjes | Jabłońc | Jonsdorf | Kodrecy | Kotmar | Kralowski haj | Krušwica | Kwětanecy při jězoru | Lěwałd | Lubij | Lutarjecy | Markoćicy | Mikow | Mittelherwigsdorf | Mužakow | Niska | Nowosólc-Horni Hródk | Nysowa łučina | Ochranow | Olbersdorf | Ojbin | Rěčicy | Rosenbach | Rózbork | Rychbach | Schönau-Berzdorf | Slepo | Suche Hendrichecy | Swóńca | Šepcowy Doł | Šumbach | Trjebin | Vierkirchen | Waldhufen | Wodowe Hendrichecy | Wopaka | Wosečk | Wostrowc | Wódrjeńca | Wulki Šunow | Wuskidź | Wysoka Dubrawa | Zhorjelc | Žitawa