Tursiops
Tursiops Arroaces | |||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() Tursiops truncatus | |||||||||||||||||||||||||||
Clasificación científica | |||||||||||||||||||||||||||
| |||||||||||||||||||||||||||
Especies | |||||||||||||||||||||||||||
|
![](http://upload.wikimedia.org/wikipedia/commons/thumb/8/87/Tursiops_aduncus%2C_Port_River%2C_Adelaide%2C_Australia_-_2003.jpg/230px-Tursiops_aduncus%2C_Port_River%2C_Adelaide%2C_Australia_-_2003.jpg)
![](http://upload.wikimedia.org/wikipedia/commons/thumb/7/7c/Dauphin_australie.jpg/230px-Dauphin_australie.jpg)
Tursiops é un xénero de cetáceos odontocetos da familia dos delfínidos que reúne tres especies coñecidas como arroaces, que se encontran amplamente difundidas en todos os mares do mundo.
Etimoloxía
[editar | editar a fonte]O nome latino Tursiops deriva do grego antigo θύρσος týrsos, "tirso", o báculo enramado que levaba o deus Baco e as bacantes que participaban no seu culto, e o elemento do latín científico -ops, que deriva do grego ώψ óps, "vista", "aparencia", e que quizais fose o nome dunha especie de golfiño,[2] ou talvez do feito que os arroaces se denominen en inglés bottlenose dolphins, é dicir, "golfiños con fociño de botella".
Taxonomía
[editar | editar a fonte]Durante moito tempo os científicos pensaron que o xénero Tursiops era monoespecífico, coa única especie Tursiops truncatus, aínda que moitos pensaban en que podería haber máis dunha.
Desde que en 1998 Rice recoñeceu como válida a especie Tursiops aduncus (que fora descrita por Ehrenberg en 1833) houbo un crecente consenso de que o xénero estaba formado por estas dúas especies.[1]
Pero recentes estudos de xenética molecular permitiron un mellor coñecemento deste problema, anteriormente insuperábel, e unha terceira especie, Tursiops australis foi descrita en 2011.[3]
Polo tanto, na actualidade están recoñecidas tres especies dentro do xénero:
- Xénero Tursiops
- Tursiops aduncus (Ehrenberg, 1833) — dos océanos Índico e Pacífico
- Tursiops truncatus (Montagu, 1821) — o noso arroaz, de distribución mundial
- Tursiops australis (Charlton-Robb et al., 2011) — das costas do sur de Australia
Características
[editar | editar a fonte]As principais características das especies do xénero Tursiops son as seguintes:[4]
- Corpo fusiforme, robusto, de 1,9 a 3,9 m de lonxitude nos adultos.
- Coloración variábel, en xeral gis azulada polo dorso e máis clara no ventre.
- Cabeza grande, coa fronte máis ou menos arredondada, debido ao melón
- Fociño rematado nun bico relativamente curto (en ralación co doutros golfiños), de lonxitude e grosor variábeis.
- Pedúnculo caudal groso.
Notas
[editar | editar a fonte]- ↑ 1,0 1,1 Tursiops Grevais, 1855 en ITIS.
- ↑ Merriam-Webster's Unabridged Dictionary.
- ↑ Kate Charlton-Robb, Lisa-Ann Gershwin, Ross Thompson, Jeremy Austin, Kylie Owen e Stephen McKechnie (2011): "A New Dolphin Species, the Burrunan Dolphin Tursiops australis sp. nov., Endemic to Southern Australian Coastal Waters" Ver en liña PLoS ONE 6 (9): e24047.
- ↑ Carwardine, M. (1995), pp. 192-193.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Tursiops ![]() |
![]() |
Wikispecies posúe unha páxina sobre: Tursiops |
Bibliografía
[editar | editar a fonte]- Carwardine, Mark (1995): Ballenas, delfines y marsopas. Barcelona: Ediciones Omega. ISBN 84-282-1037-3.
- Perrin, William F., Bernd Würsig & J. G. M. Thewissen (eds.) (2002): Encyclopedia of Marine Mammals. 2ª ed. San Diego: Academic Press. ISBN 978-0-12-373553-9
- Wilson, D. E. & Reeder, D. M. (eds.) (2005): Mammal Species of the World. A Taxonomic and Geographic Reference. Third edition. ISBN 0-8018-8221-4.
Outros artigos
[editar | editar a fonte]Ligazóns externas
[editar | editar a fonte]- Tursiops en ADW.