Niels Bohr
Niels (Henrik David) Bohr, nado en Copenhague o 7 de outubro de 1885 e finado na mesma cidade o 18 de novembro de 1962, foi un físico dinamarqués que ideou o modelo atómico precursor do actual e fixo outras contribucións fundamentais para o coñecemento da estrutura atómica e a mecánica cuántica.
Traxectoria
[editar | editar a fonte]Seu pai, Christian Bohr, devoto luterán, era profesor de fisioloxía na Universidade de Copenhague, mentres a súa nai, Ellen Adler Bohr, proviña dunha rica familia de orixe xudía destacada na banca e nos círculos parlamentarios. Era irmán do matemático e futbolista Harald Bohr, medallista olímpico coa selección dinamarquesa nos Xogos Olímpicos de 1908. Niels Bohr tamén era un apaixonado xogador de fútbol, chegando a xogar os dous irmáns numerosos partidos no Akademisk Boldklub.
Contribucións máis notorias
[editar | editar a fonte]- Modelo atómico de Bohr
- O momento angular orbital do electrón está cuantizado; L=nħ.
- A teoría de que os electróns viaxan en órbitas discretas arredor do núcleo atómico e que as propiedades químicas do elemento veñen determinadas en boa medida polo número de electróns de cada unha das órbitas exteriores.
- A idea de que un electrón podía caer desde uha órbita de maior enerxía a unha de menor enerxía emitindo un fotón (quanto de luz) de enerxía discreta (isto tornouse na base da teoría cuántica). Estableceu órbitas fixas cuantizadas para os electróns no átomo, co cambio das que se desprendería ou collería enerxía tamén cuantizada segundo as regras de Planck.
- Moito traballo na interpretación de Copenhaguen da mecánica cuántica.
- O principio da complementariedade: que os ítems poden ser analizados por separado como se tivesen varias propiedades contraditorias.
Niels Bohr recibiu o Premio Nobel de Física polo seu traballo en 1922.
Véxase tamén
[editar | editar a fonte]![]() |
Commons ten máis contidos multimedia sobre: Niels Bohr |
![]() |
A Galicitas posúe citas sobre: Niels Bohr |
Ligazóns externas
[editar | editar a fonte]- Físicos de Dinamarca
- Premio Nobel de Física
- Nados en 1885
- Finados en 1962
- Medalla Copley
- Nados en Copenhague
- Personalidades do Proxecto Manhattan
- Premios Nobel de Dinamarca
- Alumnos da Universidade de Copenhague
- Alumnos da Universidade de Cambridge
- Físicos cuánticos
- Futbolistas de Dinamarca
- Gardametas de fútbol
- Filósofos da ciencia