𐌵𐍉𐍃

𐌵𐍉𐍃 𐌱𐍂𐌿𐌽𐌰 𐌰𐌽𐌰 𐌷𐌻𐌰𐌹𐌽𐌰 𐍃𐌹𐍄𐌹𐌸.

𐌵𐍉𐍃 (Bos primigenius taurus) 𐌹𐍃𐍄 𐌼𐌹𐌺𐌹𐌻𐍃 𐌳𐌰𐌳𐌳𐌾𐌰𐌽𐌳𐍃, 𐍃𐌰𐌴𐌹 𐍆𐌰𐍂𐍅 𐍄𐌰𐌼 𐌿𐍂𐌹𐍃 𐌹𐌽 𐌰𐌹𐍅𐍂𐍉𐍀𐌰𐌰𐍃𐌹𐌰𐌹 𐌹𐍃𐍄. 𐌼𐌰𐌽𐍃 𐌵𐍉𐌽𐍃 𐍃𐍅𐌹𐌽𐌸𐍉𐍃𐍄 𐌹𐌽 𐌼𐌹𐌻𐌿𐌺𐍃 𐌾𐌰𐌷 𐌼𐌹𐌼𐌶𐌹𐍃 𐌾𐌰𐌷 𐌻𐌹𐌸𐍂𐌹𐍃 𐌹𐌶𐌴 𐍆𐍉𐌳𐌾𐌰𐌽𐌳. 𐌵𐍉𐍃 𐌺𐌹𐌽𐌸𐍃 𐍃𐌹𐌽𐌳𐌿𐌷 𐌲𐌰𐌼𐌰𐌹𐌽𐌹𐍃𐍄𐌰 𐌲𐌰𐌷𐍉𐍆𐌰𐌹𐌶𐌴 𐌳𐌹𐌿𐌶𐌴 𐍄𐌰𐌼𐌰𐌹𐌶𐌴 𐌼𐌹𐌺𐌹𐌻𐌰𐌹𐌶𐌴. 𐌹𐌾𐍉𐍃 𐌾𐌰𐌷 𐌳𐌹𐌿𐌶𐌰 𐍅𐌹𐌽𐌾𐍉𐌽𐌳𐍉𐌽𐌰 𐌼𐌹𐌺𐌹𐌻𐌰 𐌼𐌹𐌸 𐌷𐍉𐍆𐌰𐌼 𐌾𐌰𐌷 𐍆𐌹𐌳𐍅𐍉𐍂𐌹𐌼 𐌼𐌰𐌲𐌰𐌼 𐍃𐌹𐌽𐌳. 𐌰𐌸𐌸𐌰𐌽 𐌱𐌹 𐍃𐌿𐌽𐌾𐌰𐌹 𐍃𐌰 𐌼𐌰𐌲𐌰 𐌹𐍃𐍄 𐌳𐌿𐌳𐌰𐍆𐍄𐍃 𐌷𐌹𐌻𐍀𐌰𐌽 𐍄𐍅𐌹𐍃𐌱𐌰𐌹𐍂𐌰𐌽 𐌲𐍂𐌰𐍃𐌰 𐍄𐌰𐌷𐌾𐌰. 𐍃𐌿𐌼𐍉𐍃 𐌺𐌹𐌽𐌸𐌴𐌹𐍃 𐌵𐍉𐌴 𐌰𐌹𐌸𐌸𐌰𐌿 𐍆𐌰𐌹𐌷𐌰𐌿𐍃 𐌰𐌻𐌰𐌲𐌰𐌼𐌰𐌹𐌽𐌹𐌱𐌰 𐌷𐌰𐌿𐍂𐌽𐌰 𐌷𐌰𐌱𐌰𐌽𐌳, 𐌰𐌽𐌰 𐌺𐌹𐌽𐌸 𐌰𐌿𐌺 𐌰𐍆𐌷𐌰𐌷𐌹𐌸. 𐌵𐍉𐍃 𐌸𐍂𐍉𐌸𐌹𐌻𐌴𐌹𐌺𐍉 𐍃𐌰𐌼𐌰𐌽𐌰 𐌹𐌽 𐌺𐍂𐌿𐍀𐍀𐌰𐌼 𐌷𐌰𐌹𐍄𐌰𐌽𐌰 𐌷𐌰𐌹𐍂𐌳𐌰 𐌼𐌹𐌸𐌱𐌴𐌹𐌳𐌰𐌽𐌳. 𐌰𐌸𐌸𐌰𐌽 𐌲𐌿𐌼𐌰𐌺𐌿𐌽𐌳𐍃 𐌷𐌰𐌹𐍄𐌰𐌳𐌰 𐌸𐌹𐌿𐍂𐍃 𐌾𐌰𐌷 𐌵𐌹𐌽𐌰𐌻𐌴𐌹𐌺𐌰 𐌷𐌰𐌹𐍄𐌰𐌳𐌰 𐌵𐍉𐍃. 𐌰𐌹𐌽𐌰𐌼𐌼𐌰 𐌸𐌹𐌿𐍂𐌰 𐌸𐌰𐌽 𐌸𐍂𐍉𐌸𐌹𐌻𐌴𐌹𐌺𐍉 𐌼𐌰𐌽𐌰𐌲𐍉𐍃 𐌵𐍉𐍃 𐌹𐌽 𐌷𐌰𐌹𐍂𐌳𐌰𐌹 𐍃𐍅𐌴 𐌵𐌹𐌽𐌰𐌱𐌿𐍂 𐍃𐌹𐌽𐌳. 𐌰𐌸𐌸𐌰𐌽 𐌵𐍉𐍃 𐌸𐌰𐌿 𐌸𐍂𐍉𐌸𐌹𐌻𐌴𐌹𐌺𐍉 𐌰𐌹𐌽 𐌺𐌰𐌻𐌱𐌹𐍃 𐌾𐌴𐍂𐌰 𐌱𐌰𐌹𐍂𐌹𐌸. 𐌺𐌰𐌻𐌱𐌹𐌶𐌰 𐌱𐌰𐌹𐌽𐌰 𐍃𐍅𐌹𐌽𐌸𐌰 𐌻𐌰𐌲𐌲𐌰 𐌷𐌰𐌱𐌰𐌽𐌳 𐌼𐌰𐌲𐌿𐌽𐌿𐌷 𐌾𐌰𐌷 𐍈𐌰𐌹𐍂𐌱𐌰𐌽 𐌰𐍆𐌰𐍂 𐍈𐌴𐌷 𐍆𐌰𐍅𐌰 𐌰𐌲𐌲𐍉𐌽𐌰 𐌰𐍆𐌰𐍂 𐌲𐌰𐌱𐌰𐌿𐍂𐌸𐌰𐌹, 𐌴𐌹 𐌰𐍆𐌰𐍂 𐌷𐌰𐌹𐍂𐌳𐌰𐌹 𐌲𐌰𐌻𐌰𐌹𐍃𐍄𐌾𐌰𐌹𐌽𐌰.

𐌵𐍉𐍃 𐍃𐌹𐌽𐌳 𐌰𐌽𐌳 𐌰𐌻𐌻𐌰 𐌳𐌰𐌹𐌻 𐌸𐌹𐍃 𐍆𐌰𐌹𐍂𐍈𐌰𐌿𐍃 𐌰𐌻𐌾𐌰 𐌸𐌰𐌹𐌼 𐌰𐌼𐌰𐌹𐍂𐌹𐌺𐍉𐌼 𐌾𐌰𐌷 𐌰𐍅𐍃𐍄𐍂𐌰𐌻𐌾𐌰𐌹 𐌾𐌰𐌷 𐌽𐌹𐌿𐌾𐌰𐌼𐌼𐌰 𐍃𐌰𐌹𐍈𐌰𐌻𐌰𐌽𐌳𐌰. 𐌵𐍉𐍃 𐌲𐌰𐍄𐌰𐌼𐌹𐌳𐍉𐍃 𐍆𐍂𐌰𐌼 9000 𐌾𐌴𐍂𐌰𐌼 𐍃𐌹𐌽𐌳. 𐌰𐌸𐌸𐌰𐌽 𐌹𐌾𐍉𐍃 𐌼𐌹𐌻𐌿𐌺 𐌾𐌰𐌷 𐌼𐌹𐌼𐌶𐌰 𐌾𐌰𐌷 𐌸𐌰𐌹𐍂𐌷𐌽𐌿𐌼𐍄𐌰𐌹 𐌾𐌰𐌷 𐌰𐍆𐌰𐌻𐌰 𐌱𐍂𐌿𐌺𐌾𐌰𐌽𐌳𐌰.

𐌻𐌹𐌱𐌰𐌹𐌽𐌹𐌻𐌴𐌹𐍃𐌴𐌹

𐌵𐍉𐍃 𐌰𐌽𐌳 𐌰𐌻𐌻𐌰𐍄𐌰 𐌸𐌹𐍃 𐍆𐌰𐌹𐍂𐍈𐌰𐌿𐍃 𐌱𐌹𐌲𐌹𐍄𐌰𐌽𐌳𐌰 𐌿𐌽𐌳 𐌺𐌰𐌽𐌰𐌳𐌰 𐌾𐌰𐌷 𐍂𐌿𐍃𐍃𐌾𐌰𐌹. 𐌰𐌸𐌸𐌰𐌽 𐍃𐍉 𐌰𐌹𐌽𐌰𐌷𐍉 𐌰𐌹𐍂𐌸𐌰𐌳𐌰𐌹𐌻𐍃 𐌸𐌰𐍂𐌴𐌹 𐌽𐌹 𐌱𐌹𐌲𐌹𐍄𐌰𐌽𐌳𐌰 𐌰𐌽𐌳𐌰𐌱𐌰𐌹𐍂𐌰𐌻𐌰𐌽𐌳 𐌹𐍃𐍄. 𐌼𐌹𐍃𐍃𐌰𐌻𐌴𐌹𐌺𐍉𐍃 𐌺𐌹𐌽𐌸𐌴𐌹𐍃 𐌼𐌹𐍃𐍃𐌰𐌻𐌴𐌹𐌺𐌰𐌹𐌼 𐌱𐌹𐍅𐌰𐍂𐍀𐌰𐌼 𐌲𐌰𐌳𐌰𐌱𐌰𐌽𐌳.