Mujeres Libres
Mujeres Libres foi unha organización feminista dentro do anarcosindicalismo español entre abril de 1936 e febreiro de 1939, durante a guerra civil española. Xunto á Confederación Nacional do Traballo (CNT), a Federación Ibérica de Juventudes Libertarias (FIJL) e a Federación Anarquista Ibérica (FAI), constituíu unha das organizacións clásicas do movemento libertario español.
Malia a igualdade de xénero que propuña a CNT dende as súas orixes, moitas das mulleres que militaban no movemento consideraron necesaria unha organización específica para desenvolveren plenamente as súas capacidades e a súa loita política.[1]
Historia
[editar | editar a fonte]![](http://upload.wikimedia.org/wikipedia/commons/1/1b/Mujeres_Libres_9.gif)
En 1934, Amparo Poch y Gascón, Lucía Sánchez Saornil e Mercedes Comaposada fundaron a revista Mujeres Libres, voceira da Federación Mujeres Libres, a prol da liberación da muller obreira. A Federación medrou axiña e en outubro de 1938 tiña máis de 20.000 membros.[2] Era unha revista para mulleres e escrita por estas. Vetou a colaboración de homes, agás o artista Baltasar Lobo, ilustrador e maquetista da publicación.
A educación e a capacitación profesional eran premisas determinantes para conquistar os dereitos das obreiras nunha formación libertaria. O obxectivo era a emancipación da muller da servidume, da ignorancia e da submisión sexual.
As agrupacións Mujeres Libres de Madrid e o Grupo Cultural Feminino de Barcelona fusionáronse en setembro de 1936 na Agrupación de Mujeres Libres. En Barcelona, a Agrupación de Mujeres Libres estabeleceu comedores colectivos, organizou cursos de alfabetización, enfermaría e puericultura e enviou víveres ó Madrid asediado.
A Agrupación Mujeres Libres abriu unha Escola de Choferes para mulleres nos Servizos de Sanidade da retagarda. Tamén impartiu cursos para capacitar a mulleres como condutoras de tranvías.
Notas
[editar | editar a fonte]Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Mujeres Libres ![]() |
Bibliografía
[editar | editar a fonte]- Liaño Gil, Conchita (1999). Mujeres Libres. Luchadoras libertarias (en castelán). Madrid: Fundación Anselmo Lorenzo. ISBN 84-86864-33-X.
- Nash, Mary, ed. (1975). Mujeres Libres, España, 1936-1939. Barcelona: Tusquets. ISBN 978-84-7223-704-9. OCLC 1638682.
- Rodrigo, Antonina (2002). Una mujer libre. Amparo Poch y Gascón, médica y anarquista. Colección Tramontana (en castelán). Barcelona: Flor del Viento Ediciones. ISBN 84-89644-76-4.