Ireland

Oi-ngì-làn Khiung-fò-koet (Ireland-ngî: Poblacht na hÉireann; Yîn-ngî: Republic of Ireland), thûng-chhṳ̂n Oi-ngì-làn (Ireland-ngî: Éire; Yîn-ngî: Ireland), he yit-ke Êu-chû koet-kâ, Êu-mèn Sṳ̀n-yèn-koet chṳ̂-yit, vi-yî Êu-chû sî Pet-hói ngan ke Oi-ngì-làn tó, yok cham kâi tó nàm-phu ke 5/6 mien-chit. Chhûn yì tûng-pet-phu ke 1/6 mien-chit su̍k-yî Yîn-koet, chhṳ̂n pet Oi-ngì-làn. Sú-tû vi-yî Oi-ngì-làn tó tûng-phu ke Tû-pak-lìm. Oi-ngì-làn chhai 2011-ngièn khiung kie yû 458 van-ngìn-khiéu, he yit-ke Ngi-fi Khiung-fò chṳ koet-kâ. Chhṳ́-ngoi Oi-ngì-làn ya-he Êu-chû lièn-mèn, Êu-chû lî-sṳ-fi, kîn-chi ha̍p-chok lâu fat-chán, sṳ-kie mo-yi chû-chṳt fò Lièn-ha̍p-koet chû-chṳt ke sṳ̀n-yèn.

Oi-ngì-làn Khiung-fò-koet sṳ̀n-li̍p yî 1922-ngièn ke Oi-ngì-làn Chhṳ-yù pâng, kiet-suk liáu Thai-Yîn Ti-koet ke thúng-chhṳ, thu̍k-li̍p chan-châng heu chhiâm-thin liáu Yîn oi thiàu-yok, Oi-ngì-làn thu̍k-li̍p, than tûng-pet-fông ke ke liâng-thú sién-tho̍k ki-sa liù chhai lièn-ha̍p Vòng-koet nui, hìn-sṳ̀n liáu pet Oi-ngì-làn.

Hièn-fap kûi-thin koet miàng vì Oi-ngì-làn, than-he liá-ke miàng-sṳ chhai ngoi-kâu sông yû sṳ̀-hèu yû châng-ngi, fap-thin yî Oi-ngì-làn Khiung-fò-koet (Ireland-ngî: Poblacht na hÉireann) lòi ki shu̍t koet-kâ.