Wu Cheng'en

Wu Cheng'en
Enmyn elley	Sheenish Aashagh: 射阳山人; Sheenish Hradishoonagh: 射陽山人; pinyin: Shèyáng shān​rén; fockle son fockle"Fer lomarcan Shèyáng"
Ruggit	1500, 1504 Huai'an (en)
Hooar baase	1582 Shanyang County (en)
Seyraanaght	reeraghtys Ming
Çhengey	Çhengaghyn Sheenagh
Keird	feelee · screeudeyr · penneyr · scholar (en)
Mie er enney son	Xī Yóu Jì
Credjue	Buddhaghys
Kianglaghyn fysseree as sheshoil
IMDb	nm1063158

Ta Sheenish 'syn art shoh. Mannagh vel jargaght jannoo screeu crampit ec y cho-earrooder ayd, foddee dy vaik uss cowraghyn feyshtey, kishtaghyn, ny cowraghyn elley ayns ynnyd ny Hànzì.

Shoh ennym Sheenagh; she Wu eh y sliennoo.

Cur magh leah caslyssagh Xī Yóu Jì

She noaskeealagh as bard y reeraghtys Ming va Wu Cheng'en (Sheenish Aashagh: 吴承恩; Sheenish Hradishoonagh: 吳承恩; pinyin: Wú Chéng'ēn; ennym cooyrtoilid Sheenish Aashagh: 汝忠). T'eh share er enney myr ughtar cosoylagh Xī Yóu Jì (Jurnaa Sheear), fer jeh Kiare Ard-Noaskeealyn Classicagh lettyraght Heenagh.

Bea-skeeal

Va Wu ruggit ayns Lianshui, ayns queiggey Jiangsu, as darree eh dys Huaian. Va ayr Wu's, mie-ynsit as scoillaragh agh dobbyr eh myr keirdagh er coontey stayd argidoil y lught-thie. Ny yei shen, v'eh "currit da lettyraght" as haink yn anaase cheddin er e vac er son lettyraght as skeealyn. Hie Wu Cheng'en fo'n scrutaght impiroil ymmodee keayrtyn dys çheet dy ve ny mandarin (oikagh impiroil) agh cha daink eh lesh. Rish mean eash, ghow eh entreilys ayns ollooscoill impiroil Nanjing as çheet dy ve ny vandarin ayns Beijing as Changxing agh cha by vie lesh yn obbyr, as dirree ass eh. S'cosoylagh dy cheau eh e vea 'sy valley dooghys echey liorish screeu skeealyn as daanyn. Haink eh dy ve ny screeudeyr mie bardaght as skeealaght, as ren eh caarjyn jeh ymmodee ughtaryn ny h-eash. V'eh boght cour e vea, as cha row clein erbee echey; cheau eh ram jeh'n vea echey myr fer lomarcan.

Obbyr

Xi You Ji

Duillag jeh cur magh s'leaie er enney Xī Yóu Jì, ayns clou block foiee.

Ta Wu share er enney er son y skeeal Xī Yóu Jì, fer jeh Kiare Ard-Noaskeealyn Classicagh lettyraght Heenagh. T'ad credjal dy nee eshyn hug magh yn obbyr gyn ennym, er coontey trimmid sheshoil ny h-eash. Rish bea Wu, va beayn ayns lettyraght Heenagh arrish y yannoo er lettyraght chlassicagh Qin, Han as Tang, as screeu ayns Sheenish Chlassicagh. Rish shenn eash, t'ad credjal dy hyndaa eh noi'n troa liorish screeu y noaskeeal Xī Yóu Jì ayns glare ny theay. S'cosoylagh eh dy dug magh eh y noaskeeal gyn enneym er coontey drogh-ennym lettyraght ny theay ec y traa v'ayn. Denmys mooinjer y valley dooie echey eshyn myr yn ushtar dy leah, agh son y chooid smoo v'eh gyn enney rish tree eashyn.

Cha nel firrinaghey fondagh ayn; hie yn obbyr er cur magh gyn ennym, as cha daink Wu er y skeeal ayns obbyr elley erbee. Ta oltscarrey teks as ronsaghey recortyssyn y reeraghtys Qing keeayllaghey dy nee eshyn screeu eh. Ta earisheyr oikoil 1625 ass balley dooie Wu ny enmys myr yn ushtar. Er y laue elley, cha nel mynphoyntyn politickagh ayn harrish ynsaghey y theay, ga dy row Wu ainjyssagh rish rheynnydys as politickaght ny Sheen. Va cooid mooar jeh'n skeeal ry-chlashtyn ayns bea-skeeal, as myr shen, cha s'ain quoid va crooit ec yn ughtar, as quoid va reaghit echey. Ny yei shen, she lhieggan smoo ughtaragh ny skeealyn t'ayn; cha daink rish lhieggan elley erreish da'n noaskeeal ad y haglym as ta Wu goit rish myr yn ughtar son y chooid smoo, ga dy vel ourys ennagh ayn foast.

Obbraghyn elley

Screeu Wu ymmodee daanyn as skeealyn, agh t'ayn chooid smoo jeu caillt ain. Erreish da geddyn baase, ren mooinjer echey çhaglym laue-screeuyn as ad y chur magh myr Laue-screeuyn er mayrn Mnr. Sheyang. Va daanyn echey goit stiagh ayns teihyssyn ny h-eash.

Imraaghyn

• Zhou, Xianshen, "Wu Cheng'en". Encyclopedia of China, 1oo chur magh.