Prelatura territorial católica latina de Trondheim
Localización | ||||
---|---|---|---|---|
| ||||
Poboación | ||||
Poboación | 722.320 (2019) ![]() | |||
Lingua usada | lingua norueguesa ![]() | |||
Relixión | Igrexa católica ![]() | |||
Xeografía | ||||
Superficie | 56.458 km² ![]() | |||
Comparte fronteira con | ||||
Creación | 28 de marzo de 1979 ![]() | |||
Catedral | St. Olav's Cathedral, Trondheim (en) ![]() ![]() | |||
Páxina web | katolsk.no… ![]() |
![](http://upload.wikimedia.org/wikipedia/commons/thumb/5/54/Coat_of_arms_of_the_Territorial_Prelature_of_Trondheim.svg/220px-Coat_of_arms_of_the_Territorial_Prelature_of_Trondheim.svg.png)
A prelatura territorial de Trondheim (en latín: Praelatura Territorialis Trudensis) é unha sé da Igrexa Católica Latina inmediatamente suxeita á Santa Sé. En 2004 tiña 3.228 bautizados sobre unha poboación total de 640.105 habitantes. A sé está vacante dende 2009, e o seu administrador apostólico é o bispo de Oslo, Bernt Ivar Eidsvig.
Territorio
[editar | editar a fonte]A prelatura territorial abrangue os condados de Møre og Romsdal, Sør-Trøndelag e Nord-Trøndelag. Limita ao sur coa diocese de Oslo, ao nordeste coa prelatura territorial de Tromsø, e ao sueste coa diocese de Estocolmo.
A sé prelaticia é a cidade de Trondheim, antigamente chamada Nidaros, onde está a catedral de Santo Olaf. O territorio está organizado en 5 parroquias.
Historia
[editar | editar a fonte]Na Idade Media Trondheim, entón chamada "Nidaros", era sé arcebispal, suprimida coa reforma protestante en 1537.
O 7 de abril de 1931, co breve Supremi Apostolatus, o papa Pío XI erixiu a misión sui iuris da Noruega central, en territorios da vigairía apostólica de Noruega.
O 10 de marzo de 1944 a misión sui iuris foi elevada ao rango de prefectura apostólica coa bula Digna sane do papa Pío XII.
O 4 de febreiro de 1953 a prefectura apostólica foi elevada ao rango de vigairía apostolica coa bula Sollemne est Nobis do mesmo Pío XII.
O 28 de marzo de 1979, coa bula Cum Nobis, o papa Xoán Paulo II elevou a vigairía ao rango de prelatura territorial, dándolle o nome actual.
Episcopoloxio
[editar | editar a fonte]- Cyprian Witte (30 de xaneiro de 1932 - 15 de abril de 1945, finado)
- Antonius Deutsch (14 de decembro de 1945 - 1953, renuncia)
- Johann Rüth (4 de febreiro de 1953 - 25 de marzo de 1974, retirado)
- Gerhard Schwenzer (29 de agosto de 1975 - 2 de xuño de 1981, nomeado bispo coadxutor de Oslo)
- Georg Müller (20 de xuño de 1997 - 8 de xuño de 2009, renuncia)
- Erik Varden (1 de outubro de 2019 - actualidade)