Veo de manivelas
![](http://upload.wikimedia.org/wikipedia/commons/thumb/b/b8/Crankshaftrendering.png/220px-Crankshaftrendering.png)
![](http://upload.wikimedia.org/wikipedia/commons/thumb/a/ac/Cshaft.gif/220px-Cshaft.gif)
O veo de manivelas[1] ou cegoñal[2] é a árbore de transmisión dunha máquina, que recolle o movemento transmitido polas bielas e cédeo a unha transmisión ou carga. Ten forma de eixo con cóbados e contrapesos que, aplicando o sistema do mecanismo biela-manivela, transforma o movemento rectilíneo alternativo en rotatorio e viceversa.
O veo de manivelas é unha parte esencial nos motores alternativos, nos cales o movemento linear dos pistóns dentro dos cilindros transmítese ás bielas e transfórmase nun movemento rotatorio do eixo que, á súa vez, transmítese ás rodas e outros elementos como un volante de inercia. O veo de manivelas é un elemento estrutural do motor.
Normalmente fabrícanse de aliaxes capaces de soportar os esforzos aos que se ven sometidos e poden ter perforacións e condutos para o paso de lubricante. Hai diferentes tipos de veos de manivelas; existen de tres apoios, de cinco apoios etc., dependendo do número de cilindros que teña o motor.
Notas
[editar | editar a fonte]- ↑ Elisardo López Varela, Antonio Pichel Lorenzo, Emilio Facal Cancela (1992). Vocabulario temático ilustrado: galego, français, español, english. Editorial Galaxia. p. 198. ISBN 84-7154-798-8.
- ↑ Definicións no Dicionario da Real Academia Galega e no Portal das Palabras para cegoñal.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Veo de manivelas |