Xistra
![](http://upload.wikimedia.org/wikipedia/commons/thumb/f/fa/Blizzard1_-_NOAA.jpg/220px-Blizzard1_-_NOAA.jpg)
Unha xistra[1] é un fenómeno meteorolóxico polo cal un vento levanta a neve do chan. É un tipo de tormenta de neve intensa. Por definición, a diferenza entre unha tormenta de neve regular e unha xistra é pola forza do vento. Unha posible definición de turbulencia é que se produzan ventos superiores a 56 km/h e temperaturas inferiores a -12 °C. Nestas condicións, a neve barrida polo vento reduce drasticamente a visibilidade e corta as estradas.
Unha xistra en Irán que durou do 3 ao 9 de febreiro de 1972 e matou máis de 4000 persoas foi a máis mortal coñecida.
En inglés a xistra correspóndese ao vocábulo blizzard, palabra que provén da lingua alemá e foi empregada por primeira vez polos habitantes de orixe alemá dunha pequena cidade do estado de Minnesota. O termo estendeuse rapidamente á maioría dos países nórdicos e fíxose común na prensa a partir do inverno de 1880-81.[2] O fenómeno do blizzard é particularmente grave no Canadá e no norte dos Estados Unidos, xa que reduce moito a visibilidade, ás veces ata a só metros. As persoas que non se refuxian poden perderse facilmente durante esta treboada de neve, co risco de sufrir unha hipotermia que pode ser fatal. As nevaradas e a choiva xeada provocan a maioría dos accidentes de tráfico durante o inverno en América do Norte.
Definicións
[editar | editar a fonte]O blizzard defínese oficialmente no Canadá e nos Estados Unidos como unha redución da visibilidade horizontal do chan caracterizada por:[3][4]
- Unha visibilidade inferior a 400 metros causada polo movemento da neve, con ou sen nevaradas.
- Condicións de vento turbulentas ou regulares, que inducen velocidades do vento iguais ou superiores a 50 km/h e un risco de arrefriamento dos seres vivos polo fluxo de aire (vento arrefriado).
- Unha duración prolongada, alta ou baixa de tres horas e un máximo de tres días.
A oficina australiana de meteoroloxía describe blizzard como "vento violento e moi frío cargado con neve, algunha dela, polo menos, levantada do chan nevado".[5]
Notas
[editar | editar a fonte]- ↑ Definicións no Dicionario da Real Academia Galega e no Portal das Palabras para Xistra. Recolle como sinónimos brea, cifra, ciobra e rebelaxe.
- ↑ Entry for Blizzard (en inglés). Oxford English Dictionary.
- ↑ "Critères d'avertissements publics : Blizzard". Service météorologique du Canada (en francés). 8 de setembro de 2010. Consultado o 2011-12-18.
- ↑ "Définition de termes météorologiques". NOAA (en francés). Consultado o 2011-12-18.
- ↑ "Blizzard definition, Weather Words, Australian Government Bureau of Meteorology" (en inglés). Bom.gov.au. Consultado o 2012-08-18.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Xistra ![]() |
Ligazóns externas
[editar | editar a fonte]- Digital Snow Museum Photos of historic blizzards and snowstorms.
- Farmers Almanac List of Worst Blizzards in the United States
- United States Search and Rescue Task Force: About Blizzards
- A Historical Review On The Origin and Definition of the Word BlizzardArquivado 25 de abril de 2012 en Wayback Machine. Dr Richard Wild