Bill Murray
She fer aitt as aghteyr Americaanagh eh William James Murray (ruggit er 21 Mean Fouyir 1950).[1] Haink eh dy ve ard-ghooagh er The National Lampoon Radio Hour (1973–1974) roish my daink eh dy ve ny pheiagh ashoonagh er Saturday Night Live voish 1977 derrey 1980. Ren eh cloie ayns scannaneyn aittys lheid as Meatballs (1979), Caddyshack (1980), Stripes (1981), Tootsie (1982), Ghostbusters (1984), Scrooged (1988), Ghostbusters II (1989), What About Bob? (1991), Groundhog Day (1993), Kingpin (1996), The Man Who Knew Too Little (1997), as Osmosis Jones (2001). She Quick Change yn ynrican scannane raad t'eh enmyssit myr y stiureyder marish Howard Franklin.
Hooar Murray Aundyr Golden Globe, BAFTA as enmyssaght Oscar kyndagh rish e chloie 'sy scannane Lost in Translatio (2003) liorish Sofia Coppola. T'eh er cho-obbraghey dy mennick marish ny stiureyderyn Ivan Reitman, Harold Ramis, Wes Anderson, Sofia Coppola, Jim Jarmusch, John McNaughton as ny Braaraghyn Farrelly. Hooar eh enmyssaghtyn Golden Globe son e phaartyn ayns Ghostbusters, Rushmore (1998), Hyde Park on Hudson (2012), St. Vincent (2014) as y vyn-straih HBO Olive Kitteridge (2014). Hooar Murray Aundyr Mark Twain son Aittys Americaanagh ayns 2016.[2] Ta enney mooar er Murray chammah myr goo Garfield ayns ny scannaneyn aittys kynnee Garfield: The Movie (2004) as y scannane eiyrtyssagh echey, Garfield: A Tail of Two Kitties (2006), myr Clive Badger ayns Fantastic Mr. Fox (2009), Baloo 'syn aachummey jantys bio The Jungle Book (2016) liorish Disney as myr Boss ayns Isle of Dogs (2018).
Imraaghyn
reagh- ↑ "Horoscope", TV Guide (20 Nollick 2021), dg. 70.
- ↑ "Bill Murray accepts Mark Twain Prize: 'As much as I dreaded this ... there's love'" (23 Jerrey Fouyir 2016). Feddynit magh er 3 Sauin 2016.
Kianglaghyn magh
reagh- Bill Murray ec IMDb