雅虎香港新聞 許光漢王淨歸隊查案《關於我和鬼變成家人的那件事》被Netflix睇中拍外傳劇 《正港警局》︳電影LOL
香港輸出一個劉俊謙喺台灣爆紅，盛產男神嘅台灣就有許光漢喺香港吸引無數女fan，連MIRROR經理人花姐都讚好！許光漢同林柏宏主演嘅台片《關於我和鬼變成家人的那件事》（《鬼家人》）去年喺台灣怒收3億6千幾萬，成為台灣電影本土票房十大作品之一。電影以許光漢飾演嘅警探明翰，因為喺行動中執咗地下一封利是，結果要同飾演鬼魂毛毛嘅林柏宏冥婚。故事有齊警匪、人鬼情、喜劇同動作元素，加埋同志婚姻議題，老土講句「一張票睇到笑」。
《鬼家人》入面，許光漢所屬嘅「正港分局」同事個個三尖八角，令導演程偉豪產生念頭，想將《鬼家人》故事以正港分局為背景衍生新作，拍成荒唐查案喜劇《正港分局》，全體成員再次聚頭，而且亦為電影中王淨飾演嘅林子晴後來發展有個交代。
至於另一男主角林柏宏，程偉豪認為《鬼家人》電影入面，林飾演嘅鬼魂毛毛已經有最圓滿嘅結局，因此《正港分局》故事設定喺《鬼家人》中明翰同毛毛經歷連串事情後嘅時空，明翰重返崗位帶住班伙記緝兇。冇咗林柏宏﹐許光漢將會同王淨有唔少嘅對手戲，仲要係一見面就互鬧。
《鬼家人》做緊後期嘅時候，導演決定開發《正港分局》劇本，而《鬼》2022年喺金馬影展首映前後，《正港分局》已經開工拍攝，並喺《鬼家人》上畫前拍好。《鬼家人》嘅成績令《正港分局》被Netflix睇中，將會喺8月22日上架。
更多電影文章
玩轉腦朋友2／全謊位登月／DDDD惡魔的破壞 前章︳電影LOL 今期睇咩戲
居然唔太得人驚嘅殭屍片？《人道主義吸血鬼徵求自願獻身者》︳電影LOL
《孤獨的美食家》拍電影版 松重豊自編自導自演 五郎由日本食到去法蘭西？︳電影LOL
《長腿Longlegs》被譽為近十年最恐怖電影 尼古拉斯基治參考阿媽演殺人狂︳電影LOL
《穿Prada的惡魔》傳拍續集 當年助手變金主 霸氣阿姐點對付？︳電影LOL
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
