Isidore de Souza

Isidore de Souza (Azán ẹnẹtọ, osun ẹnẹtọ, owhe 1934-Azán wiatọ̀ntọ, osun atọ̀ntọ, owhe 1999) yin yẹwhenọ to otò Benẹ tọn mẹ to Cotonou sọn owhe 1990 jẹ 1999. E yin jiji do whẹndo Dé Souza tọn mẹ to Ouidah to azan ẹnẹtọ, osun ẹnẹtọ, owhe 1934 tọn. E hiawe to Abidjan po Rome po. E yin dide taidi yẹwhenọ to azan ṣinatọntọ, osun ṣinawetọ, owhe 1962 tọn. De Souza yin dide taidi yẹwhenọ daho Cotonou tọn to azan fọtọnnukunawetọ, osun ṣinawetọ, owhe 1981 tọn podọ e lẹzun yẹwhegan to azan koatọnnukunawetọ, osun wiawetọ, owhe 1990 tọn. E lẹzun nukọntọ na ogbẹ́ National Conference tọn to osun awetọ owhe 1990 tọn, E gọalo to ada nuhiho tọn mẹ ma nado dike na awhanfuntọ lẹ ni doalọtena ẹn. De Souza sẹn taidi nukọntọ High councils of the Republic sọn azán koatọnnukunatọ̀ntọ, osun awetọ owhe 1990 tọn yì azán gbannukundopotọ, osun atọ̀ntọ owhe 1991 tọn, to fie yè nọ ze tito ovo tọn doai po osẹn yọyọ lẹ po te. E gbidikọna togan Mathieu Kerekou nado kẹalọyi dide he yin zize dai, bosọ gọ Benẹ do osẹ́n he bọawu dé glọ. De Souza wẹ yin nukọntọ na ogbẹ́ Regional Episcopal Conference of Francofone West Africa tọn sọn owhe 1997 kakajẹ whenue e wá yin matintọ. E basi matintọ to azán wiatọ̀ntọ, osun atọ̀ntọ, owhe 1999 tọn to Ouidah.