Podofilia
![](http://upload.wikimedia.org/wikipedia/commons/thumb/3/35/Podofilija.jpg/220px-Podofilija.jpg)
A podofilia é un pronunciado interese fetichista nos pés humanos. Trátase dunha parafilia, sendo un dos fetichismos máis comúns nos homes. Pola contra, o fetichismo do pé en mulleres é un comportamento sexual apenas estudado e moi pouco habitual.
Un fetichista do pé pode sexualmente ser excitado ao ver, tocar, apalpa, agarimar, lamber, ulir ou bicar os pés doutra persoa. Existen tamén fetichistas que gozan castigando os pés doutras persoas, pero estes representan máis que nada unha variante de BDSM sen relación co fetichismo de pés convencional. A resposta do fetichista é a mesma ou moi similar á resposta de excitación sexual fronte aos xenitais ou outros trazos específicos de cada sexo como os seos femininos. Ademais, moitos fetichistas de pés gozan practicando coa súa parella a técnica do chamado "footjob", a cal consiste basicamente nunha masturbación/masaxe efectuada cos pés.
![](http://upload.wikimedia.org/wikipedia/commons/thumb/d/db/Bare_feet_in_leather_leggings.jpg/220px-Bare_feet_in_leather_leggings.jpg)
Aínda que o fetichismo de pés non debe ser confundido co fetiche polo calzado, existe unha relación íntima entre ambos os dous, xa que os fetichistas de pés perciben de xeito erótico o calzado aberto feminino. Do mesmo xeito que a indumentaria e a lenzaría erótica (tangas, bragas, bikinis, escotes, minisaias etc.) resaltan os atributos do corpo da muller convencionalemente aceptados pola sociedade como sexuais, para un fetichista de pés o uso por parte dunha muller con fermosos pés de calzado aberto (sandalias, alpargatas etc) así como outros elementos (esmalte nos dedos do pé, aneis podales, tatuaxes, colares nos nocellos etc.) resultan moi estimulantes dende o punto de vista erótico. Ademais moitos fetichistas senten atracción polos pés vestidos de pantimedias de diversas cores, medias de rede ou certo tipo de medias que posúen cavidades para as dedas.