Xépidos
![](http://upload.wikimedia.org/wikipedia/commons/thumb/d/d3/Gepid_kingdom_6th_century.png/250px-Gepid_kingdom_6th_century.png)
Os Xépidos eran un pobo xermano procedente do baixo Vístula e que se asentaron en Transilvania.
Foron dominados polos hunos e combateron xunto a Atila na Batalla dos Campos Cataláunicos (451).
Trala morte de Atila, os xépidos ao mando do seu rei Ardarico rebeláronse contra os hunos, aliáronse aos ostrogodos e hérulos para derrotaren aos fillos de Atila na beira do río Nedao.
No ano 565, estalou a guerra entre longobardos e xépidos, quen, ante a superioridade dos longobardos, buscaron axuda do emperador Xustino II prometendo entregar a cambio a cidade de Sirmium (actual Sremska Mitrovica en Serbia).
Os longobardos foron derrotados e o rei xépido Cunimundo non cumpriu a súa promesa e retivo Sirmium, Os longobardos entón aliáronse aos ávaros e derrotaron totalmente aos xépidos matando ao seu rei e repartíndose todos os seus territorios cos ávaros.