Robert Frost

Robert Frost

(1941)
Biografía
Nacemento	26 de marzo de 1874 San Francisco, Estados Unidos de América
Morte	29 de xaneiro de 1963 (88 anos) Boston, Estados Unidos de América
Causa da morte	complicacións dunha cirurxía
Lugar de sepultura	Old Bennington Cemetery (en)
Residencia	The Frost Place (en) (1915–1920) Robert Frost House (en) Nova Hampshire
Educación	Universidade Harvard (1891–1897) Dartmouth College Lawrence High School (en)
Actividade
Ocupación	poeta, pedagogo, escritor, dramaturgo
Período de actividade	1913 -
Empregador	Universidade Harvard Dartmouth College Lawrence High School (en) Universidade de Míchigan Amherst College
Membro de	Sociedade Filosófica Estadounidense Academia Estadounidense das Artes e as Letras Phi Beta Kappa Academia das Artes e das Ciencias dos Estados Unidos PEN America (en)
Influencias	Thomas Hardy, Ezra Pound, Robert Graves, William Butler Yeats, Robert Browning (pt) , Ralph Waldo Emerson, John Keats e William Wordsworth
Obra
Obras destacables A Masque of Reason (en) A Further Range (en) New Hampshire (en) (1914) North of Boston (en) (1916) Mountain Interval (en) (1928) West-Running Brook (en) (1930) Collected Poems of Robert Frost (en) (1942) A Witness Tree (en)
Arquivos en	University of Maryland Libraries (en)
Familia
Cónxuxe	Elinor Miriam Frost
Pais	William Prescott Frost   e Isabel Moodie
Premios
(1962)  Prémio Bollingen (pt) (31 de xaneiro de 1961)  doutor honoris causa pola Universidade de Miami (1960)  Medalla de Ouro do Congreso dos Estados Unidos de América (1958)  United States Poet Laureate (en) (1958)  Emerson-Thoreau Medal (en) (1953)  Academy of American Poets Fellowship (en) (1943)  Prémio Pulitzer de Poesia (pt) , premiado polo traballo A Witness Tree (en) (1941)  Robert Frost Medal (en) (1937)  Prémio Pulitzer de Poesia (pt) , premiado polo traballo A Further Range (en) (1931)  Prémio Pulitzer de Poesia (pt) , premiado polo traballo Collected Poems of Robert Frost (en) (1924)  Prémio Pulitzer de Poesia (pt) , premiado polo traballo New Hampshire (en)  doutor honoris causa pola Universidade de Oxford  Russell Loines Award for Poetry (en)  doutor honoris causa pola Universidade de Cambridge  doutor honoris causa pola Universidade Harvard
Sinatura
Descrito pola fonte	Obálky knih, Library of the World's Best Literature 1922 Encyclopædia Britannica (en)

Robert Lee Frost, nado en San Francisco (California) o 26 de marzo de 1874 e finado en Boston o 29 de xaneiro de 1963, foi un dos máis importantes poetas dos Estados Unidos do século XX. Frost recibiu catro premios Pulitzer.

Traxectoria

O pai de Frost bebía, xogaba e era excéntrico e irascibel. A súa nai era o oposto, relixiosa e culta e foi quen presentou ao fillo o mundo da literatura. Coa morte do pai en 1885, a familia mudouse a Nova Inglaterra, rexión á cal Frost e a súa poesía serían permanentemente asociados no futuro (aínda que o poeta tamén pasou longas tempadas en Míchigan e Florida).

En 1890, publicou o seu primeiro poema, comezou a dar clases e realizou pequenos servizos en facendas e muíños. A vida que levaba nese período moldeou a súa personalidade poética: Frost foi un dos poetas norteamericanos que mellor combinou nos seus versos o popular e o moderno, o local e o universal.

En 1895, iniciou unha nova fase na súa vida co seu matrimonio con Elinor White o 19 de decembro; o seu primeiro fillo naceu o ano seguinte (tiveron seis en total), e pasou a involucrarse cada vez máis na vida no campo: en 1901 xa administraba a súa propia facenda. Adquiriu o hábito de escribir os seus poemas á noite, na mesa da cociña. A partir de 1906, cando comezou a dar clases a tempo completo na Pinkerton Academy, a vida profesional de Frost non se volveu separar máis das letras. Comezou a impartir leccións e conferencias, actividade que non abandonou ata a morte.

Entre 1912 e 1915 viviu no Reino Unido, país onde publicou os seus dous primeiros libros de poemas, A Boy’s Will (1913) e North of Boston (1914). Os libros foron ben recibidos pola crítica europea, e Frost foi presentado a poetas famosos, como Ezra Pound, Ford Madox Ford e W. B. Yeats.

En 1915 volveu aos Estados Unidos, e o mesmo ano lanzou no seu país natal os seus dous primeiros libros. Entre as súas publicacións de 1920 está o poema "Fire and Ice". Coa carreira literaria cada vez máis consolidada, recibiu o Pulitzer (1924, por New Hampshire, e 1931, por Collected Poems).

A morte da súa esposa en 1938 e o suicidio da súa filla Carol en 1940 causaron un impacto tremendo na súa estabilidade emocional. En 1941, mudouse a Cambridge, onde viviu o resto da súa vida, todo o tempo asesorado pola súa secretaria Kathleen Morrison; inmediatamente despois da morte da súa dona, Frost pediulle matrimonio a Kathleen, máis esta rexeitouno.

As viaxes como conferencante incluíron unha visita ao Brasil (Río de Xaneiro e São Paulo) en agosto de 1954. En 1957 volveu visitar Europa, ocasión en que coñeceu grandes nomes da literatura da época como W. H. Auden, E. M. Forster, Cecil Day Lewis ou Graham Greene. Plenamente recoñecido como un dos maiores poetas norteamericanos do século XX, Robert Frost morreu o 29 de xaneiro de 1963.

Obra

Robert Frost nunha medalla da serie American Arts.

A produción literaria de Frost é variada e abondosa. A súa poesía inclúe sonetos, poemas en forma de diálogo, poemas curtos e poemas longos. Escribiu tres pezas teatrais (A Way Out, In an Art Factory e The Guardeen). Son moi numerosos os rexistros das súas conferencias. A correspondencia, os ensaios e as historias merecen o mesmo comentario.

Frost ten a capacidade de dar un tratamento simple e ao mesmo tempo profundo a temas elementais (lume, xeo, natureza), tirando certas "leccións de moral" das súas observacións do mundo natural (leccións non sempre optimistas, como se pode notar en Nothing Gold Can Stay). Tal trazo, aliado á modernidade da súa linguaxe (Frost era un defensor do uso da linguaxe vernácula nas obras literarias), fixo que Frost xamais deixase de figurar entre os escritores predilectos dos norteamericanos, ao lado de nomes como Whitman, Emerson e Thoreau. O seu poema "The Road Not Taken" é peza obrigatoria en calquera antoloxía poética de lingua inglesa. Proba adicional da súa popularidade son as varias referencias en filmes como Dead Poets Society e Baixo o peso da lei.

Bibliografía

Poesía

• A Boy's Will (David Nutt 1913; Holt, 1915)
• North of Boston (David Nutt, 1914; Holt, 1914)
  • "After Apple-Picking"
  • "The Death of the Hired Man"
  • "Mending Wall"
• Mountain Interval (Holt, 1916)
  • "Birches"
  • "Out, Out"
  • "The Oven Bird"
  • "The Road Not Taken"
• Selected Poems (Holt, 1923)
• New Hampshire (Holt, 1923; Grant Richards, 1924)
  • "Fire and Ice"
  • "Nothing Gold Can Stay"
  • "Stopping by Woods on a Snowy Evening"
• Several Short Poems (Holt, 1924)
• Selected Poems (Holt, 1928)
• West-Running Brook (Holt, 1928? 1929)
  • "Acquainted with the Night"
• The Lovely Shall Be Choosers, The Poetry Quartos, impreso e ilustrado por Paul Johnston (Random House, 1929)
• Collected Poems of Robert Frost (Holt, 1930; Longmans, Green, 1930)
• The Lone Striker (Knopf, 1933)
• Selected Poems: Third Edition (Holt, 1934)
• Three Poems (Baker Library, Dartmouth College, 1935)
• The Gold Hesperidee (Bibliophile Press, 1935)
• From Snow to Snow (Holt, 1936)
• A Further Range (Holt, 1936; Cape, 1937)
• Collected Poems of Robert Frost (Holt, 1939; Longmans, Green, 1939)
• A Witness Tree (Holt, 1942; Cape, 1943)
  • "The Gift Outright"
  • "A Question"
  • "The Silken Tent"
• Come In, and Other Poems (Holt, 1943)
• Steeple Bush (Holt, 1947)
• Complete Poems of Robert Frost, 1949 (Holt, 1949; Cape, 1951)
• Hard Not To Be King (House of Books, 1951)
• Aforesaid (Holt, 1954)
• A Remembrance Collection of New Poems (Holt, 1959)
• You Come Too (Holt, 1959; Bodley Head, 1964)
• In the Clearing (Holt Rinehart & Winston, 1962)
• The Poetry of Robert Frost (Holt Rinehart & Winston, 1969)

Teatro

• A Way Out: A One Act Play (Harbor Press, 1929).
• The Cow's in the Corn: A One Act Irish Play in Rhyme (Slide Mountain Press, 1929).
• A Masque of Reason (Holt, 1945).
• A Masque of Mercy (Holt, 1947).

Obras en prosa

• The Letters of Robert Frost to Louis Untermeyer (Holt, Rinehart & Winston, 1963; Cape, 1964).
• Robert Frost and John Bartlett: The Record of a Friendship, por Margaret Bartlett Anderson (Holt, Rinehart & Winston, 1963).
• Selected Letters of Robert Frost (Holt, Rinehart & Winston, 1964).
• Interviews with Robert Frost (Holt, Rinehart & Winston, 1966; Cape, 1967).
• Family Letters of Robert and Elinor Frost (State University of New York Press, 1972).
• Robert Frost and Sidney Cox: Forty Years of Friendship (University Press of New England, 1981).
• The Notebooks of Robert Frost, editado por Robert Faggen (Harvard University Press, xaneiro 2007).

Cartas

• Frost, Robert (febreiro de 2014). Sheehy, Donald; Richardson, Mark; Faggen, Robert, eds. The Letters of Robert Frost, Volume 1, 1886–1920. Belknap Press. ISBN 978-0674057609.  (Harvard University Press).
• Frost, Robert (setembro de 2016). Sheehy, Donald; Richardson, Mark; Haas, Robert Bernard; Atmore, Henry, eds. The Letters of Robert Frost, Volume 2, 1920–1928. Belknap Press. ISBN 978-0674726642.  (Harvard University Press).

Volumes

• Collected Poems, Prose and Plays (Richard Poirier, ed.) (Library of America, 1995).

Poesía falada

• Robert Frost Reads His Poetry, Caedmon Records, 1957, TC1060

Véxase tamén

Bibliografía

• Pritchard, William H. (2000). "Frost's Life and Career". Arquivado dende o orixinal (http) o 16 de decembro de 2008. Consultado o March 18, 2001. 
• Taylor, Welford Dunaway (1996). Robert Frost and J.J. Lankes: Riders on Pegasus. Hanover, New Hampshire: Dartmouth College Library. ASIN B0006FAO4Q. 
• Burlington Free Press, 8 de xaneiro de 2008. Article: Vandalized Frost house drew a crowd.
• Collected Poems, Prose, & Plays. 10/1995 Library of America. Robert Frost. Edited by Richard Poirier and Mark Richardson. Trade ISBN 1-883011-06-X. [2]

Ligazóns externas

• Profile and poems at the Academy of American Poets
• Robert Frost, profile and poems at the Poetry Foundation
• Profile Arquivado 16 de decembro de 2008 en Wayback Machine. at Modern American Poetry