Bike
![](http://upload.wikimedia.org/wikipedia/commons/thumb/4/41/Left_side_of_Flying_Pigeon.jpg/200px-Left_side_of_Flying_Pigeon.jpg)
Bike, jiske Cycle ,nai to Bicycle bhi bolaa jaae hae, ek chhotaa insaan se chalaawa jaae waala, aur dharti pe chale waala sawaari (vehicle) hae. Isme dui pahiya (wheel) rahe hae jon ki ek frame se jurra rahe hae, ek ke pichhe ek. Bike ke chalaae waala ke cyclist nai to bicyclist bola jaae hae.
Bike ke 19th century me banaawa gais rahaa. 21st century ke suruwaat me, dunia bhar me 1 billion se jaada bike rahaa. Abhi motar se jaada bike hae. Bike ke chalaana aur sab rakam insaan ke transportation se kamtii energy ke kaam me laae hae.[1]
Itihaas
[badlo | source ke badlo]1817 me Germany ke Professor Karl von Drais, dui-phuya waala ek bike ke banais rahaa. Ii lakrri ke banaa rahaa aur isme dui pahiya rahaa. Aage waala pahiya me "handlebars" rahaa jisse bike ke ghumaawa jaae sakat rahaa. Lekin isme koi pedal nai rahaa aur chalaae waala aapan gorr se dharti ke pichhe dhakel ke bike ke aage karat rahaa.
![](http://upload.wikimedia.org/wikipedia/commons/thumb/a/a7/Ordinary_bicycle01.jpg/200px-Ordinary_bicycle01.jpg)
1860s me France me, aage waala pahiya me pedal jorraa gais, lekin iske chalaae me bahut mahinat lagat rahaa. Baad me bike ke puura metal se banaawa gais aur aage waala pahiya ke bahut barraa karaa gais, jisse ki ii bike jorr chale sake. Iske "penny-farthing bicycle" bola jaawat rahaa. Lekin ii bike ke chalaana bahut karraa rahaa aur bike aur uske chalae waala ulte sakat rahin.
1885 me "safety bicycle" ke invent karaa gais rahaa. Isme duuno pahiya ekke size ke rahaa. Iske rake ke khaatir, chalae waala ke khaali aapan gorr ke dharti pe rakkhe ke rahaa. Isme aage waala pahiya se ghumaawa jaawat rahaa aur pichhe waala pahiya me pedal rahaa. Hand-lever brake bhi koi-koi bike me rahaa.
[[1888] me, Scottish inventor, John Boyd Dunlop, hawaa se bharaa tyre ke invent karis, jiske kaaran safety bicycle ke chalaae me aur araam hoe gis. Baad me hand brake ke banaawa gais aur pedal ke ulta ghumaae se bike ke rokaa jaae sakar rahaa. Baad me bike me gear lagaawa gais.
References
[badlo | source ke badlo]- ↑ "Science of Cycling: Human Power". www.exploratorium.edu. p. 1. Retrieved 2007-08-11.