Quiosco
![](http://upload.wikimedia.org/wikipedia/commons/thumb/5/58/QuioscoPlazaIndependenciaTandil-may2015.jpg/220px-QuioscoPlazaIndependenciaTandil-may2015.jpg)
Un quiosco (do persiano: kōšk, que significa "pavillón", a través do turco: köşk e do francés kiosque[1]) é unha pequena construción que se instala nos parques e xardíns e que consta, polo xeral, só dun teito e unhas columnas que o sosteñen. Pode ter diversos usos, como por exemplo servir como palco da música. A diferenza das pérgolas, a cuberta dos quioscos non ten cavidades. Na súa orixe, nestas construcións vendíanse lambetadas e xornais, polo que o termo hoxe en día se refire a calquera construción pequena instalada normalmente ao ar libre para a venda de periódicos, caramelos, flores etc[2].
A función dos quioscos, sexa cal for a súa finalidade, é dar unha relativa protección do sol e da choiva, tanto se é un espazo escénico coma se se trata dun lugar de almacenamento ou posto de venda na vía pública. Deste xeito, diferénciase da venda ambulante, pois o quiosco está suxeito a algún tipo de regulación, autorización, permiso ou concesión administrativa.
O seu lugar habitual está nos xardíns, as prazas, os bulevares e as beirarrúa con amplitude abonda.
Tipos de quioscos
[editar | editar a fonte]Segundo o seu uso pódense clasificar en distintos tipos:
- Quiosco de flores, posto de venda no que se comercializan principalmente ramos de flores.
- Quiosco de lambetadas, establecimiento comercial no que se venden principalmente lambonadas, cigarros, tarxetas telefónicas, etc.
- Quiosco de información, posto non comercial no que se fornece información turística ou referente a campañas públicas.
- Quiosco de música, construción festiva, normalmente de planta circular ou semicircular, que alberga concertos.
- Quiosco de xornais, posto de venda de dimensións reducidas no que se comercializan principalmente xornais e revistas.
- Quiosco interactivo, computadora localizada en lugar público que permite aos usuarios realizar diferentes accións.
- Quiosco aseo, módulo de aseos situado habitualmente en espazo público.
- Quiosco bar, establecemento no que se serven comidas e bebidas situado habitualmente en espazo público (parques, prazas, praias...)
Galería de imaxes
[editar | editar a fonte]-
Quiosco da Once
-
Quisoco de prensa en Portosín.
-
Quisoco de música en San Marcos.
-
Quiosco antigo.
-
Quiosco en Cangas.
-
Quiosco da Alman Çeşmesi ("fonte alemá") do Hipódromo de Constantinopla.
-
Quiosco decorativo nos Xardíns de Aranjuez, Madrid.
Notas
[editar | editar a fonte]- ↑ Dicionario da Real Academia Española da Lingua
- ↑ Definicións no Dicionario da Real Academia Galega e no Portal das Palabras para quiosco.