Salvador Dalí
She ellyneyr far-rieughagh Spaainagh va Salvador Domingo Felipe Jacinto Dalí i Domènech (11 Boaldyn 1904 – 23 Jerrey Geuree 1989). Ta enney mie er son e schleiyn çhaghnoil, e linneyderys cruinn, as ny jallooyn quaagh er lheh 'syn obbyr echey.
Va Dalí ruggit ayns Figueres, y Chataloan, y Spaainey, raad hooar eh e ynsaghey formoil ayns ny h-ellynyn meeiney ayns Madrid. Ghow eh cummaght as cleayney voish yn Impressionaghys as mainshtyryn yn Aaruggyr voish eash aeg as haink er, beggan er veggan , dy ve cleaynit rish gleashaghtyn y chioobaghys as avant-garde.[1] Hie yn obbyr echey ny s'niessey da'n Far-rieughid ayns ny 1920yn jeianagh as hie eh stiagh 'sy phossan Far-rieugagh ayns 1929 raad haink er dy ve coontit myr fer jeh ny cloiederyn s'yrjey. Va'n obbyr share ennit echey, Kinjid y Chooinaghtyn, jeant ayns Luanistyn 1931, as t'eh coontit myr y pheintal Far-rieugagh smoo ard-ghooagh. Ren Dalí beaghey 'sy Rank car Caggey Theayagh y Spaainey (1936 derrey 1939) roish my daag eh dys ny Steatyn Unnaneysit. Tra v'eh hoal, chossyn eh rah chaglit. Darree eh er-ash dys y Spaainey ayns 1948 raad ren eh fogrey magh yn aa-hyndaa echey dys y chraueeaght Chatoleagh as lhiassee eh e vod "oaylyssaght hesh-veanagh" va bunnit er yn anaase echey 'sy chlassicaghys, 'syn oaylyssaght, as ayns lhiassaghyn sheansagh jeianagh.[2]
Ta stoyr ellynagh Dalí goaill stiagh peintal, ellynyn graafagh, scannaneaght, jallooderys, kiaddey, as fotografeeaght, chammah as co-obbraghyn lesh ellyneyryn elley. Chammah's shen, screeu eh far-skeealaght, feeleeaght, hene-veashnys, traaghtyn, as peeshyn cremeydagh. Ny cooishyn mooarey 'syn obbyr echey, t'ad goaill stiagh ashlishyn, y fo-chooinsheansaght, y cheintyssaght, y chraueeaght, sheanse, as ny mooinjeryssyn persoonagh echey. Chur yn aghtys theayagh corragh as erreayrtagh ny smoo arrey huggeysyn na chur yn obbyr echey, red chur contaartys orroosyn dreill eh er ard-scansh as vrasnee ny cremeyderyn echey.[3][4] S'arganagh va'n pohlldey theayagh v'echey er son y lught-reill Francoagh, e yantyssyn traghtee, as foays as feerid kuse jeh ny h-obbraghyn jeianagh echey.[5] She cummaght vooar va'n seihll as yn obbyr echey er Far-rieughee elley, er y phop-ellyn, as er ellyneyryn co-emshiragh lheid as Jeff Koons as Damien Hirst.[6]
Ta daa hie tashtee mooarey ayn currit da obbyr Salvador Dalí: Theater as Thie Tashtee Dalí ayns Figueres, y Spaainey, as Thie Tashtee Salvador Dalí ayns St. Petersburg, Florida.
Jallooyn
reagh-
Gala 'syn Uinnag (1933), Marbella
-
Yn Goal Twoaie (1972), M.T. Abraham Foundation
-
Rinoceronte vestido con puntillas (1956), Puerto José Banús
-
Plaza de Dalí (Kerrin Dalí), Madrid
-
Perseo (Perseus), Marbella
-
Paitçhyn ec taishbynys Dalí ayns Sakıp Sabancı Museum, İstanbul
Imraaghyn
reagh- ↑ Gibson, Ian, The Shameful Life of Salvador Dalí, Lunnin, Faber and Faber, 1997, Cab 2, 3
- ↑ Gibson, Ian, The Shameful Life of Salvador Dali (1997)
- ↑ Saladyga, Stephen Francis (2006). "The Mindset of Salvador Dalí". Lamplighter. Ollooscoill Niagara. Er ny hashtey veih yn lhieggan bunneydagh er 6 Mean Fouyir 2006. Feddynit magh er 22 Jerrey Souree 2006.
- ↑ Meisler, Stanley (Averil 2005). "The Surreal World of Salvador Dalí". Smithsonian.com. Smithsonian Magazine. Er ny hashtey veih’n lhieggan bunneydagh er 18 Boaldyn 2014. Feddynit magh er 12 Jerrey Souree 2014.
- ↑ Gibson, Ian (1997), passim
- ↑ "Salvador Dalí's iconic Lobster Telephone acquired by National Galleries of Scotland". National Galleries Scotland. 17 Nollick 2018. Er ny hashtey veih’n lhieggan bunneydagh er 6 Luanistyn 2020. Feddynit magh er 20 Boaldyn 2020.
{{cite web}}
: Check date values in:|date=
(cooney)