雅虎香港財經 結業潮｜黃傑龍預告下月關閉牛角等4分店 籲行家勿過分死頂輸身家 「執笠並不光榮但不一定可恥」
自疫後通關掀起一股北上消費潮，香港本地餐飲越來越難做，大小品牌不少傳出結業消息。 敘福樓（1978）主席兼行政總裁、稻苗飲食專業學會榮譽會長黃傑龍昨晚（27日）在社交平台上公佈，將於下月關閉4間分店，包括奧海城的牛角及牛涮鍋MMC，以及淘大的永華日常及牛角次男坊，強調會「負責任地執笠不欠人錢」，又形容「執笠並不光榮但不一定可恥」。
黃傑龍指，「講笑咁講今時今日喺香港，無返三幾間執吓笠都好難同餐飲零售嘅行家做自己人」，坦言「成日聽到光榮結業呢個詞語，其實執笠並不光榮但不一定可恥，最緊要係負責任的執笠，即係唔好欠夥計錢、唔好欠貨客錢，如果可以唔欠業主錢就更加好啦」。他又呼籲同業量力而為，提醒「切勿過分死頂輸身家」。他稱，當將來經營環境有所改善，才會恢復16間分店的數量。
不少網民在慨嘆「集團式都做唔住，自家小本經營嗰啲仲慘」、「真係好難頂」，亦有人表示理解結業做法，指「做生意要識收手止蝕」、「淘大那兩個位，不好做，減一減留返本錢」「保留實力向前走！」等。
另外，由於集團上月引入日本人龍漢堡扒品牌「挽肉と米」，其中環ICF店開業至今仍大受歡迎，每日都仍大排長龍，有網民認為今次結業決定是深思熟慮，「開左兩間新，執四間舊，應該計過數，好過白交租 」。
值得留意的是，有關帖文引起網民熱議，12小時內更收到逾2800個嬲嬲，黃傑龍都忍不住截圖再出一個帖文指「原來Facebook可以gum（咁）玩，幾分鐘特然多了2800，一睇D（啲）名似越南定柬埔寨？ 」
